ದ.ಕ.ಮೊಗವೀರ ಮಹಾಜನ ಸಂಘದ ವತಿಡ್ದ್ ವಿದ್ಯಾರ್ಥಿ ವೇತನದ ಅರ್ಜಿಗ್ ಲೆಪ್ಪು.

ದ.ಕ.ಮೊಗವೀರ ಮಹಾಜನ ಸಂಘದ ವತಿಡ್ದ್ ಮಂಗಳೂರು, ಬಾರ್ಕೂರು,ಬೊಕ್ಕ ಬಗ್ವಾಡಿ ಹೋಬಳಿದ ವ್ಯಾಪ್ತಿಡ್ ಬರ್ಪಿನ 2022-23 ನೇ ಶೈಕ್ಷಣಿಕ ವರ್ಷದ ಮೊಗವೀರ ವಿದ್ಯಾರ್ಥಿಲೆನ ವಿದ್ಯಾರ್ಥಿ ವೇತನಗ್ ಅರ್ಜಿ ಪಾಡರೆಗ್ ಲೆಪ್ಪು ಕೊರ್ತೆರ್.10 ನೇಟ್ ಪಾಸಾದ್ ಪಿಯುಸಿಗ್, ಸುರುತ್ತ ಪಿಯುಸಿಡ್ದ್ ರಡ್ಡನೇ ಪಿಯುಸಿಗ್,ರಡ್ಡನೇ ಪಿಯುಸಿಡ್ದ್ ಪಾಸಾದ್ ಬಿ.ಕಾಂ/ ಬಿ.ಎಸ್.ಸಿ/ಬಿಸಿಎ ಪದವಿ ಶಿಕ್ಷಣೊಗ್ ಪ್ರವೇಶ ಪಡೆಯಿನ ವಿದ್ಯಾರ್ಥಿಲೆಡ್ದ್ ಅರ್ಜಿ ಪಾಡರೆಗ್ ಲೆಪ್ಪು ಕೊರ್ತೆರ್‌

85% ಅಂಕೊಲೆನ್ ಪಡೆಯಿನ ಮೊಗವೀರ ಸಮಾಜದ ವಿದ್ಯಾರ್ಥಿಲು ಅಗಸ್ಟ್ 5 ತಾರೀಕುಡ್ದ್ 7 ತಾರೀಕುಮುಟ್ಟ ಕಾಂಡೆ 9 ಗಂಟೆಡ್ದ್ 3 ಗಂಟೆಮುಟ್ಟ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಸಭಾಭವನಡ್ ವಿದ್ಯಾರ್ಥಿಲೇ ಬತ್ತುದ್ ಸೂಕ್ತ ದಾಖಲೆದೊಟ್ಟುಗ್ ಅರ್ಜಿ ಪಾಡೊಡ್.ಬೇತೆ ದಿನ ಅರ್ಜಿ ದೆತೊನುಜೆರ್.ಸಮುದಾಯದ ಜೋಕುಲು ವಿದ್ಯಾರ್ಥಿ ವೇತನದ ಸದುಪಯೋಗ ಪಡೆತೊನೊಡ್ ಪಂಡುದ್ ದ.ಕ.ಮೊಗವೀರ ಮಹಾಜನ ಸಂಘದ ಗುರ್ಕಾರೆರಾಯಿನ ಶ್ರೀ ಜಯ ಸಿ.ಕೋಟ್ಯಾನ್ ಪ್ರಕಟಣೆಡ್ ತೆರಿಪಾದೆರ್.