ಸಿಎ, ವೈದ್ಯ,ಪತ್ರಿಕಾ ರಂಗದ ಸಾಧಕೆರಗ್ ಮಾನಾದಿಗೆ.

ಸಿಎ, ವೈದ್ಯ, ಪತ್ರಿಕಾ ರಂಗದ ಸಾಧಕರೆಗ್ ಮಲಬಾರ್ ವಿಶ್ವ ಗೌರವ ಪುರಸ್ಕಾರ

ಉಡುಪಿ
ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ ವತಿಡ್ದ್  ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಬೊಕ್ಕ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕದ ಸಹಯೋಗಡ್  ವೈದ್ಯೆರೆನ ದಿನ, ಲೆಕ್ಕ ಪರಿಶೋಧಕರ ದಿನ ಬೊಕ್ಕ ಪತ್ರಿಕಾ ದಿನಾಚರಣೆ ಅಂಗವಾದ್ ಸಾಧಕೆರೆಗ್  ಮಾನಾದಿಗೆನ್  ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ ಉಡುಪಿ ಶಾಖೆ ಮಳಿಗೆಡ್  ಬುಧವಾರ ಪ್ರದಾನ ಮಲ್ತೆರ್..
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಪಾತೆರ್ದ್ , ಜೋಕುಲು ಯುವಜನತೆ ಸಮಾಜಮುಖಿಯಾದ್ ಪರಿಸರ ಕಾಳಜಿ ಉಪ್ಪುನವ್ ಅಗತ್ಯ ಬೊಕ್ಕ ಅನಿವಾರ್ಯ. ಜೋಕ್ ಲೆಗ್ ಉಪದೇಶದ ಬದಲುಗ್ ಒವ್ವಾಂಡಲಾ  ಎಡ್ಡೆ  ಕೆಲಸೊನ್ ಮಲ್ತುದ್ ತೋಜಾವೊಡ್.. ಇಲ್ಲಡ್  ಗ್ರಂಥಾಲಯ ಇತ್ತುಂಡ ಬೌದ್ಧಿಕ ಶ್ರೀಮಂತಿಕೆ ಹೆಚ್ಚಳ ಸಾಧ್ಯ ಪಂಡೆರು.
ಪಾಂಡೇಶ್ವರ ಗುರುಕುಲದ ಡಾ. ವಿಜಯ ಕುಮಾರ್ ಮಂಜರ್ ಅಧ್ಯಕ್ಷತೆಡಿತ್ತುದ್, ಸಂಗೀತ, ಕಲೆ, ಸಾಹಿತ್ಯಡ್ ಜೀವನ ಪರಿಪೂರ್ಣ. . ಜನಕ್ಲೆನ ಜೀವ, ಮನಸ್ಸುದ ಆರೋಗ್ಯ ಕಾಪಾಡುನ ವೈದ್ಯೆರ್, ವ್ಯಕ್ತಿ/ಸಂಸ್ಥೆದ ಆರ್ಥಿಕ ಕಾಪಾಡುನಲೆಕ್ಕ ಪರಿಶೋಧಕ, ಸಮಾಜದ ಸ್ವಾಸ್ಥ್ಯ ಕಾಪಾಡುನ ಪತ್ರಕರ್ತ ಸಮಾಜಡ್  ಪ್ರಾಮುಖ್ಯತೆ ಪಡೆತುದೆರ್ ಪಂಡೆರು.

ಸಂಸ್ಕೃತಿ ವಿಶ್ವ ಪ್ರತಿಷ್ಠ್ಠಾನದ ಸ್ಥಾಪಕ ಯು.ವಿಶ್ವನಾಥ್ ಶೆಣೈ, ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕದ ಅಧ್ಯಕ್ಷ ರವಿರಾಜ್ ಎಚ್. ಪಿ. ಪಾತೆರಿಯೆರು. ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಅಧ್ಯಕ್ಷ ಪ್ರೊ.ಶಂಕರ್, ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ ವ್ಯವಸ್ಥಾಪಕ ವಿಜಯ್ ಕುಮಾರ್ ಡಿ. ಉಪಸ್ಥಿತರಿತ್ತೆರು.

ಪುರಸ್ಕಾರ ಪ್ರದಾನ
ಮಲಬಾರ್ ವಿಶ್ವ ವೈದ್ಯ ಪುರಸ್ಕಾರನ್ ಡಾ. ಎ. ರಾಮಚಂದ್ರ ಬಾಯರಿ, ಡಾ. ಕೆ.ಸತೀಶ್ ಕಾಮತ್, ಡಾ. ಇಂದಿರಾ ವಿ.ಶಾನುಭೋಗ್, ಮಲಬಾರ್ ವಿಶ್ವ ಲೆಕ್ಕ ಪರಿಶೋಧಕರ ಪುರಸ್ಕಾರವನ್ನು ಸಿಎ ದೇವ ಆನಂದ್, ಸಿಎ ಗಣೇಶ್ ಎರ್ಮಾಳು ಹಾಗೂ ಮಲಬಾರ್ ವಿಶ್ವ ಪತ್ರಿಕಾ ಪುರಸ್ಕಾರನ್ ಶಶಿಧರ್ ಮಾಸ್ತಿಬೈಲು, ಬಾಲಕೃಷ್ಣ ಪೂಜಾರಿ ಉಚ್ಚಿಲ, ರಾಮ್ ಅಜೆಕಾರ್ ಸ್ವೀಕಾರ ಮಲ್ತೆರ್ .

ಸನ್ಮಾನ ಪತ್ರೊನ್  ಡಾ. ಭಾರ್ಗವಿ ಐತಾಳ್, ಸಿದ್ಧಬಸಯ್ಯಸ್ವಾಮಿ ಚಿಕ್ಕಮಠ, ರಂಜನಿ ವಸಂತ್ ಓದಿಯೆರು. ವಿದ್ಯಾ ಶ್ಯಾಮ ಸುಂದರ್ ಪ್ರಾರ್ಥನೆ ಮಲ್ತೆರ್ . ರಾಘವೇಂದ್ರ ಪ್ರಭು ಕರ್ವಾಲು ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಜನಾರ್ದನ ಕೊಡವೂರು ಸ್ವಾಗತ ಮಲ್ತುದ್ . ವಿಘ್ನೇಶ್ವರ ಅಡಿಗ ಪ್ರಾಸ್ತಾವಿಕ ಪಾತೆರಿಯೆರು. ರಾಜೇಶ್ ಪಣಿಯಾಡಿ ಸೊಲ್ಮೆ ಸಂದಾಯ್ತ ಮಲ್ತೆರು.