ಸ್ವಯಂ ವ್ಯಕ್ತ ಕ್ಷೇತ್ರ ಪುಷ್ಕರಡ್ ಪುತ್ತಿಗೆ ಶ್ರೀಪಾದೆರೆಗ್ ಅದ್ದೂರಿದ ಸ್ವಾಗತ..

ಸ್ವಯಂವ್ಯಕ್ತ ಕ್ಷೇತ್ರ ಪುಷ್ಕರಡ್ ಪುತ್ತಿಗೆ ಶ್ರೀಪಾದೆರೆಗ್ ಅದ್ಧೂರಿದ ಸ್ವಾಗತ

ರಾಜಸ್ಥಾನದ ಅಜ್ಮೀರ್ ಜಿಲ್ಲೆದ ಪುಷ್ಕರ ಕ್ಷೇತ್ರಗ್ ಬತ್ತಿನ ಭಾವಿ ಪರ್ಯಾಯ ಪುತ್ತಿಗೆ ಶ್ರೀಪಾದೆರಾಯಿನ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥೆರು ಬೊಕ್ಕ ಅರೆನ ಶಿಷ್ಯ ಶ್ರೀ ಶ್ರೀ ಸುಶ್ರೀಂದ್ರ ತೀರ್ಥ ಶ್ರೀಪಾದೆರೆನ್ ಅಖಿಲ ಭಾರತೀಯ ಮಾಲಿ ಸೇವಾ ಸದನ ಸಂಸ್ಥಾನದ ವತಿಡ್ದ್ ಅಧ್ಯಕ್ಷರಾಯಿನ ಓಂ ಪ್ರಕಾಶ್ ಸಂಖಾಲಾ ಬರಮಲ್ತೊಂದ್ ಉಪಾಧ್ಯಕ್ಷ ರೂಪ್ ಚಂದ್ ಮರೋಹಿತ, ಅಜ್ಮೀರ್ ರಾಜ್ಯ ವಿಭಾಗದ ಕಾರ್ಯದರ್ಶಿ ಮುಖೇಶ್ ಕುಮಾರ್, ಅಜ್ಮೀರ್ ಜಿಲ್ಲೆದ ಮುಜರಾಯಿ ಸಚಿವ ಅಗ್ನಿ ರಾವತ್, ಪಂಡಿತರಾದ ಸೃಷ್ಟಿ, ತಾರಾಚಂದ್, ಸತ್ಯನಾರಾಯಣ ಭಟ್ ಜೀ ಮೊಕ್ಲೆನ ಸಮ್ಮುಖಡ್ ರಾಜಸ್ಥಾನೀಯ ಸಾಂಪ್ರದಾಯಿಕ ಶೈಲಿಡ್ ಪೇಟ ತೊಡಿಸಾದ್ ,ಅಭಿನಂದನೆ ಸಲ್ಲಿಸಾಯೆರ್.

ಬ್ರಹ್ಮ ಸರೋವರ ಸ್ನಾನ ಮಲ್ತಿನ ಶ್ರೀಪಾದೆರು ಬ್ರಹ್ಮ ದೇವಾಲಯ & ಶ್ರೀವೈಷ್ಣವ ಸಂಪ್ರದಾಯದ ವೇಣುಗೋಪಾಲದೇವರೆನ ದರ್ಶನ ಪಡೆತೆರು.
ಅಭಿನಂದನೆ ಸ್ವೀಕರಿಸಾಯಿನ ಪುತ್ತಿಗೆ ಶ್ರೀಕುಳು ವರಾಹ ದೇವರೆಡ್ದ್ ಉದ್ಭವಿಸಾಯಿನ ಪುಷ್ಕರ ತೀರ್ಥ ಬ್ರಹ್ಮ ಸರೋವರದ ಮಹತ್ವನ್ ತೆರಿಪಾದ್ , ಕೋಟಿ ಗೀತಾ ಲೇಖನ ಯಜ್ಞದ ದೀಕ್ಷೆನ್ ನೆರೆಯಿನ ಗಣ್ಯರೆಗ್ ಕೊರಿಯೆರ್ .ಪರ್ಯಾಯದ ಸಂದರ್ಭಡ್ ಉಡುಪಿಗ್ ಶ್ರೀಕೃಷ್ಣ ದರ್ಶನಗ್ ಬರ್ರೆಗ್ ಆಹ್ವಾನ ಕೊರಿಯೆರ್. ಅಲ್ಪದ ಭಕ್ತ ಜನತೆ ಪಂಡಿತ ಮಂಡಳಿ ಬರ್ಪಿನ ನವೆಂಬರ್ ಡ್ ನಡಪುನ ಬೃಹತ್ ಕುಂಭಮೇಳಗ್ ಪುತ್ತಿಗೆ ಶ್ರೀಪಾದದ್ವಯರೆಗ್ ಆದರದ ಆಮಂತ್ರಣ ಕೊರಿಯೆರ್.

ಶ್ರೀ ಪುತ್ತಿಗೆ ಮಠದ ಗೀತಾ ಪ್ರಚಾರಕರಾಯಿನ ಕೆ. ರಮೇಶ್ ಭಟ್ ಕಾರ್ಯಕ್ರಮನ್ ನಿರ್ವಹಿಸಾಯೆರು.