ಯಕ್ಷನಾದೋತ್ಸವಡ್ ಬೂಕು ಬುಡುಗಡೆ.

ಪೊಳಲಿದ ಅಪ್ಪೆನ ಎದುರುದ ಅಂಗಣೊಡು ನಡತಿನ “ಹರಿಲೀಲಾ ಯಕ್ಷನಾದೋತ್ಸವ” ಲೇಸ್ ಡ್
ನಂದಳಿಕೆದ ಕವಿ ಮುದ್ದಣನ ರತ್ನಾವತಿ ಕಲ್ಯಾಣ ಬೊಕ್ಕ ಕುಮಾರ ವಿಜಯ ಪ್ರಸೊಂಗೊದ “ಪ್ರಸಂಗನಡೆ – ರಂಗತಂತ್ರ” ಇತ್ತಿನ ಪುಸ್ತಕನ್ ಯಕ್ಷಗಾನದ ಪೆರಿಯ ವಿದ್ವಾಂಸೆ ಡಾ.ಎಂ.ಪ್ರಭಾಕರ ಜೋಷಿ ಬುಡುಗಡೆ ಮಲ್ತೆರ್. ಯಕ್ಷಗಾನದ ಗುರು ಕುಲಾಯಿನ ಹರಿನಾರಾಯಣ ಬೈಪಡಿತ್ತಾಯೆರ್ ಬೊಕ್ಕ ಮಾಂಬಾಡಿ ಸುಬ್ರಹ್ಮಣ್ಯ ಭಟ್ರ್ ,ಪುಸ್ತಕ ಪ್ರಕಟ ಮಲ್ತಿನ ನಂದಳಿಕೆ ಮುದ್ದಣ ಪ್ರಕಾಶನ – ಅಧ್ಯಯನ ಸಂಸ್ಥೆಯ ಸ್ಥಾಪಕಾಧ್ಯಕ್ಷ ನಂದಳಿಕೆ ಬಾಲಚಂದ್ರ ರಾವ್ ಬೊಕ್ಕ ಅಧ್ಯಕ್ಷೆರಾಯಿನ ವಿಜಯಲಕ್ಷ್ಮೀ ನಂದಳಿಕೆ, ಪುಸ್ತಕ ಸಂಪೊಲ್ತಿನ ಕೆ.ಎಲ್.ಕುಂಡಂತಾಯೆರ್ , ಪೊಳಲಿದ ಯಕ್ಷಕಲಾ ಸಂಸ್ಥೆದ ವೆಂಕಟೇಶ ನಾವಡ, ಚಂದ್ರಶೇಖರ ಕೊಂಕಣಾಜೆ ಈ ಸಂದರ್ಭೊಡು ಇತ್ತೆರ್.
~~~~~~~