ಸ್ವಾಮಿ ವಿವೇಕಾನಂದೆರೆನ ಪುಟ್ಟುಪರ್ಬ ಆಚರಣೆ ಮಲ್ತಿನ ಎಬಿವಿಪಿ.

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಜಿಲ್ಲೆದ ವತಿಡ್ಥ್ ಸಿಡಿಲಸಂತ ಸ್ವಾಮಿ ವಿವೇಕಾನಂದೆರೆನ 161ನೇ ಪುಟ್ಟುಪರ್ಬದ ಪ್ರಯುಕ್ತ ಜಿಲ್ಲೆದ 20ಗುಲಾ ಜಾಸ್ತಿ ಕಾಲೇಜು ಬೊಕ್ಕ ಹಾಸ್ಟೆಲ್ ಘಟಕಲೆಡ್, ಬೌದ್ಧಿಕ ಬೊಕ್ಕ ಪುಷ್ಪಾರ್ಚನೆಲೆನ್ ಮಲ್ಪುನ ಮೂಲಕ ಕಾರ್ಯಕ್ರಮನ್ ಯಶಸ್ವಿ ಮಲ್ತೆರ್.

ಕಾರ್ಕಳದ ಶಿರ್ಡಿ ಕಾಲೇಜಿದ ಕಾರ್ಯಕ್ರಮನ್ ಉದ್ದೇಶಿಸಾದ್ ಪಾತೆರಿನ ಮಂಗಳೂರು ವಿಭಾಗ ಸಂಚಾಲಕ ಕಾರ್ಯದರ್ಶಿ ಶ್ರೀರಾಮ ಅಂಗೀರಸ ಮೇರು”ವಿವೇಕಾನಂದೆರು ಏಪಲಾ ಜವನೆರೆಗ್ ಸ್ಪೂರ್ತಿದಾಯಕ ವ್ಯಕ್ತಿಯಾದಿತ್ತೆರ್ ಬೊಕ್ಕ ಅರೆನ ಇಚಾರೊಲು ಪ್ರತಿಯೊರಿನ ಬದುಕುಗ್ ಒಂಜಿ ಸಾದಿಬೊಲ್ಪು ಇತ್ತಿಲೆಕ್ಕ ಪಂಡುದು ತೆರಿಪಾಯೆರು.

ಬೇತೆ ಬೇತೆ ಕಾರ್ಯಕ್ರಮಲೆಡ್ ವಿಭಾಗ ಸಹ ಪ್ರಮುಖ ಕಿರಣ್ ಕುಂದಾಪುರ ಜಿಲ್ಲಾ ಸಂಚಾಲಕ ಗಣೇಶ್ ಪೂಜಾರಿ ಬೊಕ್ಕ ಪ್ರಮುಖೆರಾಯಿನ ಅಜಿತ್ ಜೋಗಿ,ಶ್ರೇಯಸ್,ಪವನ್, ಸನತ್, ವಿನಾಯಕ್,ಸ್ವಸ್ತಿಕ್ ,ನವೀನ್ ,ಸಂಹಿತಾ, ಧನ್ಯ ಸೇರಿನಂಚ ಮಸ್ತ್ ಜನ ಕಾರ್ಯಕರ್ತೆರು ಪಾಲ್ ಪಡೆಯೆರ್.