ರುಡ್ ಸೆಟ್ ತರಬೇತಿ

ಸಣ್ಣ ಪ್ರಯತ್ನಲೇ ಯಶಸ್ಸುದ  ಮುನ್ನುಡಿ: ಶ್ರೀ. ಹೇಮಂತ್ ಕುಮಾರ್

ಬ್ರಹ್ಮಾವರ, ಮೇ: ಗ್ರಾಮಾಭಿವೃದ್ಧಿ ಬೊಕ್ಕ ಸ್ವ ಉದ್ಯೋಗ ತರಬೇತಿ (ರುಡ್‌ಸೆಟ್) ಸಂಸ್ಥೆ, ಬ್ರಹ್ಮಾವರದ ಆಶ್ರಯಡ್ ಅಣಬೆ ಬೇಸಾಯ ತರಬೇತಿದ ಸಮಾರೋಪ ಸಮಾರಂಭ ಸಂಸ್ಥೆದ ಸಭಾಂಗಣಡ್ ನಡತುಂಡ್.

ಮುಖ್ಯ ಅತಿಥಿಲಾದ್ ಪಾಲ್ ಪಡೆಯಿನ ತೋಟಗಾರಿಕೆ ಇಲಾಖೆದ ಉಪನಿರ್ದೇಶಕೆರಾಯಿನ  ಶ್ರೀ. ಹೇಮಂತ್ ಕುಮಾರ್  ಪಾತೆರ್ದ್, “ಸಣ್ಣ ಪ್ರಯತ್ನಲೇ ಮಲ್ಲ ಸಾಧನೆಲೆಗ್ ಕಾರಣ ಆಪುಂಡ್.. ಅಣಬೆ ಉತ್ಪನ್ನಲೆಗ್  ದೇಶ-ವಿದೇಶಲೆಡ್ ಎಡ್ಡೆ  ಮಾರುಕಟ್ಟೆ ಇತ್ತುದ್, ಫೈವ್‌ಸ್ಟಾರ್ ಹೋಟೆಲ್‌ ಡ್ ಹೆಚ್ಚಿಗೆ ಬೇಡಿಕೆ ಉಂಡು” ಪಂಡೆರು. ತರಬೇತಿಡ್ ಪಡೆತಿನ ಜ್ಞಾನೊನ್ ಉದ್ಯಮವಾದ್  ರೂಪಿಸಾದ್ ಸ್ವ ಉದ್ಯೋಗಗ್ ದುಂಬು ಬರೊಡ್ ಪಂಡುದ್ ಶಿಬಿರಾರ್ಥಿಲೆಗ್ ಲೆಪ್ಪು ಕೊರಿಯೆರು. ಬೊಕ್ಕ ಪ್ರಮಾಣಪತ್ರ ಕೊರಿಯೆರು.

ಸಭೆತ್ತ  ಅಧ್ಯಕ್ಷತೆಡಿತ್ತಿನ ರುಡ್‌ಸೆಟ್ ಸಂಸ್ಥೆಧ ನಿರ್ದೇಶಕೆರಾಯಿನ ಡಾ. ಬೊಮ್ಮಯ್ಯ ಎಂ ಮೇರು ಪಾತೆರ್ದ್, ಬ್ಯಾಂಕ್ ಬೊಕ್ಕ ಹಣಕಾಸು ಸಂಬಂಧಿತ ಸಮಸ್ಯೆಲೆಗಾದ್ ಸಂಪರ್ಕ ಮಲ್ಪೊಲಿ ಪಂಡುದು, ಸರ್ಕಾರದ ಯೋಜನೆಲೆನ್ ಸಮರ್ಪಕವಾದ್ ಬಳಸೊಂದ್ ಸಮಾಜಗ್ ಕೊಡುಗೆ ಕೊರೊಡು ಪಂಡೆರು.
ಈ ಸಂದರ್ಭಡ್  ತೋಟಗಾರಿಕೆ ಇಲಾಖೆದ ಹಿರಿಯ ಉಪನಿರ್ದೇಶಕೆರಾಯಿನ ಶ್ರೀ. ಬಿಳಗಿ ಉಪಸ್ಥಿತರಿತ್ತೆರು. ಶಿಬಿರಾರ್ಥಿಲಾಯಿನ ಆಕಾಶ್, ಅಶ್ವಥ್ ಬೊಕ್ಕ ಮಹೇಂದ್ರ ತಮ್ಮ ಅನುಭವಲೆನ್  ಪಟ್ಟೊಂಡೆರು. ಕಾರ್ಯಕ್ರಮನ್ ಉಪನ್ಯಾಸಕಿ ಶ್ರೀಮತಿ ಚೈತ್ರ ಕೆ ನಿರೂಪಣೆ ಮಲ್ತುದ್ .  ಶ್ರೀ. ಅಭಿಷೇಕ್ ಪ್ರಾರ್ಥನೆ ಮಲ್ತೆರು. ಹಿರಿಯ ಉಪನ್ಯಾಸಕೆರಾಯಿನ ಶ್ರೀ. ಸಂತೋಷ್ ಶೆಟ್ಟಿ ಸ್ವಾಗತ ಮಲ್ತುದ್,  ಶ್ರೀ. ಶಾಂತಪ್ಪ ವಂದಿಸಾಯೆರು.