ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ವತಿಡ್ದ್ 2022-23 ನೇ ಸಾಲುದ ಕಾರ್ಮಿಕರ ಕಲ್ಯಾಣ ನಿಧಿ ಯೋಜನೆದ ಅಡಿಟ್ ವಿದ್ಯಾರ್ಥಿ ವೇತನ ಬುಡುಗಡೆಗ್ ಆಗ್ರಹಿಸಾದ್ ಬೊಕ್ಕ ವಿದ್ಯಾರ್ಥಿ ವೇತನ ಕಡಿತ ಮಲ್ದಿನ ರಾಜ್ಯ ಸರ್ಕಾರದ ವಿರುದ್ಧ ಅಜ್ಜರಕಾಡು ಹುತಾತ್ಮರ ಸ್ಮಾರಕದ ಕೈತಲ್ ಪ್ರತಿಭಟನೆ ಮಲ್ತೆರು.
ಪ್ರತಿಭಟನೆನ್ ಉದ್ದೇಶಿಸಾದ್ ತಾಲೂಕು ಸಂಚಾಲಕರಾಯಿಧ ಅಜಿತ್ ಜೋಗಿ ಮೇರು ರಾಜ್ಯ ಸರಕಾರದ ಗ್ಯಾರಂಟೀ ಪಟ್ಟಿಡ್ ವಿದ್ಯಾರ್ಥಿ ವೇತನ ಇಜ್ಜಿ ಪಂಡುದ್ ಅಸಡ್ಡೆನಾ ಪಂಡುದು ಪ್ರಶ್ನೆ ಮಲ್ತ್ ದ್ ವಿದ್ಯಾರ್ಥಿ ವೇತನ ಗ್ಯಾರಂಟೀಯಾವಡ್ ಪಂಡುದು ಆಗ್ರಹ ಮಲ್ತೆರು. ನಗರ ಕಾರ್ಯದರ್ಶಿ ಶ್ರೀವತ್ಸ ಪಾತೆರ್ದ್ 4 ಲಕ್ಷ ಜೋಕ್ಲೆಗ್ ವಿದ್ಯಾರ್ಥಿ ವೇತನ ಕೊರ್ಪಿನವ್ವೆನ್ ರದ್ದು ಮಲ್ದಿನ ಸರಕಾರ ಮಾತೆರೆಗುಲಾ ಈ ಕೂಡಲೇ ವಿದ್ಯಾರ್ಥಿ ವೇತನ ಕೊರೊಡು ಬೊಕ್ಕ ಓವ್ವೇ ರೀತಿದ ಕಡಿತ ಮಲ್ತುದ್ ವಿದ್ಯಾರ್ಥಿಲೆನ ಜೀವನಡ್ ಗೊಬ್ಬರೆಗ್ ಬಲ್ಲಿ ಪಂಡುದು ಆಗ್ರಹ ಮಲ್ತೆರು .
ಹುತಾತ್ಮರ ಸ್ಮಾರಕದ ಕೈತಲುಡ್ ನಡತಿನ ಪ್ರತಿಭಟನೆಡ್ ಕಾರ್ಯಕರ್ತೆರು ಸರಕಾರದ ವಿರುದ್ಧ ಘೋಷಣೆಲೆನ್ ಮಲ್ತುದ್ ಫಲಕಲೆನ್ ಪ್ರದರ್ಶನ ಮಲ್ತೆರು. ಪ್ರತಿಭಟನೆಡ್ ರಾಜ್ಯ ಕಾರ್ಯಕಾರಿಣಿ ಸದಸ್ಯರಾಯಿನ ಸಂಹಿತಾ ಕೆ. ನಗರ ಖೆಲೋ ಭಾರತ್ ಪ್ರಮುಖರಾಯಿನ ಸ್ವಸ್ತಿಕ್ ನಗರ ಸಂಪರ್ಕ ಪ್ರಮುಖ್ ರವಿಚಂದ್ರ ಬೊಕ್ಕ ಪ್ರಮುಖರಾಯಿನ ಕಿಶೋರ್, ನವೀನ್, ಹರ್ಷೇಂದ್ರ, ವರುಣ್, ಪ್ರಷ್ಮಾ, ಮಂಗಳಗೌರಿ, ಕೃತಿ, ಪಾಲ್ ಪಡೆಯೆರು.
by 