ತುಳು ಸಾಹಿತ್ಯ ಗ್ ಕನ್ನಡ ದಾತ್ ಪ್ರಾಧಾನ್ಯತೆ ಇಜ್ಜಿ. ಕನ್ನಡದಲೆಕ್ಕನೇ ತುಳು ಬಾಸೆಡುಲಾ ಮಸ್ತ್ ಬೂಕುಲು ಉಂಡು,ಮಸ್ತ್ ಸಾಹಿತಿಲು ಉಲ್ಲೆರ್ ಆಂಡ ಕನ್ನಡಗ್ ತಿಕ್ಕುನ ಪ್ರಾಧಾನ್ಯತೆ ತುಳುಬಾಸೆಗ್ ತಿಕ್ಕಂದಿನವ್ ಬಾರೀ ಬೇಜಾರು ದ ಸಂಗತಿ ಪಂಡುದ್ ತುಳು ಲೇಖಕಿ ಶಾರದಾ ಎ.ಆಂಚನ್ ಪಂಡೆರ್.ಆರ್ ತುಳುಕೂಟ ಉಡುಪಿ ದ ಆಯೋಜನೆ ಡ್ ನಡತಿನ ಪಣಿಯಾಡಿ ಕಾದಂಬರಿ ಪ್ರಶಸ್ತಿ ದ ಲೇಸ್ ಡ್ ಆರ್ ಬರೆಯಿನ ಅಕೇರಿದ ಎಕ್ಕ್ ಕಾದಂಬರಿಗ್ ಪ್ರಶಸ್ತಿ ದೆತೊಂದ್ ಪಾತೆರಿಯೆರ್.ತನ್ನ ಬದುಕುದ ತಿರ್ಲ್ ನ್ ಬರೆಯೊಂದೇ ಸಾಹಿತಿ ಆಯಿನ ಆರ್ .ತುಳು ಸಾಹಿತ್ಯ ಬುಲೆಪಂಡ ತುಳುಬಾಸೆ ಬುಲೆವರೆಗ್ ಸಾಧ್ಯ..ಒರಿ ಸಾಹಿತಿ ಆವೊಡಾಂಡ ಬದುಕುದ ಬೂಕುನು ಓದೊಡು ಪಂಡೆರ್.
ಕಜ್ಜೊಡ್ ಮಲ್ಲ ಬಿನ್ನೆರಾದಿತ್ತಿನ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಉಡುಪಿ ದ ಸಹಾಯಕ ನಿರ್ದೇಶಕೆರಾಯಿನ ಪೂರ್ಣಿಮಾ ಪಾತೆರ್ದ್ ಜೋಕ್ ಲೆಗ್ ತುಳು ಸಾಹಿತ್ಯದ ಮಹತ್ವನ್ ತೆರಿಪಾವಡ್ ಪಂಡೆರ್..
ಮುಂಬಯಿದ ಸಾಹಿತಿ ಶಾರದಾ ಎ.. ಅಂಚನ್ ಕೊಡವೂರು ಅರೆನ ‘ಅಕೇರಿದ ಎಕ್ಕ್’ ಕಾದಂಬರಿಗ್ ಈ ಸರ್ತಿದ ಪಣಿಯಾಡಿ ಪ್ರಶಸ್ತಿನ್ ಪ್ರದಾನ ಮಲ್ತೆರ್..
ಸಾಹಿತಿ ಸುಲೋಚನಾ ಜನಾರ್ಧನ್ ಪಚ್ಚಿನಡ್ಕ ಮೇರು ಪ್ರಶಸ್ತಿ ಪುರಸ್ಕೃತ ಕಾದಂಬರಿನ್ ಪರಿಚಯ ಮಲ್ತೆರು.
ಈ ಪೊರ್ತುಡ್ ಈ ಸರ್ತಿ ಎಸ್.ಎಸ್.ಎಲ್.ಸಿ. ಪರೀಕ್ಷೆದ ತುಳುಪಠ್ಯಡ್ ಶೇ 100 ಅಂಕೊ ಪಡೆಯಿನ ಉಡುಪಿ ಬಾಲಕಿಯರ ಶಾಲೆ, ಉಚ್ಚಿಲ ಮಹಾಲಕ್ಷ್ಮಿ ಬೊಕ್ಕ ಹೆಬ್ರಿ ಶಾಲೆದ ಜೋಕ್ಲೆಗ್ ಮಾನಾದಿಗೆ ನಡತುಂಡ್..
ತುಳುಕೂಟದ ಗುರ್ಕಾರೆ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಸಭೆತ ಗುರ್ಕಾರ್ಮೆಡಿತ್ತೆರು, ಮಲ್ಲ ಬಿನ್ನೆರಾದ್ ಭದ್ರಾವತಿ ತುಳುಕೂಟದ ಗುರ್ಕಾರೆ ಸುಧಾಕರ ಶೆಟ್ಟಿ, ಉಡುಪಿ ಹೋಟೆಲ್ ಉದ್ಯಮಿ ಪ್ರಭಾಕರ್ ಪೂಜಾರಿ, ಸಮಾಜಸೇವಕ ಉಡುಪಿ ವಿಶ್ವನಾಥ ಶೆಣೈ . ತುಳುಕೂಟದ ಪ್ರಧಾನ ಕಾರ್ಯದರ್ಶಿ ಗಂಗಾಧರ ಕಿದಿಯೂರು ಮಿತ್ತರ್ಮೆಡ್ ಉಪಸ್ಥಿತರಿತ್ತೆರು.
ತುಳುಕೂಟದ ಉಪಾಧ್ಯಕ್ಷ ದಿವಾಕರ ಸನಿಲ್ ಮೇರು ಸ್ವಾಗತ ಮಲ್ತೆರು., ಪಣಯಾಡಿ ಪ್ರಶಸ್ತಿ ಸಂಚಾಲಕಿ ಶಿಲ್ಪಾ ಜೋಶಿ ಪ್ರಾಸ್ತವಿಕ ಪಾತೆರಿಯೆರು, ತಾರಾ ಉಮೇಶ್ ಆಚಾರ್ಯ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಪಣವುದ ಪಾಲವೆರಾಯಿನ ಚೈತನ್ಯ ಎಮ್.ಜಿ.ಸೊಲ್ಮೆ ಸಂದಾಯ್ತ ಮಲ್ತೆರು.
by 