ಕೈಪುಂಜಾಲುಡ್ ಸಮುದ್ರಪೂಜೆ.

ಕೈಪುಂಜಾಲು ಮೊಗವೀರ ಮಹಾ ಸಭಾ ಬೊಕ್ಕ ಮಹಿಳಾ ಸಭಾ ವತಿಡ್ದ್ ಸಮುದ್ರ ಪೂಜೆ ನಡತುಂಡ್. ಕೈಪುಂಜಾಲು ಶ್ರೀ ಪಾಂಡುರಂಗ ಭಜನಾ ಮಂದಿರಡ್ ಊರುದ ಸಮಸ್ತ ಮೊಗವೀರ ಭಾಂಧವೆರ್ ಸೇರ್ದ್ ಬೊಂಡ ಬೊಕ್ಕ ಸಂಗ್ರಹ ಮಲ್ತುದ್ ರುಕ್ಮಿಣಿ ಸಹಿತ ಶ್ರೀ ಪಾಂಡುರಂಗ ದೇವರೆಗ್ ಪ್ರಾರ್ಥನೆ ಬೊಕ್ಕ ಪೂಜೆ ಮಲ್ತುದ್ ಬೊಂಡ ಬೊಕ್ಕ ಪೇರುನ್ ಮೆರವಣಿಗೆ ಮೂಲಕ ಸಮುದ್ರ ಬದಿಕ್ ಕೊನೊದ್ ಪೋದ್ ಕಡಲುಗ್ ಅಭಿಷೇಕ ಮಲ್ತೆರು. ಈ ಸಂದರ್ಭಡ್ ಕೈಪುಂಜಾಲು ಮೊಗವೀರ ಮಹಾ ಸಭಾದ ಅಧ್ಯಕ್ಷೆರಾಯಿನ ಶ್ರೀ ಪ್ರವೀಣ್ ಶ್ರೀಯಾನ್ ಮಾಜಿ ನಿಕಟ ಪೂರ್ವ ಅಧ್ಯಕ್ಷೆರಾಯಿನ ಸತೀಶ್ ಕುಂದರ್ ಬೊಕ್ಕ ಪದಾಧಿಕಾರಿಲು, ಊರುದಕುಲು ಉಪಸ್ಥಿತರಿತ್ತೆರು.