ಬ್ರಹ್ಮಾವರ ಶಾಲೆಗ್ ರೋಟರಿ ವತಿಡ್ದ್ ಮರತ್ತ ಡೆಸ್ಕ್ & ಬೆಂಚು ಕೊರಿಯೆರ್..

ರೋಟರಿಕ್ಲಬ್ ಕಲ್ಯಾಣಪುರದ ವತಿಡ್ದ್ ರೋಟರಿ ಜಿಲ್ಲಾ ಗೊತ್ತುಪಡಿಸಾಯಿನ ನಿಧಿ (ಡಿ.ಡಿ.ಎಫ್) ಡ್ದ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಬ್ರಹ್ಮಾವರ ಇಡೆಗ್ ರೂ.80 ಸಾವಿರದ ವಿದ್ಯಾರ್ಥಿಲೆನ ಉಪಯೋಗಕ್ಕಾದ್ 10 ಮರತ್ತ ಡೆಸ್ಕ್ ಬೊಕ್ಕ ಬೆಂಚುಲೆನ್ ಸಿದ್ದ ಮಲ್ತುದ್ ಹಸ್ತಾಂತರ ಮಲ್ತೆರ್.

ರೋಟೇರಿಯನ್ ಶಂಭು ಶಂಕರ್ ಅಧ್ಯಕ್ಷೆರು ರೋಟರಿಕ್ಲಬ್ ಕಲ್ಯಾಣಪುರ ಮೆರೆನ ಅಧ್ಯಕ್ಷತೆಡ್ ನಡತಿನ ಸರಳ ಕಾರ್ಯಕ್ರಮಡ್ ಈ ಪರಿಕರೊಲೆನ್ ಶಾಲಾ ಮುಖ್ಯೋಪಾಧ್ಯಾಯೆರೆಗ್ ಹಸ್ತಾಂತರ ಮಲ್ತೆರ್ ರೋಟರಿ ಜಿಲ್ಲೆ 3182 ರ ಮಾಜಿ ಜಿಲ್ಲಾ ಗವರ್ನರ್ ರೋಟೇರಿಯನ್ ರಾಜಾರಾಮ ಭಟ್ ಬೊಕ್ಕ ವಲಯದ ಸಹಾಯಕ ಗವರ್ನರ್ ಕೆ.ಪಿ. ಕಾಂಚನ್, ಬ್ರಹ್ಮಾವರ ರೋಟರಿ ಕ್ಲಬ್ ನ ಹಿರಿಯ ಸದಸ್ಯೆರಾಯಿನ ರೊಟೇರಿಯನ್ ಭಾಸ್ಕರ್ ರೈ ಅವರು ಮುಖ್ಯ ಅತಿಥಿಯಾದ್ ಪಾಲ್ ಪಡೆಯೆರ್ . ಕ್ಲಬ್ಬ್ ದ ಕಾರ್ಯದರ್ಶಿ ರೋಟೇರಿಯನ್ ಪ್ರಕಾಶ್ ಕುಮಾರ್ ಮೇರ್ ವೇದಿಕೆಡ್ ಉಪಸ್ಥಿತರಿತ್ತೆರ್ .ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ದೇವಕುಮಾರಿ, ಶಿಕ್ಷಣಾಧಿಕಾರಿ ಶ್ರೀ ಪ್ರಕಾಶ್ ಬಿಬಿ ಬೊಕ್ಕ ಶಾಲಾ ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಶ್ರೀ ಪಾಂಡುರಂಗ ಮೊಕುಲು ವೇದಿಕೆಡ್ ಉಪಸ್ಥಿತರಿತ್ತೆರ್.

ಶಾಲಾ ಶಿಕ್ಷಕೆರು ಸಭಾ ಕಾರ್ಯಕ್ರಮ ನಿರ್ವಹಣೆ ಮಲ್ತುದ್ ಧನ್ಯವಾದ ಕೊರಿಯೆರ್.
ಕ್ಲಬ್ಬ್ ದ ಸದಸ್ಯೆರಾಯಿನ ರೋಟೇರಿಯನ್ ಅಲೆನ್ ಲೂವಿಸ್, ರೋಟೇರಿಯನ್ ರಾಮ ಪೂಜಾರಿ, ರೋ.ದಿವಾಕರ್ ಬೊಕ್ಕ ಸದಸ್ಯೆರು ಉಪಸ್ಥಿತರಿತ್ತೆರ್.