ರವಿ ಖಾರ್ವಿಗ್ ಕ್ರಷಿಕ ಪ್ರಶಸ್ತಿ.

ಕುಂದಾಪುರ ತಲ್ಲೂರುದ  ರವಿ ಖಾರ್ವಿಗ್ ದೇಶದ ಅತ್ಯುತ್ತಮ ಸಮುದ್ರ ಮೀನು ಕೃಷಿಕ ಪ್ರಶಸ್ತಿ
ಉಡುಪಿ, ನ.21: ಕೇಂದ್ರೀಯ ಸಮುದ್ರ ಮೀನುಗಾರಿಕಾ ಸಂಶೋಧನಾ ಸಂಸ್ಥೆ(ಐಸಿಎಆರ್- ಸಿಎಂಎಫ್‌ಆರ್‌ಐ) ಮಂಗಳೂರು ಪ್ರಾದೇಶಿಕ ಕೇಂದ್ರ ಕರ್ನಾಟಕಡ್ದ್  ತರಬೇತಿ ಪಡೆಯಿನ  ಉಡುಪಿ ಜಿಲ್ಲೆದ  ಕುಂದಾಪುರ ತಾಲೂಕುದ ತಲ್ಲೂರು ಗ್ರಾಮದ ಪ್ರಗತಿಪರ ಮೀನು ಕೃಷಿಕ ರವಿ ಖಾರ್ವಿ, ಭಾರತ ಸರಕಾರದ ಮೀನುಗಾರಿಕೆ, ಪಶುಸಂಗೋಪನೆ ಬೊಕ್ಕ ಹೈನುಗಾರಿಕೆ ಸಚಿವಾಲಯ ಕೊರ್ಪಿನ ಅತ್ಯುತ್ತಮ ಸಮುದ್ರ ಮೀನು ಕೃಷಿಕ ಪ್ರಶಸ್ತಿಗ್ ಭಾಜನರಾತೆರ್.
ನವದೆಹಲಿಡ್  ಗುರುವಾರ ನಡತಿನ ವಿಶ್ವ ಮೀನುಗಾರಿಕಾ ದಿನಾಚರಣೆಡ್ ಕೇಂದ್ರ ಮೀನುಗಾರಿಕಾ ಸಚಿವ ರಾಜೀವ್ ರಂಜನ್ ಸಿಂಗ್ ಅರೆಡ್ದ್ ರವಿ ಖಾರ್ವಿ ಈ ಪ್ರಶಸ್ತಿನ್  1 ಲಕ್ಷ ರೂ. ಪಣವುದೊಟ್ಟುಗ್  ಸ್ವೀಕಾರ ಮಲ್ತೆರು. ಐಸಿಎಆರ್-ಸಿಎಂಎಫ್‌ಆರ್‌ಐನ ಮಂಗಳೂರು ಪ್ರಾದೇಶಿಕ ಕೇಂದ್ರದ ಮಾರ್ಗದರ್ಶನಡ್ ಸಮಗ್ರ ಮಲ್ಟಿ-ಟ್ರೋಫಿಕ್ ಅಕ್ವಾಕಲ್ಚರ್(ಐಎಂಟಿಎ) ಪದ್ಧತಿದ ಯಶಸ್ವಿ ಅನುಷ್ಠಾನಗ್  ಅತ್ಯುತ್ತಮ ಕೊಡುಗೆ ಕೊರಿನ ರವಿ ಖಾರ್ವಿಗ್  ಈ ಪ್ರಶಸ್ತಿ ಕೊರ್ದ್  ಮಾನಾದಿಗೆ ಮಲ್ದುಂಡ್.
ರಾಷ್ಟ್ರೀಯ ಮೀನುಗಾರಿಕೆ ಅಭಿವೃದ್ಧಿ ಮಂಡಳಿ, ಹೈದರಾಬಾದ್‌ ದ  ಹಣಕಾಸುದ  ನೆರವುದೊಟ್ಟುಗ್ 2023-24  ಅವಧಿಡ್  ಪೊಸ ತಾಂತ್ರಿಕತೆ ಐಎಂಟಿಎ ಅನುಷ್ಠಾನ ಮಲ್ದಿನ  ಯೋಜನೆದ  ಫಲಾನುಭವಿಲೆಡ್ ರವಿ ಒರಿಯಾದುಲ್ಲೆರು. ಈ ಯೋಜನೆದ  ನೇತೃತ್ವನ್  ಪ್ರಧಾನ ವಿಜ್ಞಾನಿ ಡಾ.ರಾಜೇಶ್ ಕೆ.ಎಂ., ಮುಖ್ಯಸ್ಥೆ ಬೊಕ್ಕ ಪ್ರಧಾನ ವಿಜ್ಞಾನಿ ಡಾ.ಸುಜಿತಾ ಥಾಮಸ್, ಪ್ರಧಾನ ವಿಜ್ಞಾನಿ ಡಾ.ದಿನೇಶ್ ಬಾಬು ಬೊಕ್ಕ ಸಂಶೋಧನಾ ಸಹಾಯಕ ದರ್ಶನ್ ಕೆ.ಎಸ್. ಇತ್ತೆರು
ಈ ನವೀನ ಐಎಂಟಿಎ ವಿಧಾನ  ಭಾರತೀಯ ಪೊಂಪಾನೊ, ಸಿಲ್ವರ್ ಪೊಂಪಾನೊ ಬೊಕ್ಕ ಪಚ್ಚಿಲೆ ಸಮಗ್ರ ಕೃಷಿ ಉಂಡು. ಉಂದು ಕರ್ನಾಟಕಡ್ ಈ ರೀತಿದ ಸುರುತ್ತ  ಬೊಕ್ಕ ಸುಸ್ಥಿರ ಜಲಕೃಷಿ ಪದ್ದತಿದ ಸಾಮರ್ಥ್ಯನ್ ಪ್ರದರ್ಶನ ಮಲ್ಪುನ  ಪ್ರಭಾವಶಾಲಿ ಫಲಿತಾಂಶಲೆನ್ ಕೊರ್ತುಂಡ್ ಐನೇಡ್ದ್  ಆಜಿ ತಿಂಗೊಲ್ದ ಕೃಷಿ ಅವಧಿಡ್ ಬೊಕ್ಕ , ಭಾರತೀಯ ಪೊಂಪಾನೊ, ಸಿಲ್ವರ್ ಪೊಂಪಾನೊ  ಬೊಕ್ಕ  ಪಚ್ಚಿಲೆನ್  ಜೂನ್, ಜುಲೈ 2024 ಡ್ ವಿವಿಧ ಹಂತೊಡ್ ಕೊಯ್ಲು ಮಲ್ದುಂಡ್. ಮಾರುಕಟ್ಟೆದ ಬೇಡಿಕೆದೊಟ್ಟುಗ್ ಮೀನು ಕೊಯ್ಲು ಆಯೋಜನೆ ಮಲ್ದುಂಡ್.
ಸಿಲ್ವರ್ ಪೊಂಪಾನೊ ಬೊಕ್ಕ ಭಾರತೀಯ ಪೊಂಪಾನೊದ ಸರಾಸರಿ ತೂಕ ಕ್ರಮವಾದ್ 470 ಗ್ರಾಂ ಬೊಕ್ಕ 380 ಗ್ರಾಂ ಆದುಂಡ್ ಈ ಉತ್ತಮ ಗುಣಮಟ್ಟದ ಮೀನುಲೆನ್ ಸ್ಥಳೀಯವಾದ್ 450ರೂ.ಡ್ದ್  480 ರೂ.ಮುಟ್ಟ  ಪ್ರತಿ ಕಿಲೋಗ್ರಾಂನಂಚ  ಮಾರಾಟ ಮಲ್ದುಂಡ್. ನೆತ್ತೊಟ್ಟುಗ್, ಸುಮಾರು 300 ಪಚ್ಚಿಲೆ  ಬಲ್ಲುಡ್ 800ಡ್ದ್  900 ಕೆ.ಜಿ. ಪಚ್ಚಿಲೆನ್ ವಿವಿಧ ಹಂತೊಲೆಡ್ ಕೊಯ್ಲು ಮಲ್ತುದ್ ಪ್ರತಿ ಕಿಲೋ ಗ್ರಾಂಗ್ 145ರೂ. ಡ್ದ್ 150ರೂ. ನಂಚ ಮಾರಾಟ ಮಲ್ತುದ್ ಒಟ್ಟಾರೆ ಆದಾಯ 6 ಲಕ್ಷ ರೂ.ಸಿಕ್ಕುದುಂಡ್.
2014-15ಡ ಪಂಚಗಂಗವಳ್ಳಿ ಅಳಿವೆಡ್ ಮಂಗಳೂರಿನ- ಸಿಎಂಎಫ್ಆರ್ಐನ ಪ್ರಾದೇಶಿಕ ಕೇಂದ್ರ  ಮಲ್ತಿನ ಕಿನ್ಯ-ಪ್ರಮಾಣದ ಪಂಜರ ಕೃಷಿ ಪ್ರಾತ್ಯಕ್ಷಿಕೆಡ್ ರವಿ ಮೆರೆಗ್ ಮೀನು ಕೃಷಿಟ್ ಆಸಕ್ತಿ  ಹೆಚ್ಚಾಂಡ್. ಈ ಅನುಭವಡ್ ಬೊಕ್ಕ  ತರಬೇತಿ  ಕೇಂದ್ರ ಕೊರಿನ ಪ್ರಾತ್ಯಕ್ಷಿಕೆದೊಟ್ಟುಗ್ ಸೇರೊಂದ್ ಜಲಕೃಷಿತ್ತ  ಬಗ್ಗೆ ಅಯಿತ್ತ  ಉತ್ಸಾಹನ್  ಕುಡಲಾತ್  ಗಟ್ಟಿ ಮಲ್ತುಂಡ್. ದುಂಬಗ್  ರವಿ ಪೂರ್ಣಾವಧಿದ  ಪಂಜರ ಕೃಷಿಕೆರಾದ್ ಪರಿವರ್ತನೆ ಆಯೆರು.
ಅರೆನ  ಸಮರ್ಪಣೆ ಬೊಕ್ಕ  ನಾವೀನ್ಯತೆ  ಅರೆಗ್  ವಿಜಯ ಕರ್ನಾಟಕಡ್ದ್  ಸೂಪರ್‌ಸ್ಟಾರ್ ರೈತ ಪ್ರಶಸ್ತಿ ಬೊಕ್ಕ ಶಿವಮೊಗ್ಗದ ಕೆಳದಿ ಶಿವಪ್ಪ ನಾಯಕ ಕೃಷಿ ಬೊಕ್ಕ ತೋಟಗಾರಿಕಾ ವಿಜ್ಞಾನದ ವಿಶ್ವವಿದ್ಯಾಲಯಡ್ದ್ ಪ್ರಗತಿಪರ ರೈತ ಪ್ರಶಸ್ತಿ ಸೇರಿನಂಚ  ಕಲವಾರು ಪುರಸ್ಕಾರಲು  ಸಿಕ್ಕುದುಂಡ್.
ಜಲಕೃಷಿ ಕ್ಷೇತ್ರಗ್  ರವಿ  ಮೆರೆನ ಕೊಡುಗೆಲೆಡ್  ಪಂಜರದ  ಮಾರ್ಪಾಡು ಬೊಕ್ಕ  ಮೀನುದ  ಬೇತೆ ಬೇತೆ ಹಂತೊದ ಕೊಯ್ಲು ಸೇರ್ದುಂಡ್. ಕೆಂಬೇರಿ ಮೀನು ಮರಿಕುಲೆನ್ ಪತ್ತರೆಗ್  ಆರು ಪೊಸ ವಿಧನ್ ಟ್ರ್ಯಾಪ್ ವಿನ್ಯಾಸ ಮಲ್ದೆರ್.