ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ವತಿಡ್ದ್ ರಾಜ್ಯ ಸರಕಾರ ಅತಿಥಿ ಉಪನ್ಯಾಸಕೆರೆನ ಸಮಸ್ಯೆಲೆನ್ ಆಲಿಸಾದ್ , ವಿದ್ಯಾರ್ಥಿಲೆನ ತರಗತಿಲು ಸುಗಮವಾದ್ ನಡಪಾವರೆಗ್ ಆಗ್ರಹಿಸಾದ್ ರಾಜ್ಯಾದ್ಯಂತ ಲೆಪ್ಪು ಕೊರ್ದಿತ್ತುಂಡ್. ಅಯಿತ್ತ ಅನ್ವಯ ಶುಕ್ರವಾರ ಡಿಸಿ ಕಚೇರಿ ಎದುರು ಡ್ ಎಬಿವಿಪಿ ಉಡುಪಿ ಪ್ರತಿಭಟನೆ ಮಲ್ದುಂಡ್..
ಜಿಲ್ಲಾಧಿಕಾರಿಲು ಸರಿಯಾಯಿನ ಪೊರ್ತುಗ್ ಬರಂದಿನಪಗ ವಿದ್ಯಾರ್ಥಿಲು ಬೊಕ್ಕ ಪೊಲೀಸೆರೆನ ನಡುಟ್ ಪಾತೆರದ ಚಕಾಮಕಿ ನಡತುಂಡ್ . ಬೊಕ್ಕ ವಿದ್ಯಾರ್ಥಿ ಪರಿಷತ್ ಡಿಸಿ ಕಚೇರಿ ಮುತ್ತಿಗೆ ಪಾಡರೆಗ್ ಪ್ರಯತ್ನನ್ ಮಲ್ತಿನೇಡ್ ಬೊಕ್ಕ ಅಪರ ಜಿಲ್ಲಾಧಿಕಾರಿ ಖುದ್ದು ಪಿದಾಯಿ ಬತ್ತುದು ಮನವಿನ್ ಸ್ವೀಕರಿಸಾದ್ ಬೇಡಿಕೆನ್ ಕೇಂಡೆರು.
ನಗರ ಕಾರ್ಯದರ್ಶಿ ಶ್ರೀವತ್ಸ ಮೇರು ಪಾತೆರ್ದ್ ಅತಿಥಿ ಉಪನ್ಯಾಸಕೆರೆನ ಸಮಸ್ಯೆಡಾದ್ ನಮ್ಮ ಮಂಗಳೂರು ಯುನಿವರ್ಸಿಟಿದ ಕೆಲವು ಕಾಲೇಜುಲೆಡ್ ನಾಲ್ ತಿಂಗೊಲುಡ್ ನಡಪೊಡಾಯಿನ ಪಾಠೊನ್ ರಡ್ಡೇ ತಿಂಗೊಲುಡ್ ಮುಗಿಪಾವೊಂದುಲ್ಲೆರ್ .ಉಂದೆಟಾದ್ ವಿದ್ಯಾರ್ಥಿಲೆಗ್ ಮಲ್ಲ ಸಮಸ್ಯೆ ಆವೊಂದುಂಡ್.ಉಂದೆಕ್ ಆಯಿನಾತ್ ಬೇಗ ಶಿಕ್ಷಕೆರೆನ ಬೇಡಿಕೆನ್ ಈಡೇರಿಸಾದ್ ಶೀಘ್ರ ಪರಿಹಾರನ್ ಕೊರ್ಪಿನೊಟ್ಟುಗ್ ಖಾಲಿ ಇಪ್ಪುನ ಸ್ಥಾನೊಲೆನ್ ಬಡ್ತಿ ಮಲ್ತುದ್ ಸಮಸ್ಯೆಗ್ ಶಾಶ್ವತ ಪರಿಹಾರನ್ ಕೊರೊಡ್ ಪಂಡುದು ಆಗ್ರಹ ಮಲ್ತೆರು.
ಪ್ರತಿಭಟನೆಯಡ್ ತಾಲೂಕು ಸಂಚಾಲಕರಾಯಿನ ಅಜಿತ್ ಜೋಗಿ, ನಗರ ಸಹಕಾರ್ಯದರ್ಶಿ ಕಾರ್ತಿಕ್, ನಗರ ವಿದ್ಯಾರ್ಥಿನಿ ಪ್ರಮುಖ್ ಸಂಹಿತಾ ಸಹ ಪ್ರಮುಖ್ ಕೃತಿ ಬೊಕ್ಕ ಪ್ರಮುಖರಾಯಿನ ಸ್ವಸ್ತಿಕ್, ನವೀನ್, ಮಂಗಳಗೌರಿ, ಪ್ರಶ್ಮ, ಶ್ರೀಹರಿ, ಅನಂತಕೃಷ್ಣ, ಆದಿತ್ಯ, ಸುಮುಖ, ಮಾಣಿಕ್ಯ, ರವಿಚಂದ್ರ ಉಪಸ್ಥಿತರಿತ್ತೆರು.
by 