ತುಲುನಾಡ್ದ ಬಂಗಾರ್ ಬಾಲೆ, ತನುಶ್ರೀ ಪಿತ್ರೋಡಿ ಯೋಗಾಸನಡ್ 7‌ನೇ ವಿಶ್ವದಾಖಲೆ

• ಗೋಲ್ಡನ್ ಬುಕ್ ಆಫ್ ರೆಕಾರ್ಡ್ ಡ್ 43 ನಿಮಿಷ18 ಸೆಕೆಂಡ್,245 ಯೋಗಾಸನದ ಭಂಗಿ
• ಉಡುಪಿ ಸೈಂಟ್ ಸಿಸಿಲಿ ಶಾಲೆದ 8 ನೇ ಕ್ಲಾಸ್ ದ ವಿದ್ಯಾರ್ಥಿನಿ

ದೇಶದ ಸ್ವಾತಂತ್ಯೋತ್ಸವದ ಅಮ್ರತ ಮಹೋತ್ಸವದ ಅಂಗವಾದ್ ಉಡುಪಿ ಸೈಂಟ್ ಸಿಸಿಲಿ ಶಾಲೆದ 8 ಕ್ಲಾಸ್ ದ ವಿದ್ಯಾರ್ಥಿನಿ ತನುಶ್ರೀ ಪಿತ್ರೋಡಿ ಮೇರ್ ಉಡುಪಿ ಕ್ರಷ್ಣಮಠತ್ತ ರಾಜಾಂಗಣೊಡ್ ಗೋಲ್ಡನ್ ಬುಕ್ ಆಫ್ ರೆಕಾರ್ಡ್ ದ 43 ನಿಮಿಷ18‌ಸೆಕೆಂಡುಡ್ 245 ಯೋಗಾಸನದ ಭಂಗಿಲೆನ್ ಪ್ರದರ್ಶನ ಮಲ್ತುದ್ 7ನೇ ವಿಶ್ವದಾಖಲೆನ್ ಮಲ್ತುದ್ ಇಡೀ ದೇಶೊಗೇ ಕೀರ್ತಿ ಕನದೆರ್.8ನೇ ಕ್ಲಾಸ್ ದ 13 ವರ್ಷದ ಪೊಣ್ಣುಮಗಲ್ ನಿಜವಾದುಲಾ ತುಲುನಾಡುಗೇ ಪೆರ್ಮೆದ ಮಗಲ್. ಉಡುಪಿ ಕ್ರಷ್ಣಮಠತ್ತ ಪರ್ಯಾಯ ಅದಮಾರು ಶ್ರೀ ಈಶಪ್ರಿಯ ಶ್ರೀಪಾದೆರ್ ತನುಶ್ರೀನ ಸಾಧನೆನ್ ಮೆಚ್ಚಿದ್ ಆಶೀರ್ವಾದ ಮಲ್ತೆರ್.ತನುಶ್ರೀನ ಸಾಧನೆ ಉಡುಪಿದ ಕೀರ್ತಿನ್ ವಿಶ್ವಮಟ್ಟಡ್ ಬೆಳಗಾದುಂಡ್ ಪಂಡೆರ್.ಗೋಲ್ಡನ್ ಬುಕ್ ಆಫ್ ರೆಕಾರ್ಡ್ ದ ಮುಖ್ಯಸ್ಥೆರಾಯಿನ ಡಾ.ಮನೀಶ್ ಬಿಶ್ನೋಯ್ ಈ ದಾಖಲೆನ್ ಪ್ರಕಟ ಮಲ್ತುದ್ ತಾತ್ಕಾಲಿಕ ಪ್ರಮಾಣ ಪತ್ರ ಕೊರಿಯೆರ್.ವೇದಿಕೆಡ್ ಉಡುಪಿದ ಶಾಸಕೆರಾಯಿನ ರಘಪತಿ ಭಟ್,ಕಾಪು ಶಾಸಕೆ ಲಾಲಾಜಿ ಆರ್.ಮೆಂಡನ್,ನಗರ ಸಭೆತ್ತ ಉಪಾಧ್ಯಕ್ಷೆ ಲಕ್ಷ್ಮೀ ಮಂಜು ಕೊಳ,ಸದಸ್ಯೆ ಲಕ್ಷ್ಮೀ ಚಿತ್ತರಂಜನ್ ಭಟ್,ಬಡಗಬೆಟ್ಟು ಕ್ರೆಡಿಟ್ ಕೋಆಪರೇಟಿವ್ ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ,ಗೀತಾಂಜಲಿ ಸುವರ್ಣ,ದಿವಾಕರ್ ಸನಿಲ್ ಸ್ಮರಣಿಕಾ ಉಡುಪಿ,ಡಾ.ಶೋಭಿತ್ ಶೆಟ್ಟಿ,ಕ್ರಷ್ಣ ಮಠತ್ತ ಮೆನೇಜರ್ ಗೋವಿಂದರಾಜ್ ಉಪಸ್ಥಿತರಿತ್ತೆರ್.