ಪಿರಾಕುದ ವಸ್ತುಲೆನ್ ಇಲ್ಲಡೇ ಸಂಗ್ರಹ ಮಲ್ತ್ ದೀತಿನ ಉದ್ಯಮಿ..

ತುಳುನಾಡುದಾರಾಯಿನ ಹರಿಹರದ ಉದ್ಯಮಿ ರಮೇಶ್ ಶೆಟ್ಟಿ ಮೇರು ತನ್ನ ಇಲ್ಲಡೇ ಪಿರಾಕುದ ವಸ್ತು ಸಂಗ್ರಾಲಯವನ್ನಾದ್ ಮಲ್ತೊಂದ್ ತೂಪಿನಕ್ಲೆಗ್ ಕುತೂಹಲ ಪುಟ್ಟಾದೆರ್.

ತನ್ನ 16 ನೇ ವರ್ಷ ಪ್ರಾಯೊಡೇ ಪಿರಾಕುದ ನಾಣ್ಯ ಸಂಗ್ರಹದ ಹವ್ಯಾಸ ಬುಲೆಪಾವೊಂದಿನ ಮೇರು, 1618ನೇ ಇಸವಿದ ನಾಣ್ಯಡ್ದ್ ಇನಿತ್ತ ನಾಣ್ಯಮುಟ್ಟ ಸಂಗ್ರಹ ಮೆರೆಡ ಉಂಡು ಅತ್ತಾವಂದೆ ಭಾರತದ ಬೊಕ್ಕ ಬೇತೆ ಬೇತೆ ದೇಶೊಲೆನ ಮಾತಾ ನೋಟುಲೆನ್ ಸಂಗ್ರಹ ಮಲ್ತುದೆರ್.
ಸುಮಾರು 300 ವರ್ಷದ ಪರತ್ತ್ ತಾಮ್ರದ ಬೊಕ್ಕ ಬೇತೆ ಬೇತೆ ಬಾಜನೊಲು, ಬಗೆ ಬಗೆತ್ತ ಬೀಗೊಲು, ಪರತ್ತ್ ಟೆಲಿಫೋನ್ ಲು, ದೇವೆರೆನ ಮೂರ್ತಿಲು, ಸಂಗೀತ ಪರಿಕರಲು, ಬಗೆ ಬಗೆತ್ತ ದೀಪೊಲು, ಕ್ಯಾಮರಾ, ಟಿವಿಲು, ಗಡಿಯಾರೊಲು ಇಂಚ ಕೆಲವ್ ಬಗೆತ್ತ ಸಂಗ್ರಹೊಲು ಮೆರೆನ ಇಲ್ಲಡ್ ಉಂಡು.

ಉಂದೆನ್ ಮಾತಾ ರಾಜಸ್ಥಾನ, ಹುಬ್ಬಳ್ಳಿ, ದೆಹಲಿ, ಕೇರಳ, ತಮಿಳುನಾಡು ರಾಜ್ಯಲೆಡ್ದ್ ಸಂಗ್ರಹ ಮಲ್ತುದೆರ್.

ಅತ್ತಾವಂದೆ ಇಲ್ಲದ ಎದುರುಡ್ ಗಿಡೊಕ್ಲೆನ್ ಬುಲೆಪಾದ್ ಪರಿಸರ ಪ್ರೇಮೊನ್ ಬುಲೆಪಾದ್ ಬೇತೆಕ್ಲೆಗ್ ಮಾದರಿಯಾತೆರ್.

ರಮೇಶ್ ಶೆಟ್ಟಿ ಮೇರು ಹರಿಹರಡ್ ಕೆಲವ್ ಸಂಘ ಸಂಸ್ಥೆಲೆಡ್ ಬೆನೊಂದುಪ್ಪುನ ಮೇರು ತುಳುನಾಡುದ ಕಾರ್ಕಳ ತಾಲೂಕು ಎಣ್ಣೆಹೊಳೆ ಕೆಂಜಿಲ ಕುಟುಂಬದ ದಿ. ಸುಂದರ ಶೆಟ್ಟಿ ನಲ್ಲೂರು ಬೊಕ್ಕ ದಿ. ಸುಲೋಚನಾ ಶೆಟ್ಟಿಮೊಕ್ಲೆನ 3 ನೇ ಮಗೆ.