ಯುವಜನತೆಗ್ ಅಪಗಪಗ ಜಾಗ್ರತಿ ಪುಟ್ಟಾವುನ ನಮ್ಮ ಕರ್ತವ್ಯ: ಮೋಹನ್ ಆಳ್ವ..

ಸಮಾಜೊಡ್ ಅಪಗಪಗ ಜಾಗ್ರತಿ ಪುಟ್ಟಾವುನವ್ ನಮ್ಮ ಕರ್ತವ್ಯ, ಸಾರ ಸಾರ ಇತಿಹಾಸ ಇತ್ತಿನ ದೇಶೊಗ್ ಸ್ವಾತಂತ್ರ್ಯ ಬತ್ತುದ್ 75 ವರ್ಷ ಆಂಡಲಾ ಸರಿಯಾಯಿನ ಅಭಿವೃದ್ಧಿ ಆತುಜಿ ಪನ್ಪಿನವ್ ಬೇಜಾರುದ ಸಂಗತಿ.ಏತ್ ಜನ ಪಿಎಚ್ಡಿ ಮಲ್ದಿನಕುಲು ಇತ್ತುಂಡಲಾ ಇತ್ತೆಗುಲಾ ಅನಜ್ಷರಸ್ತೆರ್ ಉಲ್ಲೆರ್..ಅಂಚಾದ್ ಮಾತೆರ್ಲ ಜಾಗ್ರತರಾವೊಡ್.ನಮಡುಪ್ಪುನ ಮಲ್ಲ ಸಂಪತ್ತು ಯುವ ಸಂಪತ್ತು… ದೇಶದ ಆಸ್ತಿ…ಯುವಕೆರೆಗ್ ಮಾರ್ಗದರ್ಶನ ಕೊರ್ದ್ ಅಕ್ಲೆನ್ ದೇಶದ ಉತ್ತಮ ಪ್ರಜೆ ಆದ್ ಬುಲೆಪಾವುನವ್ ಸಂಘಸಂಸ್ಥೆಲು ದುಂಬು ಬರೊಡ್.ಜೋಕ್ಲೆಗ್ ವಿದ್ಯಾಭ್ಯಾಸ ಮಲ್ಪರೆಗ್ ಎಡ್ಡೆ ಅವಕಾಶೊಲು ಉಂಡು.ಅವ್ವೆನ್ ಸರಿಯಾದ್ ಗಲಸೊನೊಡ್ ..ಶಿಕ್ಷಣ ಬದುಕುನ್ ನಿರ್ಧಾರ ಮಲ್ಪುಂಡ್.ನಿಕುಲು ಯೇಪಲಾ ಪೋಡ್ಯಂದೆ ಅಪ್ಪೆ ಅಮ್ಮನ ಕನಸುನ್ ನಿಜ ಮಲ್ಪೊಡ್.ಪುಸ್ತಕದ ಓದು ಮಾತ್ರ ಅತ್ತ್ ಎಡ್ಡೆ ಮನಸ್ಸುನ್ ಕಟ್ಟೊನೊಡ್.ಶಿಕ್ಷಣದೊಟ್ಟುಗ್ ಮನಸ್ಸುನ್ ನಿರ್ಮಲವಾದ್ ದೀಯೊನ್ಲೆ. ವಿಚಾರೊಲ್ ಮಸ್ತ್ ತಿಕ್ಕುಂಡ್. ಅಂಚೆನೇದೇಶದ ಬಗ್ಗೆ ಗೌರವ ದೀಯೊನ್ಲೆ.ಪಂಡುದ್ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಮೋಹನ್ ಆಳ್ವೆರ್ ಪಂಡೆರ್

.ಆರ್ ಉಡುಪಿ ಕ್ರಷ್ಣಮಠದ ರಾಜಾಂಗಣೊಡ್ ರಾಷ್ಟ್ರೀಯ ಪದವಿಪೂರ್ವ ವಿದ್ಯಾರ್ಥಿಲೆನ ಪೋಷಕೆರೆನ &ಶಿಕ್ಷಕೆರೆನ ಸಂಘ ಬೊಕ್ಕ ಕೊಡವೂರು ಅಭಿವೃದ್ಧಿ ಸಮಿತಿದ ಒತ್ತು ಸೇರಿಗೆಡ್ 10 ನೇ ಕ್ಲಾಸ್ ದ 1000 ಸಾಧಕೆರೆಗ್ ನಡತಿನ ಗೌರವಾರ್ಪಣೆ ಕಾರ್ಯಕ್ರಮೊಡ್ ಮಲ್ಲ ಬಿನ್ನೆರಾದ್ ಕಜ್ಜೊನ್ ಉದಿಪನ ಮಲ್ತುದ್ ಪಾತೆರಿಯೆರ್.ಭಾರತೊಗ್ ಸ್ವಾತಂತ್ರ್ಯ ತಿಕ್ಕುದ್ 75 ವರ್ಷ ಆಂಡಲಾ ದೇಶದ ಸಮಸ್ಯೆಲೆಗ್ ಪರಿಹಾರ ತಿಕ್ಕುದಿಜಿ.ಯುವಜನತೆನ್ ಇಂಚಿನ ಸಮಸ್ಯೆಲೆಡ್ದ್ ಪಿದಾಯಿ ಕನವೊಡಾಂಡ ಅಕ್ಲೆನ ವಿದ್ಯಾರ್ಥಿ ಜೀವನೊಡೇ ಸರಿಯಾಯಿನ ಮಾರ್ಗದರ್ಶನ ಕೊರೊಡ್ ಪಂಡೆರ್.
ಕಾರ್ಯಕ್ರಮೊಡ್ ಎಸ್.ಎಸ್.ಎಲ್.ಸಿ.ಡ್ ಜಿಲ್ಲೆಡ್ 90% ಗ್ ಲಾ ಜಾಸ್ತಿ ಅಂಕೊ ಪಡೆಯಿನ 1000 ಗ್ ಲಾ ಜಾಸ್ತಿ ಜೋಕ್ಲೆಗ್ ಗೌರವಾರ್ಪಣೆ ನಡತುಂಡ್.
ಕಾರ್ಯಕ್ರಮೊಡ್ ಮಲ್ಲ ಬಿನ್ನೆರಾದ್ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ,ಸಂಘದ ಸಂಸ್ಥಾಪಕೆರಾಯಿನ ಮಿತೇಶ್ ಕುಮಾರ್ ಮೂಡುಕೊಣಾಜೆ,ಏಕನಾಥೇಶ್ವರ ದೇವಸ್ಥಾನದ ಆಡಳಿತ ಮಂಡಳಿ ಸದಸ್ಯೆರಾಯಿನ ಗಣೇಶ್ ದೇವಾಡಿಗ,ಕೊಡವೂರು ಸಿ.ಎ.ಬ್ಯಾಂಕ್ ದ ಅಧ್ಯಕ್ಷೆರಾಯಿನ ನಾರಾಯಣ ಬಲ್ಲಾಳ್,ಶಿರಿಯಾರ ಗಣೇಶ್ ನಾಯಕ್,ಚಲನಚಿತ್ರ ನಟೆ ವಿನೀತ್,ಕೊಲ್ಲೂರು ದೇವಸ್ಥಾನದ ಟ್ರಸ್ಟಿ ಸಂಧ್ಯಾ ರಮೇಶ್ ಉಪಸ್ಥಿತರಿತ್ತೆರ್.ಕಾರ್ಯಕ್ರಮದ ರೂವಾರಿ ಕೊಡವೂರು ನಗರಸಭಾಸದಸ್ಯೆರಾಯಿನ ವಿಜಯ್ ಕೊಡವೂರು ಪ್ರಾಸ್ತವಿಕ ಪಾತೆರ್ದ್ ಸ್ವಾಗತ ಮಲ್ತೆರ್.ಅನುಪಮಾ ಅಡಿಗ ಸೊಲ್ಮೆ ಸಂದಾಯ್ತ ಮಲ್ತೆರ್.ರಾಧಾಕ್ರಷ್ಣ ಮೆಂಡನ್ ಕಾರ್ಯಕ್ರಮದ ಸುರುಕ್ “ವಂದೇ ಮಾತರಂ” ದೇಶಭಕ್ತಿಗೀತೆನ್ ಸುಗಿತೆರ್.ದಾಮೋದರ್ ಶರ್ಮಾ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್.