ಹಿರಿಯಡಕ, ನ. 9: ಪೆದ್ದಿನ ಅಪ್ಪೆ ಅಮ್ಮೆ ಬೊಕ್ಕ ಕಲ್ತಿನ ಶಾಲೆನ್ ಜೋಕುಲು ಏಪೊಲಾ ಮದಪರೆ ಬಲ್ಲಿ.ಸರಕಾರಿ ಶಾಲೆಲೆಗ್ ಹಳೆ ವಿದ್ಯಾರ್ಥಿಲೇ ಆಸ್ತಿ ಪಂಡುದು ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಪಂಡೆರು.
ಆರು ಶನಿವಾರ ಹಿರಿಯಡಕ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಡ್ ಹಳೆ ವಿದ್ಯಾರ್ಥಿ ಸಂಘನ್ ಉದಿಪನ ಮಲ್ತುದ್ ಪಾತೆರಿಯೆರು. ಈ ಶಾಲೆ ಸಂಸ್ಕಾರಯುತ ವಿದ್ಯೆದ ಒಟ್ಟುಗ್ ನಮ್ಮ ಬದುಕುನು ಕಟ್ಟುದು ಕೊರ್ತುಂಡ್.. ಈ ಶಾಲೆಡ್ ಕಲ್ತಿನ ಲಕ್ಷಾಂತರ ಮಂದಿ ಹಳೆ ವಿದ್ಯಾರ್ಥಿಲು ದೇಶವಿದೇಶಲೆಡ್ ಇಪ್ಪೆರ್. ಅಕ್ಲೆನ್ ಮಾತಾ ಒಟ್ಟು ಪಾಡೊಂದ್ ಒಂಜಿ ಎಡ್ಡೆ ಸಂಘಟನೆನ್ ಮಲ್ತುದ್ ದುಂಬುದ ದಿನಕ್ಲೆಡ್ ಈ ಶಾಲೆದ ಸರ್ವತೋಮುಖ ಅಭಿವೃದ್ಧಿಗ್ ಮಾತೆರೆನ ಸಹಕಾರ ಉಪ್ಪಡ್ ಪಂಡುದು ಶುಭ ಹಾರೈಸಿಯೆರು.
ಮುಖ್ಯ ಅತಿಥಿಯಾದ್ ಪಾತೆರಿನ ಮಾಜಿ ಶಾಸಕ ಲಾಲಾಜಿ ಆರ್ ಮೆಂಡನ್ 75ರ ಸಂಭ್ರಮಡುಪ್ಪುನ ಈ ಶಾಲೆ ಹಳೆ ವಿದ್ಯಾರ್ಥಿಲೆನ ಸಹಕಾರಡ್ದ್ ಎಡ್ಡೆ ಶಾಲೆಯಾದ್ ಬೆಳಗಡ್ ಪಂಡೆರ್.
ಹಳೆ ವಿದ್ಯಾರ್ಥಿ ಸಂಘದ ಪೊಸ ಲಾಂಛನ ಬುಡುಗಡೆ ಮಲ್ತುದ್ ಪಾತೆರಿನ ಉದ್ಯಮಿ ನಟರಾಜ ಹೆಗ್ಡೆ ಎಡ್ಡೆಪ್ಪು ಬಯಕಿಯೆರ್.
ಶಾಸಕೆರು ಪೊಸ ಅಧ್ಯಕ್ಷೆರೆಗ್ ಪುಷ್ಪಗುಚ್ಛ ಕೊರ್ಪಿನ ಮೂಲಕ ಸಂಘದ ಅಧ್ಯಕ್ಷತೆದ ಜವಾಬ್ದಾರಿ ಕೊರಿಯೆರು. ಪೊಸ ಪದಾಧಿಕಾರಿಲು ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯರೆಗ್ ಶಾಸಕೆರು ಜವಾಬ್ದಾರಿನ್ ಘೋಷಣೆ ಮಲ್ತೆರು. ಸಭೆತ್ತ ಅಧ್ಯಕ್ಷತೆಡ್ ಸಂಘದ ಅಧ್ಯಕ್ಷ ಶ್ರೀನಿವಾಸ್ ರಾವ್ ಇತ್ತೆರ್.
ನಿಟ್ಟೆ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ನ ವಿಶ್ರಾಂತ ಪ್ರಾಧ್ಯಾಪಕ ಡಾ. ಏನ್ ಎಸ್ ಶೆಟ್ಟಿ ಕರ್ನಾಟಕ ರಾಜ್ಯ ಬಸ್ಸು ಮಾಲಕರ ಸಂಘಗಳ ಒಕ್ಕೂಟ ದ ಅಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಎಂಐಟಿ ಮಣಿಪಾಲದ ಪ್ರೊಫೆಸರ್ ಮತ್ತು ಅಸೋಸಿಯೇಟ್ ಡೈರೆಕ್ಟರ್ ಡಾ ಕಾಂತಿ ಮಲ್ಯ ಹಳೆ ವಿದ್ಯಾರ್ಥಿ ಸಂಘದ ನಿಕಟ ಪೂರ್ವ ಅಧ್ಯಕ್ಷ ಸುಧೀರ್ ಹೆಗ್ಡೆ ಉದ್ಯಮಿ ನಿತೀಶ್ ಕುಮಾರ್ ಶೆಟ್ಟಿ ಶಾಲಾ ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷ ಬಿಎಲ್ ವಿಶ್ವಾಸ್ ಹಿರಿಯ ಹಳೆ ವಿದ್ಯಾರ್ಥಿ ಎ ರಾಮಚಂದ್ರ ರಾವ್ ಪದಾಧಿಕಾರಿಗಳಾದ ಕೆ ಎನ್ ಶರತ್ಚಂದ್ರ ದಿವಾಕರ್ ಭಂಡಾರಿ ಪೂರ್ಣಿಮಾ ಸುರೇಶ್ ಜಯವಂತರಾಯ ಕಾಮತ್ ಪ್ರಕಾಶ್ ಶೆಟ್ಟಿ ಪಡುಭಾಗ ರಾಕೇಶ್ ಶೆಟ್ಟಿ ಸರೋಜ ನಾಯಕ್ ಉಪಸ್ಥಿತರಿತ್ತೆರು. ಉಪಾಧ್ಯಕ್ಷ ನಾಗರಾಜೇಂದ್ರ ಎಂ ಆರ್ ಪ್ರಾಸ್ತಾವಿಕ ಪಾತೆರ್ದ್ ಸ್ವಾಗತ ಮಲ್ತೆರು ಜೊತೆ ಕಾರ್ಯದರ್ಶಿ ನಳಿನಾದೇವಿ ಎಂ ಆರ್ ಕಾರ್ಯಕ್ರಮ ನಿರ್ವಹಣೆ ಮಲ್ತುದ್ ಪ್ರಧಾನ ಕಾರ್ಯದರ್ಶಿ ಕೆ ಎನ್ ಶರತ್ಚಂದ್ರ ಸೊಲ್ಮೆ ಸಂದಾಯ್ತ ಮಲ್ತೆರು.
by 