ಮೊಬೈಲ್ ಡ್ ಪಾತೆರೊಂದುಪ್ಪುನಗ ತೆಡಿಲ್ ಹಾಕುದ್ ತೀರುಪೋಯಿನ ಘಟನೆ ಕೋಟಾಡ್ ಕೋಡೆ ರಾತ್ರೆಡ್ ನಡದುಂಡ್.ಕೋಟಾ ಆವರ್ಸೆ ಕೈತಲುದ ಕಿರಾಡಿ ಗ್ರಾಮದ ಬಾಬಣ್ಣ ಶೆಟ್ಟಿ ಬೊಕ್ಕ ಬೇಬಿ ಶೆಡ್ತಿ ಮೊಕ್ಲೆನ ಮಗೆ 24 ವರ್ಷ ಪ್ರಾಯದ ಪ್ರಮೋದ್ ಶೆಟ್ಟಿ ಮೇರ್ ಇಲ್ಲದ ಪಿದಾಯಿಡ್ ಮೊಬೈಲ್ ಡ್ ಪಾತೆರೊಂದಿತ್ಯೆರ್..ಆ ಪೊರ್ತುಡ್ ತೆಡಿಲ್ ಬರೊಂದಿತ್ತುಂಡ್..ತೆಡಿಲ್ ಮೊಬೈಲ್ ಗ್ ಹಾಕುದ್ ಪ್ರಮೋದ್ ಮೆರೆಗ್ ಗಂಭೀರವಾಯಿನ ಗಾಯ ಆತುಂಡ್..ಕೂಡಲೇ ಬ್ರಹ್ಮಾವರದ ಖಾಸಗಿ ಆಸ್ಪತ್ರೆಗ್ ಸೇರ್ಪಾವರೆಗ್ ಲೆತೊಂದ ಪೋವನಗ ತಾದಿದ ನಡುಟೇ ಪ್ರಮೋದ್ ಶೆಟ್ಟಿ ಪ್ರಾಣ ಬುಡ್ತೆರ್ ಪಂಡುದ್ ಸುದ್ದಿ ತೆರಿದ್ ಬೈದುಂಡ್..
ತೆಡಿಲ್ ಬನ್ನಗ ಮೊಬೈಲ್ ಡ್ ಪಾತೆರ್ರೆಗ್ ಬಲ್ಲಿ ಪಂಡುದ್ ಏತ್ ಎಚ್ಚರಿಕೆ ಕೊರುಂಡಲಾ ಇತ್ತೆದ ಜೋಕುಲು ಪಂಡಿನವ್ವೇ ಕೇನುಜೆರ್.ಕಡೇಕ್ಕಾದ್ ಜೀವೊನೇ ಕಳೆಯೊಂಬಿನವ್ವೇ ಪರಿಸ್ಥಿತಿ ಬರ್ಪುಂಡ್. ಈ ಸುದ್ದಿನ್ ತೆರಿದಾಂಡಲಾ ಮಾತೆರ್ಲಾ ಎಚ್ಚರಿಕೆಡ್ ಉಪ್ಪೊಡ್..
by 