ಕರ್ನಾಟಕ ಸಮುದಾಯ ಬಾನುಲಿದ ವರ್ಚುವಲ್ ಸಭೆ

ಕರ್ನಾಟಕ ಸಮುದಾಯ ಬಾನುಲಿಗಳ ವರ್ಚುವಲ್ ಮೀಟ್

ಸಮುದಾಯ ಬಾನುಲಿ ಕೇಂದ್ರೊಲು ಸಮುದಾಯದ ಅಭಿವೃದ್ಧಿಗಾದ್ ತನ್ನವೇ ಆಯಿನ ಕೊಡುಗೆಲೆನ್ ಕೊರೊಂದುಂಡ್. ಕರ್ನಾಟಕಡ್ ಸುಮಾರು ಇರ್ವತ್ತ ನಾಲು ಸಮುದಾಯ ಬಾನುಲಿ ಕೇಂದ್ರೊಲು ಕಾರ್ಯಾಚರಣೆ ಮಲ್ತೊಂದುಂಡ್.. ಶಿಕ್ಷಣ ಸಂಸ್ಥೆಲೆಡ್ದ್, ಸರಕಾರೇತರ ಸಂಸ್ಥೆಲೆಡ್ದ್ , ಕೃಷಿ ವಿಜ್ಞಾನ ಕೇಂದ್ರಲೆಡ್ದ್ ನಡಪಾವೊಂದುಪ್ಪುನ ಈ ಸಮುದಾಯ ಬಾನುಲಿ ವ್ಯವಸ್ಥೆ ಸುಸ್ಥಿರ ಅಭಿವೃದ್ಧಿ ಗಾದ್ ಶ್ರಮಿಸೊಂದುಂಡ್. ಅತ್ತಾವಂದೆ ಬಾಕಿದ ಸಮೂಹ ಮಾಧ್ಯಮದಲೆಕ್ಕ ಸರಕಾರದ ವಿವಿಧ ಇಲಾಖೆಲನ ಪ್ರಾಯೋಜಕತ್ವದ ಕಾರ್ಯಕ್ರಮಲೆನ್ ಪಡೆಯುನಲ್ಪ ವಿಫಲ ಆತುಂಡ್
ಈ ನಿಟ್ಟುಡ್ ಸರಕಾರದ ಗಮನ ಕನಪಿನ ಉದ್ದೇಶಡಾದ್ ಕರ್ನಾಟಕ ರಾಜ್ಯಡ್ ಕಾರ್ಯಾಚರಣೆ ಮಲ್ಪುನ ಸಮುದಾಯ ಬಾನುಲಿ ಕೇಂದ್ರೊಲೆನ ಮುಖ್ಯಸ್ಥೆರು ಜೂನ್ 2 ತಾರೀಕುಗ್ ಮಧ್ಯಾಹ್ನ 3 ಗಂಟೆಗ್ ನಡತಿನ ಆನ್‌ಲೈನ್ ಮೀಟ್‌ ಡ್ ಭಾಗವಹಿಸಾದ್ ಕರ್ನಾಟಕ ಸಮುದಾಯ ಬಾನುಲಿಲೆನ ಅಭಿವೃದ್ಧಿ, ದುಂಬುದ ಯೋಜನೆಲೆನ ಕುರಿತಾದ್ ಚರ್ಚಿಸಾದ್ ಸುದೀರ್ಘ ಸಭೆನ್ ನಡಪಾಯೆರು.
ಕೊರೊನಾ ಕಾಲಘಟ್ಟದ ಬೊಕ್ಕ ರಾಜ್ಯದ ಮಾತಾ ಸಮುದಾಯ ಬಾನುಲಿಲೆನ ಒಗ್ಗೂಡುವಿಕೆಡ್ ನಡಪಾಯಿನ ಸುರುತ್ತ ವರ್ಚುವಲ್ ಮೀಟ್ ಆದಿತ್ತುಂಡ್.. ಸಂಘಟಿತರಾಪಿನ ದೃಷ್ಟಿಡ್ ಈ ಸಭೆಟ್ ಸಮುದಾಯ ಬಾನುಲಿಲೆನ ರಾಜ್ಯಮಟ್ಟದ ಸಂಘದ ಸ್ಥಾಪನೆ ಕುರಿತಾದ್ ಚರ್ಚೆ ನಡತುಂಡ್. ದುಂಬಗ್ ಮುಖಾಮುಖಿಯಾದ್ ನಡಪುನ ಸಭೆಟ್ ಈ ಬಗ್ಗೆ ಕಾರ್ಯ ಪ್ರವೃತ್ತರಾವರೆಗ್ ನಿರ್ಣಯ ನಡತುಂಡ್.
ಈ ವರ್ಚುವಲ್ ಮೀಟ್ ನ್ ರೇಡಿಯೋ ಮಣಿ ಪಾಲ ಸಮುದಾಯ ಬಾನುಲಿ ಕೇಂದ್ರದ ಡಾ.ರಶ್ಮಿ ಅಮ್ಮೆಂಬಳ ಆಯೋಜನೆ ಮಲ್ದಿತ್ತೆರ್. ಬಾಗಲಕೋಟೆದ ಬಿ.ಇ.ಸಿ ಧ್ವನಿತ್ತ ಭರತ್ ಬಡಿಗೇರ್ ಸಹಕಾರ ಕೊರ್ತೆರ್.
ಶಿವಶಂಕರ್, ಶಮಂತ ಡಿ.ಎಸ್, ಶಿವಾಜಿ ಗಣೇಶನ್, ಡಾ.ಶಿವರಾಜ್ ಶಾಸ್ತ್ರಿ, ಶಿವಕುಮಾರ್,ನಿಂಗರಾಜು ಅಭಿಷೇಕ್,ವಿಶ್ವನಾಥ್, ವರುಣ್ ಕಂಜರ್ಪಣೆ, ರವೀಂದ್ರ ಕವಟೇಕರ್ ,ವಿ.ಕೆ ಕಡಬ, ಮಂಜುನಾಥ್,ಸುರೇಖಾ ಸಂಕನಗೌಡರ್,ಗುರುಪ್ರಸಾದ್, ಪಾಂಡುರಂಗ ವಿಠ್ಠಲ್, ಕಿರಣ್ ಚೌಗ್ಲಾ, ಸಾಯಿಬಾಬು,
ರಮ್ಯ,
ತೆಜಸ್ವಿನಿ,ಸುಲೋಚನ,ಲಲಿತ ಅಸೂತಿ,
ದೇವೇಂದ್ರ, ಡಾ.ಶಿವಲಿಂಗಯ್ಯ, ಜನಾರ್ದನ್, ಅನಂತ್ ಮೊಕುಲು ಮಾತಾ ಉಪಸ್ಥಿತರಿತ್ತೆರು.