ಪೇರ್

ಪೇರ್
ಪೇರ್ ಪರ್ಪಿನ ನಮ್ಮ ಜೋಕ್ಲೆಡ
ಇನಿ ಪೇರ್ ಒಲ್ಪರ್ದ್ ಪಂದ್ ಕೇಂಡ್ಂಡ
ಅಕ್ಲು ಪನ್ಪೆರ್ ಅವು ಅಂಗಡಿದ
ಮಾರುವೆರ್ ನಮೂನೆ ನಮೂನೆ ತೊಟ್ಟೆದ

ಊರುದ ಪೆತ್ತ ಒಂಜಿ
ಪಾಡ್‌ದ್ ಒಂಜಿ ಕಂಜಿ
ಆಜಿ ಮೂಜಿ ದಿನ ಕರಿತೊಂದು
ಗೋಮಾತೆ ಗುಡ್ಡೆದ ಸಾದಿ ಪತೊಂದು

ಬೊಲ್ಪುರ್ದು ಬೊಲ್ಲಿ ತೋಜಿನಡೆಮುಟ್ಟ
ಅಗ್ಯೊಂದು ಸಾರ ಮರ್ದ್‌ದ ತಪ್ಪುದ ಕಟ್ಟ
ಸೇರೊಂದು ಕಿದೆ,ಪೇರ್ ಜಪುಡಾದ್
ಮೂಡುದು ಬತ್ತ್ಂಡ್ ಆ ಪೇರ್ ಅಮೂರ್ತ ಆದ್

ನಾಗೆ ತನು ಆತೆ ಆ ಅಮುರ್ತೊಡು
ಸತ್ಯೊಲು ಒಲಿದೆರ್ ಒಂಜಿ ಕೊಂಡೆ ಪೇರ್‌ಡ್
ನಮ್ಮ ಜೋಕ್ಲು ಬಾಲೆಲು ಬುಲೆತೆರ್ ಆರೋಗ್ಯೊಡು
ಅಂಚಿನ ಪೇರ್ ನಮ ಒರಿತೊನೊಡು

ಲೋಕದ ಮಾತಾ ಜೋಕ್ಲೆಗ್ ಪೇರ್ ಕೊರಿನಾಲ್ ಗೋಮಾತೆ
ಆಲ್ಲ ಅಪ್ಪೆಲಕನೆ ಎನ್ನಡೆ ಅಲೆನ್ ಬೇತೆ
ನಮ ಮಾತಾ ಸೇರ್ದ್ ಒರಿತೊನೊಡು ಅಲೆನ್
ಭೇದಭಾವ ದಾಂತೆ ಅಮೂರ್ತ ಪಟ್ಟುನಲೆನ್

✍️ ನವೀನ್ ಕುಮಾರ್ ಪೆರಾರ