“ಪೊರ್ಲೈಸಿರ” ಲೇಸ್.

ಜೂ.15 : ಜೈ ತುಲುನಾಡ್ (ರಿ) ಮುತಾಲಿಕೆಡ್ ತುಲು ರಾಜ್ಯೊದ “ಪೊರ್ಲೈಸಿರ” ಲೇಸ್.

ಕುಡ್ಲ : ಪುಗರ್ತೆದ ಜೈ ತುಲುನಾಡ್ (ರಿ) ಸಂಘಟನೆದ ಮುತಾಲಿಕೆಡ್ ಉಂದುವೇ ಬರ್ಪಿನ ತೇದಿ ಜೂನ್ 15 ಐತಾರ ಕಾಂಡೆ 8.30 ಗಂಟೆಗ್ ಕುಡ್ಲ ಉರ್ವಸ್ಟೋರ್ ಕೈತಲ್ದ ಅಂಬೇಡ್ಕರ್ ಭವನಡ್ “ತುಲು ರಾಜ್ಯೊದ ಪೊರ್ಲೈಸಿರ” ಪನ್ಪಿನ ಲೇಸ್ ನಡಪರೆ ಉಂಡು.
ಪೊರ್ಲೈಸಿರ ಲೇಸ್ ಡ್ ಪಟ್ಟಾಂಗದ ಚಾವಡಿ, ತುಳು ಪದರಂಗಿತ, ಪಿಲಿ ನಲಿಕೆ, ರಂಗ್ ದ ನಲಿಕೆ, ರಂಗ್ ದ ಚಾವಡಿ, ತುಲುನಾಡ ಕಲರಿ, ತುಳು ತುಲಿಪು, ತುಳು ಕಬಿತೆ, ಗೊಬ್ಬುಲು, ತುಳು ಲಿಪಿ ಶಿಕ್ಷಕೆರೆಗ್ ಆಜೋಲೆ, ತುಳು ಲಿಪಿ ಕಲ್ಪಾದಿಲೆಗ್ ಆಜೋಲೆ ಪಟ್ಟುನ, ವನಸ್ ತೆನಸ್ ಇಂಚಿನ ಮಾತ ಕಜ್ಜ ನಡಪರೆ ಉಂಡು.
ಈ ಮಾತ ಲೇಸ್ ಗ್ ಮಾತೆರ್ಲ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ಕೊರೊಡು ಪಂದ್ ಜೈ ತುಲುನಾಡ್ (ರಿ) ಗುರ್ಕಾರ್ಲು ಉದಯ ಪೂಂಜ ತಾರಿಪಾಡಿ ಗುತ್ತು, ಪ್ರಧಾನ ಕಾರ್ಯಂತೆರ್ ಪೂರ್ಣಿಮಾ ಬಂಟ್ವಾಳ, ಪನವುದ ಪಾಲವೆರ್ ರಾಜಶ್ರೀ ಚಂದ್ರಶೇಖರದ ಬೊಕ್ಕ ಮಾತ ಪದಾಧಿಕಾರಿಲು, ಪದುಕೆರ್ ಅಂಚೆನೆ ಕುಡ್ಲ, ಬೆಂಗಳೂರು, ಕಾಸ್ರೋಡು ಬೊಕ್ಕ ಒಡಿಪು ಎಗ್ಗೆದಕುಲು, ಲೇಲೇಲೇಗ ಕೂಟದಕುಲು ಲೆಪ್ಪೋಲೆಡ್ ಬಿನ್ನಾಪು ಮಲ್ದೆರ್.