ಉಂದು ಉಡುಪಿ – ಪೊಡವಿಗೊಡೆಯನ ಶ್ರೀ ಕೃಷ್ಣನ ಊರು – ಹಿಂದುತ್ವದ ಭದ್ರಕೋಟೆ. ಎರೆನ್ಲಾ ಬುಡ್ದ್ ಕೊರ್ಪಿನ ಪ್ರಶ್ನೆನೇ ಇಜ್ಜಿ ತಪ್ಪು ಮಲ್ತಿನಕ್ಲೆನ್ ಬುಡರೆಗ್ ಸಾಧ್ಯನೇ ಇಜ್ಜಿ.ಪಂಡುದ್ ಒಡಿಪು ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಪಂಡೆರ್.
ಉಡುಪಿ‌ದ ನೇತ್ರ ಜ್ಯೋತಿ ಶಿಕ್ಷಣ ಸಂಸ್ಥೆದ ಶೌಚಾಲಯಡ್ ಹಿಂದೂ ವಿದ್ಯಾರ್ಥಿನಿಯೆರೆನ ಖಾಸಗಿ ವೀಡಿಯೋಲೆನ್ ಕಂಡೊಂದ್ ಚಿತ್ರೀಕರಣ ಮಲ್ತುದ್ ಅವ್ವೆನ್ ಸಮಾಜಘಾತುಕ ಶಕ್ತಿಲೆನ ಕೈಕ್ ಕೊರ್ದ್ ಅಕಲೆನ ಜೀವನ ಹಾಳು ಮಲ್ಪುನ ಪ್ರಯತ್ನೊಡ್ ಭಾಗಿಯಾಯಿನ ಮುಸ್ಲಿಂ ವಿದ್ಯಾರ್ಥಿನಿಯೆರೆನ ವಿರುದ್ಧ ಸರಕಾರ ಕೈ ದೆಕ್ಕುನ ಕೆಲಸ ಮಲ್ತೊಂದುಂಡ್. ಇಂಚ ಆವರೆಗ್ ಒವ್ವೇ ಕಾರಣೊಗುಲಾ ಬುಡ್ಪುಜಿ. ತಪ್ಪು ಮಲ್ತಿನಕ್ಲೆನ್ ಕಾನೂನುದ ಕಟಕಟೆಗ್ ಕನತುದ್, ಸಂತ್ರಸ್ತರೆಗ್ ನ್ಯಾಯ ಕೊರ್ಪಾವುನಮುಟ್ಟ ಮನೀಪಂದೆ ಕುಲ್ಲುಜಿ.
ಅಂಚೆನೇ , ಈ ಪ್ರಕರಣದ ಬಗ್ಗೆ ಧ್ವನಿ ದೆರ್ತಿನ “ರಶ್ಮಿ ಸಾಮಂತ್” ಅರೆಗ್ ಪೊಲೀಸ್ ಇಲಾಖೆ ಕೊರಿನ ಕಿರುಕುಳದ ಬಗ್ಗೆ ಸಂಬಂಧಪಟ್ಟಿನಕ್ಲೆಡ ವರದಿ ಕೇನುದಿತ್ತುದ್, ಒವ್ವೇ ಕಾರಣಗುಲಾ ರಶ್ಮಿ ಅರೆಗ್ ಅತ್ತುಂಡ ಅರೆನ ಕುಟುಂಬದಕ್ಲೆಗ್ ತೊಂದರೆ ಕೊರ್ರೆಗ್ ಬಲ್ಲಿ, ಕೊರುಂಡ ಮನೀಪಂದೆ ಕುಲ್ಲಯೆ ಪಂಡುದು ಎಚ್ಚರಿಕೆ ಕೊರ್ತೆ ಪಂಡೆರ್.
ರಶ್ಮಿನ ಇಲ್ಲಗ್ ಪೋದ್ (ರಶ್ಮಿ ಹೊರರಾಜ್ಯ ಪ್ರವಾಸಡುಲ್ಲೆರ್) ಅರೆನ ಅಮ್ಮನ್ ಭೇಟಿಮಲ್ತುದ್ ಒವ್ವೇ ಕಾರಣಗಲಾ ಪೋಡಿನ್ ಬೊಡ್ಚಿ , ನಮ ಮಾತೆರ್ಲಾ ಇರೆನೊಟ್ಟುಡುಲ್ಲ ಪಂಡುದು ಧೈರ್ಯ ಪಂಡುದ್ ಬೈದೆರ್.
by 