ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ಅಭ್ಯಾಸ ವರ್ಗ ಕಡಿಯಾಳಿದ ಶರ್ವಾಣಿ ಮಂಟಪಡ್ ಸಂಪನ್ನ ಆಂಡ್ . ಪೊಸ ಅಧ್ಯಕ್ಷೆರಾದ್ ಎಸ್.ಡಿ.ಎಂ ಆಯುರ್ವೇದ ಕಾಲೇಜು ಉದ್ಯಾವರಢ್ ಪ್ರಾಧ್ಯಾಪಕೆರಾದ್ ಸೇವೆ ಸಲ್ಲಿಸಾವೊಂದುಪ್ಪುನ ಡಾ| ಸದಾನಂದ ಲಕ್ಷ್ಮಿಂದ್ರ ಭಟ್ ಕಾಪು ಮೇರು ಆಯ್ಕೆಯಾತೆರ್.
ಕಾರ್ಯಕ್ರಮನ್ ಉದಿಪನ ಮಲ್ತುದ್ ಪಾತೆರಿನ ಎಬಿವಿಪಿದ ಹಿರಿಯ ಕಾರ್ಯಕರ್ತೆರಾಯಿನ ಡಾ| ಶಿವಾನಂದ ನಾಯಕ್ ಎಬಿವಿಪಿ ವಿದ್ಯಾರ್ಥಿಲೆಡ್ ನಾಯಕತ್ವ ಗುಣನ್ ಬುಳೆಪಾವುನೊಟ್ಟುಗ್ ರಾಷ್ಟ್ರಪ್ರೇಮನ್ ಹೆಚ್ಚಿಸಾವುಂಡ್ ಪಂಡುದು ಪಂಡೆರು. ತಾನುಲಾ ಎಬಿವಿಪಿದ ಕಾರ್ಯಕರ್ತೆರಾದ್ ಇತ್ತಿನ ಸಂದರ್ಭಲೆನ್ ನೆಂಪು ಮಲ್ತೆರು.
ವರ್ಗಡ್ ವಿಭಾಗ ಸಂಘಟನಾ ಕಾರ್ಯದರ್ಶಿ ಶ್ರೀರಾಮ್ ಅಂಗೀರಸ ಸೈದ್ಧಾಂತಿಕ ಭೂಮಿಕೆದ ಅವಧಿನ್ ದೆತೊಂಡೆರ್ , ರಾಜ್ಯ ಸಹಕಾರ್ಯದರ್ಶಿ ಹರ್ಷಿತ್ ಕೊಯ್ಲ ಕ್ಯಾಂಪಸ್ ಕಾರ್ಯದ ಅವಧಿನ್ ನಡಪಾಯೆರು, ಕರ್ನಾಟಕ ದಕ್ಷಿಣ ಪ್ರಾಂತ ಸಾಮಾಜಿಕ ಜಾಲತಾಣ ಸಹ-ಸಂಚಾಲಕರಾದ ಶ್ರೀವತ್ಸ ಸಾಮಾಜಿಕ ಜಾಲತಾಣ, ಗಟಿವಿಧಿ ಬೊಕ್ಕ ಆಯಾಮದ ಅವಧಿನ್ ದೆತೊಂಡೆರ್. ವಿಭಾಗ ಸಂಚಾಲಕರಾಯಿನ ನಿಶಾನ್ ಆಳ್ವ ಹೋರಾಟದ ಅವಧಿನ್ ನಡಪಾಯೆರು.
ತಾಲೂಕು ಸಂಚಾಲಕರಾಯಿನ ಅಜಿತ್ ಜೋಗಿ ಪ್ರಾಸ್ತಾವಿಕವಾದ್ ಪಾತೆರಿಯೆರು. ಜಿಲ್ಲಾ ಪ್ರಮುಖರಾಯಿನ ರಾಜಶಂಕರ್ ನೂತನ ಜವಾಬ್ದಾರಿಲೆನ್ ಘೋಷಿಸಾಯೆರು, ಕಾರ್ಯಕ್ರಮಡ್ ಜಿಲ್ಲಾ ಸಂಚಾಲಕರಾಯಿನ ಗಣೇಶ್ ಪೂಜಾರಿ, ರಾಜ್ಯ ಕಾರ್ಯಕಾರಿಣಿ ಸದಸ್ಯರಾಯಿನ ಸಂಹಿತಾ ಕೆ ಉಪಸ್ಥಿತರಿತ್ತೆರು ನಗರ ಸಹ ಕಾರ್ಯದರ್ಶಿ ಕಾರ್ತಿಕ್ ಬೊಕ್ಕ ಪೊಸ ನಗರ ಸಂಪರ್ಕ ಪ್ರಮುಖ್ ರವಿಚಂದ್ರ ಕಾರ್ಯಕ್ರಮನ್ ನಿರೂಪಣೆ ಮಲ್ತೆರು.
by 