ಪತ್ರಿಕಾ ದಿನಾಚರಣೆ

*ಮಾಧ್ಯಮಲೆಡ್ದ್  ಸತ್ಯ ದೆರ್ತ್ ಮಲ್ಪುನ  ಕಾರ್ಯ ಆವೊಡ್: ಡಾ.ಶುಭಾ ಎಚ್‌.ಎಸ್‌.*
*ಪತ್ರಿಕಾ ದಿನಾಚರಣೆ: ಜೇಮ್ಸ್‌ ವಾಝ್‌ಗ್ ಪ್ರತಿಕಾ ದಿನದ ಮಾನಾದಿಗೆ.

ಉಡುಪಿ, ಜು.1: ಸಮಾಜದ ಸಮಸ್ಯೆಲೆಗ್ ಸ್ಪಂದಿಸಾವುನವ್  ಪತ್ರಕರ್ತೆರೆನ  ಕರ್ತವ್ಯ.  ವ್ಯವಸ್ಥೆದ ಲೋಪದೋಷಲೆನ್ ಸಮಾಜದ ದುಂಬು ದೀಪಿನವ್ ಪತ್ರಿಕೋದ್ಯಮದ ಪ್ರಮುಖ ಕೆಲಸವಾದುಂಡ್.. ಸಾಮಾಜಿಕ ಜಾಲತಾಣದ ಅಬ್ಬರದ ನಡುಟುಲಾ ಮಾಧ್ಯಮೊಲು ಸತ್ಯೊನ್ ದೆರ್ತ್ ಪತ್ತುನ ಕೆಲಸ ಮಲ್ಪೊಡ್ ಪಂಡುದು  ಮಣಿಪಾಲ ಇನ್ಸಿಟ್ಯೂಟ್‌ ಆಫ್ ಕಮ್ಯುನಿಕೇಶನ್‌ನ ನಿರ್ದೇಶಕಿ ಡಾ.ಶುಭಾ ಎಚ್‌.ಎಸ್‌. ಪಂಡೆರ್..

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್  ಉಡುಪಿ ಪ್ರತಿಕಾ ಭವನ ಸಮಿತಿ ಬೊಕ್ಕ ಉಡುಪಿ ಲೋಂಬಾರ್ಡ್‌ ಮೆಮೋರಿಯಲ್‌(ಮಿಷನ್‌) ಆಸ್ಪತ್ರೆದ  ಸಹಯೋಗದೊಟ್ಟುಗ್  ಉಡುಪಿ ಐಎಂಎ ಭವನಡ್ ಆಯೋಜನೆ ಮಲ್ದಿನ ಪತ್ರಿಕಾ ದಿನಾಚರಣೆನ್  ಉದಿಪನ ಮಲ್ತುದ್  ಆರು ಪಾತೆರಿಯೆರು.

ಸುದ್ದಿಲೆಡ್  ಮಹಿಳೆಯೆರೆನ್  ಹೆಚ್ಚಾದ್ ಸಂತ್ರಸ್ತೆರಾದ್, ರಾಜಕಾರಣಿಲಾದ್  ಅತ್ತುಡ ಕ್ರೀಡಾಪಟುಲಾದ್ ಮಾತ್ರ ಬಿಂಬಿಸಾವೆರ್.. ಆಂಡ ನೀತಿ ನಿರೂಪಕಿ, ವಿಷಯ ತಜ್ಞೆ ಮಹಿಳೆಯೆರೆನ್ ಸಂದರ್ಶನ ಮಲ್ಪುನ ಅತ್ತುಂಡ ಅಕ್ಲೆನ ಅಭಿಪ್ರಾಯ ಪಡೆತೊಂಬಿನ ಪ್ರಮಾಣ ಬಾರೀ ವಿರಳವಾದುಂಡ್ ಪಂಡುದು ಆರು ತೆರಿಪಾಯೆರು.

ಅಧ್ಯಕ್ಷತೆಡ್  ಉಡುಪಿ ಜಿಲ್ಲಾ ಪತ್ರಕರ್ತರ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಇತ್ತೆರು. ಮಲ್ಲ ಬಿನ್ನೆರಾದ್ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಜಿ.ಸಿ.ಲೋಕೇಶ, ಉಡುಪಿ ವಾರ್ತಾ ಇಲಾಖೆದ ಸಹಾಯಕ ನಿರ್ದೇಶಕಿ ಬಿ.ಮಂಜುನಾಥ್‌ ಪಾತೆರಿಯೆರು.

ಈ ಸಂದರ್ಭಡ್  ಹಿರಿಯ ವ್ಯಂಗ್ಯಚಿತ್ರಕಾರ ಜೇಮ್ಸ್‌ ವಾಝ್‌ ಗ್ ಪತ್ರಿಕಾ ದಿನದ ಗೌರವ ಪ್ರದಾನ ಮಲ್ತೆರ್.. ಸಂಪನ್ಮೂಲ ವ್ಯಕ್ತಿಯಾದ್ ಬೆಂಗಳೂರು ಡಾ.ಬಿ.ಆರ್‌.ಅಂಬೇಡ್ಕರ್‌ ತಂತ್ರಜ್ಞಾನ ಸಂಸ್ಥೆದ ಆಡಳಿತಾಧಿ ಕಾರಿ ಎಸ್‌.ಎಚ್‌.ಸಂತೋಷ್‌ ಕುಮಾರ್‌ ಪತ್ರಕರ್ತೆರೆನ ಒತ್ತಡ ನಿರ್ವಹಣೆ ಬೊಕ್ಕ ವ್ಯಕ್ತಿತ್ವ ವಿಕಸನ ಬಗೆಟ್  ಪಾತೆರಿಯೆರು.

ಈ ಸರ್ತಿ  ಎಸೆಸೆಲ್ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್ ಎಡ್ಡೆ  ಅಂಕೊ ದೆತ್ತಿನ  ಪತ್ರಕರ್ತೆರೆನ  ಜೋಕ್ ಲೆಗ್  ಪ್ರತಿಭಾ ಪುರಸ್ಕಾರ ವಿತರಣೆ ಮಲ್ತೆರ್.. ರಾಜ್ಯ ಸರಕಾರದ ಗ್ರಾಮೀಣ ಪತ್ರಕರ್ತೆರೆನ ಬಸ್‌ಪಾಸ್‌ ಯೋಜನೆದ  ¶ಫಲಾನುಭವಿ ಯೋಗೀಶ್‌ ಕುಂಭಾಶಿಗ್ ಕಾರ್ಡ್‌ ವಿತರಣೆ ಮಲ್ತುಂಡ್. 

ವೇದಿಕೆಡ್  ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಸಮಿತಿ ಸದಸ್ಯ ಆಸ್ಟ್ರೋ ಮೋಹನ್‌, ರಾಷ್ಟ್ರೀಯ ಸಮಿತಿ ಸದಸ್ಯ ಅರುಣ್‌ ಕುಮಾರ್‌ ಶಿರೂರು, ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಸಂಚಾಲಕ ಗಣೇಶ್ ಕಲ್ಯಾಣಪುರ,, ಜಿಲ್ಲಾ ಸಂಘದ ಕೋಶಾ˜ಕಾರಿ ಹರೀಶ್‌ ಕುಂದರ್‌ ಉಪಸ್ಥಿತರಿತ್ತೆರು.
ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್‌ ಪೊಲ್ಯ ಪ್ರಾಸ್ತಾವಿಕವಾಗದ್  ಪಾತೆರ್ದ್  ಸ್ವಾಗತ ಮಲ್ತೆರು. ಕಾರ್ಯದರ್ಶಿ ಉಮೇಶ್‌ ಮಾರ್ಪಳ್ಳಿ ಸಂಪನ್ಮೂಲ ವ್ಯಕ್ತಿನ ಪರಿಚಯ ಮಲ್ತೆರು. ಜಿಲ್ಲಾ ಸಮಿತಿ ಸದಸ್ಯ ಅಜಿತ್‌ ಆರಾಡಿ ಪ್ರತಿಭಾ ಪುರಸ್ಕಾರದ ಪಟ್ಟಿ ಓದಿಯೆರು.

ಸನ್ಮಾನ ಪತ್ರೊನ್  ಉಡುಪಿ ಪ್ರತಿಕಾ ಭವನ ಸಮಿತಿದ ಸದಸ್ಯ ಮೈಕಲ್‌ ರೋಡ್ರಿಗಸ್‌ ಓದಿಯೆರು. ಜಿಲ್ಲಾ ಸಂಘದ ಉಪಾಧ್ಯಕ್ಷ ಉದಯ ಕುಮಾರ್‌ ಮುಂಡ್ಕೂರು ಸೊಲ್ಮೆ ಸಂದಾಯ್ತ ಮಲ್ತೆರ್ . ಪತ್ರಕರ್ತೆ ಅಕ್ಷತಾ ಗಿರೀಶ್‌ ಐತಾಳ್‌ ಕಾರ್ಯಕ್ರಮ ನಿರೂಪಣೆ ಮಲ್ತೆರು.