ದೊಡ್ಡಣಗುಡ್ಡೆ ಆದಿಶಕ್ತಿ

ದೊಡ್ಡಣಗುಡ್ಡೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ
ಏಕದಾರು ಬಿಂಬಡ್  ಕಾಮಧೇನು ಸ್ಥಾಾಪನೆ

ಉಡುಪಿ, ಅ. 23: ದೊಡ್ಡಣಗುಡ್ಡೆೆ ಶ್ರೀಚಕ್ರಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿಿ ಕ್ಷೇತ್ರದ ಗಾಯತ್ರಿ ಧ್ಯಾನಪೀಠದ ಶ್ರೀ ಕಪಿಲ ಮಹರ್ಷಿ ಸಾನ್ನಿಧ್ಯಡ್  ಧರ್ಮದರ್ಶಿ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್ ಪುರಾಣ ಕಾಲೊಡು ಋಷಿ ಮುನಿಕುಲು ತಮ್ಮ ತಪ:ಶಕ್ತಿಡ್ ಒಲಿಸಾವೊಂದಿನ ಕಾಮಧೇನುದ ಪ್ರತಿರೂಪೊನ್  ಸ್ಥಾಪನೆ ಮಲ್ತೆರ್…

ಬೇಡಿನವ್ವೆನ್ ಕರುಣಿಸಾವುನ ಮಹಾನ್ ಶಕ್ತಿಯುಪ್ಪುನ ಗತಕಾಲದ ಇತಿಹಾಸೊನ್  ಸಾರುನಂಚ ಒಂಜೇ ಪೆಲತ್ತ ಮರಟ್ ಕೆತ್ತುದಿನ  ಐನ್  ಮುಕ್ಕಾಲು ಅಡಿ ಎತ್ತರದ ಕಾಮಧೇನುನ ಸ್ಥಾಪನೆ ಬುಧವಾರ ಗೋ ಪೂಜೆದ ಪರ್ವಕಾಲೊಡ್ ನಡತುಂಡ್..

ಸ್ಥಾಪನಾ ಪೂರ್ವಭಾವಿ ಧಾರ್ಮಿಕ ಕಾರ್ಯಕ್ರಮವಾದ್ ಮಂಗಳವಾರ ರಾತ್ರೆ ಭೂ ಶುದ್ದಿ ಪ್ರಕ್ರಿಯೆಯಾದ್ ವಾಸ್ತು ಹೋಮ, ಭೂ ವರಾಹ ಹೋಮ, ರಜತ ಕಲಶ ಪ್ರತಿಷ್ಠಾಪನೆ, ಅಧಿವಾಸ ಪೂಜೆ ನೆರವೇರಿಸಾದ್ ಮರು ದಿನ  ಕಾಂಡೆ ಆದ್ಯ ಗಣಪತಿಯಾಗ , ಸ್ವಸ್ತಿ ಪುಣ್ಯಹ ವಾಚನ, ಗೋ ಸೂಕ್ತ ಹೋಮ, ನವಕಲಶ ಪ್ರಧಾನ ಹೋಮ, ಕಲಶಾ ಅಭಿಷೇಕ, ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ ಪ್ರಸನ್ನ ಪೂಜೆ ಪ್ರಸಾದ ವಿತರಣೆ ಬೊಕ್ಕ  ಧಾರ್ಮಿಕ ವಿಧಿವಿಧಾನ ನಡತುಂಡ್…

ಪೆತ್ತೊನ್  ನಿತ್ಯ ತೂಪಿನೇಡ್ , ಅಯಿತ್ತ ಸೇವೆ ಮಲ್ತುಂಡ ದೇವಾನುದೇವತೆಲು ನಮನ್  ಆಶೀರ್ವಾದ ಮಲ್ಪುನ ಮೂಲಕ ನಮ್ಮ ದುಃಖ-ದುಮ್ಮಾನೊಲು ದೂರ ಆಪುಂಡ್.. ಸನಾತನ ಧಾರ್ಮಿಕ ನಂಬಿಕೆದ ಪ್ರಕಾರ ಮುಕ್ಕೋೋಟಿ ದೇವಾನುದೇವತೆಲು ಪೆತ್ತದ ಮೈಟ್  ನೆಲೆ ಆತೆರ್.. ಈ ನೆಲೆಟ್  ಗೋಪೂಜೆದ  ಪರ್ವಕಾಲಡ್  ಮೋನೆಡ್  ಸ್ತ್ರೀರೂಪೊನ್ ಹೋಲುನ ಗೋಮಾತೆದ ದೇಹವುಪ್ಪುನ  ಮನೋವಾಂಛೆನ್ ಈಡೇರಿಸಾವುನ ಕಂಜಿ  ಸಹಿತವಾಯಿನ  ಕಾಮಧೇನುನ್ ವೇಮೂ ವಿಖ್ಯಾತ್ ಭಟ್, ವೇಮೂ ರಾಘವೇಂದ್ರ ಭಟ್, ಶ್ರೀನಿವಾಸ ಹೆಕ್ಕಡ್ಕ, ವಿಜಯ ಭಟ್ ನೇತೃತ್ವಡ್ ಸ್ಥಾಪನೆ ಮಲ್ತೆರ್..
ಕ್ಷೇತ್ರದ ಅಲಂಕಾರ ತಜ್ಞ ಆನಂದ ಬಾಯರಿ ಕಾಮಧೇನುನ್  ಅಲಂಕಾರ ಮಲ್ತೆರ್.. ಪ್ರಧಾನ ಅರ್ಚಕ ಅನೀಶ್ ಆಚಾರ್ಯ, ಸ್ವಸ್ತಿಕ್ ಆಚಾರ್ಯ, ವೇಮೂ ಡಾ ಶ್ರೀವತ್ಸ ಅಡಿಗ ಪೂಜಾ ಪ್ರಕ್ರಿಯೆಡ್ ಸಹಕಾರ ಮಲ್ತೆರ್  ಪಂಡುದು ಕ್ಷೇತ್ರದ ಉಸ್ತುವಾರಿ ಕುಸುಮಾ ನಾಗರಾಜ್ ತೆರಿಪಾದೆರ್.