ವೈದ್ಯನಾಥಗ್ ಮರ್ದ್ ದ ವನ : ಭಕ್ತೆರೆಗ್ ಆರೋಗ್ಯಕರ ವಾತಾವರಣ
ಪಡೀಲ್ : ಜುಲೈ 20: ಮುಂಡಿತ್ತಾಯ ಶ್ರೀ ವೈದ್ಯನಾಥ ಕ್ಷೇತ್ರಗ್ ಭೇಟಿ ಕೊರ್ಪಿನ ಭಕ್ತೆರೆಗ್ ಆರೋಗ್ಯಯುತ ಗಾಳಿ, ಸ್ವಚ್ಛ ಬೊಕ್ಕ ಪಚ್ಚೆ ಪರಿಸರಡ್ ಕೂಡಿದ ಶಾಂತಿ ನೆಮ್ಮದಿ ತಿಕ್ಕೊಡು . ಈ ನೆಲೆಟ್ಟ್ ಕ್ಷೇತ್ರದ ಪರಿಸರ ಪಸಿರಾದ್ ಉಪ್ಪೊಡು ಪಂದ್ ಔಷಧೀಯ ದೈತ ಒಟ್ಟುಗು
ನೂದೆರ್ದ್ ಜಾಸ್ತಿ ದೈ ನಡ್ಪಿನ ಕಾರ್ಯಗ್ ದುಂಬು ಬರೊಡು ಪಂದ್ ಮೇಯರ್‌ ಸುಧೀರ್‌ ಶೆಟ್ಟಿ ಕಣ್ಣೂರು ಪಂಡೆರ್ .
ಈ ಪೊರ್ತುಡು ಶ್ರೀ ವೈದ್ಯನಾಥ ದೈವಸ್ಥಾನದ ಆಡಳಿತ ಮೊಕ್ತೇಸರ ಸತೀಶ್‌ ರೈ ಬಡಿಲಗುತ್ತು ಪಾತೆರ್ದ್ , ದೇವಲ್ಯೋನು ಪಚ್ಚೆ ಆಪಿನ ಗೇನ ದೀತ ಪಂದ್ ಪಂಡೆರ್. ಜನಕ್ಲೆಗ್ ಜಾಗೃತಿ ಮೂಡಾವುನ ನೆಲೆಟ್ಟ್ ಸಂಕ್ರಮಣದಾನಿ ಹಸುರೇ ಉಸಿರು ಲೇಸ್ ಅಟ್ಟನೆ ಮಲ್ದೆರ್.
ಪಾಲಿಕೆ ಸದಸ್ಯೆ ಚಂದ್ರಾವತಿ ವಿಶ್ವನಾಥ್‌ ಸೊಲ್ಮೆ ಸಂದೈತ ಮಲ್ತೆರ್ . ಕಮಿಟಿ ಸದಸ್ಯೆರಯಿನ ರಾಮಚಂದ್ರ ಕುಲಾಲ್‌ ಬೊಕ್ಕ ವಿವೇಕ್‌ ಸುವರ್ಣ, ವಿಶ್ವನಾಥ್‌, ದೇವದಾಸ್‌ ಶೆಟ್ಟಿ, ವಿಕ್ಕಿ ಶೆಟ್ಟಿ, ಜಯರಾಮ್‌, ವೇಣು, ಪಾಲ್ ಪಡೆದಿತ್ತೆರ್ .
by 