ಸೌಜನ್ಯಗ್ ನ್ಯಾಯಗಾದ್ ಒಡಿಪುಡ್ ಮಲ್ಲಮಟ್ಟದ ಪ್ರತಿಭಟನೆ..

ಧರ್ಮಸ್ಥಳ ದ ಸೌಜನ್ಯ ಅತ್ಯಾಚಾರ ಬೊಕ್ಕ ಕೊಲೆ ಆದ್ 11 ವರ್ಷ ಕರಿಂಡಲಾ ಉಂದೆತ್ತ ಪಿರಾವುದ ಅತ್ಯಾಚಾರಿಲೆನ್ ನಾಡ್ ಪತ್ತರೆಗ್ ನನಲಾ ನಮ್ಮ ಕಾನೂನು ವ್ಯವಸ್ಥೆಗ್ ಸಾಧ್ಯ ಆತುಜಿ.
ಅಂಚಾದ್ ಕುಡೊರ ಈ ಪ್ರಕರಣದ ಬಗ್ಗೆ ನ್ಯಾಯಾಂಗ ಪಿರ ಒರ ತನಿಖೆ ಮಲ್ತುದ್ ಸೌಜನ್ಯಾಗ್ ನ್ಯಾಯ ಕೊರ್ಪಾವುನ ನಮ್ಮ ಮಾತೆರೆನಲಾ ದುನಿಪು. ತುಳುನಾಡುದ ಜವಾಬ್ದಾರಿಯುತ ನಾಗರೀಕೆರಾಯಿನ ನಮಡ ಈ ಪ್ರಕರಣಗ್ ನ್ಯಾಯ ಇದಮುಟ್ಟ ಕೊರ್ಪಾವರೆಗ್ ಆಯಿಜಿಡಲಾ ,11 ವರ್ಷಡ್ ಬೊಕ್ಕ ನನಾಂಡಲಾ ಸೌಜನ್ಯ ನ ನ್ಯಾಯಗಾದ್ ಪೊರಂಬಾಟಡ್ ಕೈ ಜೋಡಿಸಾವುನ ನಮ ಮಾತೆರೆನಾ ಕರ್ತವ್ಯ.
ಈ ಪ್ರಯುಕ್ತ 29.08.2023 ಅಂಗಾರೆದಾನಿ ಉಡುಪಿಡ್ ಬ್ರಹತ್ ಪ್ರತಿಭಟನೆ ನಡಪರೆಗುಂಡ್. ಆ ಪ್ರಯುಕ್ತ ಮಧ್ಯಾಹ್ನ 3 ಗಂಟೆಗ್ ಉಡುಪಿ ಶ್ರೀಕೃಷ್ಣಗ್ ವಿಶೇಷ ಪ್ರಾರ್ಥನೆ ಮಲ್ತುದ್, ಬೊಕ್ಕ ಪಾದಯಾತ್ರೆ ಮುಖೇನ ಅಜ್ಜರಕಾಡು ಸೈನಿಕೆರೆನ ಹುತಾತ್ಮ ಸ್ಮಾರಕದ ಕೈತಲ್ ಬ್ರಹತ್ ಪ್ರತಿಭಟನಾ ಸಭೆ ನಡಪರೆಗುಂಡ್. ಕಾರ್ಯಕ್ರಮಡ್ ಮುಖ್ಯ ಪೊರಂಬಾಟಗಾರೆರಾಯಿನ ಮಹೇಶ್ ಶೆಟ್ಟಿ ತಿಮರೋಡಿ, ತಮ್ಮಣ್ಣ ಶೆಟ್ಟಿ ಬೊಕ್ಕ ಸೌಜನ್ಯ ಕುಟುಂಬಸ್ಥೆರು ಪಾಲ್ ಪಡೆಯರೆಗುಲ್ಲೆರ್ . ಪಂಡುದು ಉಡುಪಿ ಜಿಲ್ಲಾ ಸೌಜನ್ಯ ಪೊರಂಬಾಟ ಸಮಿತಿದ ಪ್ರಕಟಣೆ ತೆರಿಪಾದುಂಡ್.