ನರಮಾನಿಗ್ ಎಡ್ಡೆ ಗೇನ ಇತ್ತುಂಡ ಅವ್ವೇ ಮಲ್ಲ ಸಂಪತ್ತು,.ಆ ನಿಟ್ಟುಡ್ ನಮ್ಮ ಜ್ಞಾನದ ಅಭಿವೃದ್ಧಿಗಾದ್ ನಿತ್ಯ ದೇವರೆನ ಸ್ಮರಣೆ ಮಲ್ತುಂಡ ನಮ್ಮ ಜ್ಞಾನದ ಅಭಿವೃದ್ಧಿ ಆಪುಂಡ್ ಪಂಡುದು ಅದಮಾರು ಮಠದ ಕಿರಿಯ ಶ್ರೀ ಶ್ರೀ ಶ್ರೀ ಈಶ ಪ್ರಿಯ ತೀರ್ಥ ಶ್ರೀಪಾದೆರು ತೆರಿಪಾಯೆರು.. ಶ್ರೀ ಕುಲು ಶ್ರೀ ಆನಂದ ಶರಧಿ, ಶ್ರೀ ಕೃಷ್ಣ ಪರಿಸರ ಪ್ರತಿಷ್ಠಾನ (ರಿ). ಮಲ್ಪೆ ಕಡಲ ತೀರಡ್ ನಡತೊಂದುಪ್ಪುನ ಅಂತರ್ ಜಿಲ್ಲಾ ಭಜನಾ ಸ್ಪರ್ಧೆನ್ ತುಡರ್ ಅರ್ಲಾದ್ ಉದಿಪನ ಮಲ್ತುದ್ ಆಶೀರ್ವಚನ ಮಲ್ತೆರ್ ..ಇತ್ತೆದ ಜೀವನಶೈಲಿ ಬದಲಾತುಂಡ್.,ಒಟ್ಟುಡ್ ನಮ್ಮ ಸಂಸ್ಕಾರ ಸಂಸ್ಕೃತಿ ಲಾ ಬದಲಾವೊಂದುಂಡ್ ಅವ್ವೆನ್ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಭಜನಾ ಸಂಸ್ಕೃತಿನ್ ದುಂಬರಿಪೊಡಾಪುಂಡ್..ದುಂಬುದ ಪೀಳಿಗೆಗ್ ನಮ್ಮ ಸಂಸ್ಕೃತಿನ್ ಮುಟ್ಟಿಸಾವುನ ನಿಟ್ಟುಡ್ ಕೆಲಸ ಆವೊಡಾತುಂಡ್. ಆ ನಿಟ್ಟುಡ್ ಇಂಚಿನ ಭಜನಾ ಸ್ಪರ್ಧೆದ ಮೂಲಕ ಭದ್ರ ಬುನಾದಿನ್ ಪಾಡೊಡಾತುಂಡ್ ಪಂಡುದು ಶ್ರೀ ಕುಲು ತೆರಿಪಾಯೆರು.
ಈ ಪೊರ್ತುಡ್ ವೇದಿಕೆ ಡ್ ಉಪಸ್ಥಿತರಿತ್ತಿನ ಸೋದೆ ಮಠಾಧೀಶೆರ್ ಆಶೀರ್ವಚನ ಮಲ್ತುದ್ ಆನಂದ ಶರಧಿದ ಮೂಲಕ ಉಡುಪಿದ ಸಮಸ್ತ ಜನತೆ ಆನಂದ ಮಯ ಆವಡ್ ಪಂಡುದ್ ಶುಭ ಹಾರೈಸಿಯೆರು. ವೇದಿಕೆ ಡ್ ಉಪಸ್ಥಿತರಿತ್ತಿನ ಕಟೀಲು ದ ಶ್ರೀ ಹರಿನಾರಾಯಣ ಅಸ್ರಣ್ಣ ಪಾತೆರ್ದ್ ದೇವರೆನ ಬಗ್ಗೆ ಸರಿಯಾದ್ ತೆರಿಯೊಂದ್ ಭಜನೆ ಪನೊಡ್ ಆ ಮೂಲಕ, ಸನಾತನ ಧರ್ಮ ಒರಿಪಾವೊಡ್ ಪಂಡೆರ್.ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಪಾತೆರ್ದ್ ವರ್ಷಗ್ ಒಂಜಿ ಕಾರ್ಯಕ್ರಮ ಆನಂದ ಶರಧಿಡ್ ಮಲ್ಪೊಡ್ ಪಂಡೆರು. ಮಾಜಿ ಶಾಸಕೆರಾಯಿನ ಕೆ.ರಘುಪತಿ ಪಾತೆರ್ದ್ ಬದರಿಡ್ ಮಧ್ವಾಚಾರ್ಯರೆನ ಪ್ರತಿಮೆಗ್ 10 ಕೋಟಿ ಪಣವು ಬುಡುಗಡೆ ಆದಿತ್ತುಂಡ್ ಆಂಡ ಅಲ್ಪ ಸರಿಯಾಯಿನ ಭದ್ರತೆ ಇಪ್ಪಂದಿನ ಕಾರಣ ಅಲ್ಪ ಪ್ರತಿಮೆ ಆತುಜಿ.ಆ ಅನುದಾನ ಮಲ್ಪೆಗ್ ಸಿಕ್ಕಡ್ ಪಂಡೆರ್. ವೇದಿಕೆಡ್.ಉದ್ಯಮಿ ಪುರುಷೋತ್ತಮ್ ಶೆಟ್ಟಿ, ಆದರ್ಶ ಆಸ್ಪತ್ರೆದ ಡಾ.ಜಿ. ಎಸ್. ಚಂದ್ರ ಶೇಖರ್,ಉದ್ಯಮಿ ಸಾಧು ಸಾಲ್ಯಾನ್, ದಿನೇಶ್ ಪುತ್ರನ್, ರತ್ನಕುಮಾರ್,, ಕೊರಗ ಸಮಾಜ ಅಧ್ಯಕ್ಷೆರು ಗಣೇಶ್ ಬಾರ್ಕೂರು, ಡಾ. ವಾದಿರಾಜ, ಮಧೂರು ಬಾಲಸುಬ್ರಮಣ್ಯಂ ಉಪಸ್ಥಿತರಿತ್ತೆರು. ವಡಭಾಂಡೇಶ್ವರ ಶ್ರೀ ಬಲರಾಮ ದೇವಸ್ಥಾನಡ್ದ್ ಭಜನಾ ತಂಡದ ಒಟ್ಟುಗ್ ಮೆರವಣಿಗೆ ಡ್ ಸಾಗುದ್ ಬತ್ತಿನ ಉಭಯ ಶ್ರೀಕುಲು ಪಾಲ್ ಪಡೆದ್ ಸಭಾ ಕಜ್ಜೊಡ್ ಆಶೀರ್ವಚನ ಮಲ್ತೆರ್.ಗೋವಿಂದರಾಜ್ ಸ್ವಾಗತ ಮಲ್ತುದ್,ವಿಜಯ ಕೊಡವೂರು ಸೊಲ್ಮೆ ಸಂದಾಯ್ತ ಮಲ್ತೆರ್.
ಸಭಾ ಕಜ್ಜೊಡ್ ಬೊಕ್ಕ ಕಿಶೋರ, ಕಿಶೋರಿಯೆರೆನ ವಿಭಾಗದ ಭಜನಾ ಸ್ಪರ್ಧೆ ನಡತುಂಡ್.
by 