ಕಟೀಲುಗ್ ಜೀವಕಳೆ

ಕಟೀಲುಗ್  ಜೀವಕಳೆ ; ಮೊಬೈಲ್-ಡ್ರೋಣ್ ಡ್  ನಂದಿನಿ ತುದೆತ ವಿಹಂಗಮ ದೃಶ್ಯ ಸೆರೆ

ಕಟೀಲು : ದಕ್ಷಿಣ ಕನ್ನಡ ಜಿಲ್ಲೆದ  ಸುಪ್ರಸಿದ್ಧ ಶ್ರೀ ಕಟೀಲು ದುರ್ಗಾಪರಮೇಶ್ವರಿ ಕ್ಷೇತ್ರದ ಅದ್ಭುತ ದೃಶ್ಯನ್   ಡ್ರೊಣ್ ಕ್ಯಾಮರಾ ಬೊಕ್ಕ  ಮೊಬೈಲ್ ಡ್  ಸೆರೆಮಲ್ತುದೆರ್. ಒಟ್ಟುಡ್  ಕ್ಷೇತ್ರಗ್   ಪ್ರತಿದಿನ  ಬರ್ಪಿನ ಸಾರಗಟ್ಟಲೆ  ಭಕ್ತೆರು ಲಾ   ನಂದಿನಿ ತುದೆತ್ತ  ದೃಶ್ಯನ್   ಸಾಮಾಜಿಕ ಜಾಲತಾಣಡ್ ಪಾಡೊಂದುಲ್ಲೆರ್. ನಂದಿನಿ ತುದೆ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಕ್ಷೇತ್ರದ ಅದ್ಭುತ ಪೌರಾಣಿಕ  ಹಿನ್ನೆಲೆ ಉಂಡು. ಮರಿಯಾಲೊಡ್  ಕಟೀಲು ಕ್ಷೇತ್ರಗ್ ಬರ್ಪಿನ ಭಕ್ತೆರೆನ  ಪಾಲುಗ್  ಅತ್ಯಾಕರ್ಷಕ, ಮನೋಹರವಾದ್  ಪರಪುನ  ನಂದಿನಿ ತುದೆತ ದೃಶ್ಯ ತೂಪಿನಕ್ಲೆಗ್ ಸೋಜಿಗ ಮಲ್ತೊಈದುಂಡ್. ಈ ವರ್ಷ ಯಥೇಚ್ಛವಾದ್  ಬತ್ತಿನ  ಭಾರಿ ಬರ್ಸಗ್  ನಂದಿನಿ ತುದೆ ಜೀವಕಳೆ ಪಡೆತೊಂದು  ಸಮುದ್ರ ರಾಜನಂಚಿ  ವೇಗವಾದ್ ಭೋರ್ಗೆರೆಯೊಂದ್ ಪರಪುನ ಸನ್ನಿವೇಶ ಎಂಚಿನಕ್ಲೆಗುಲಾ  ಖುಷಿ ಕೊರ್ಪುಂಡ್ ಮಾತ್ರ ಅತ್ತಾವಂದೆ  ಜಗತ್ತುನೇ  ಮದಪುನಂಚ  ಮಲ್ಪುಂಡ್.