ಉಡುಪಿ ಜಿಲ್ಲಾ ಸಹಕಾರ ಯೂನಿಯನ್

73ನೇ ಅಖಿಲ ಭಾರತ ಸಹಕಾರ ಸಪ್ತಾಹನ್  ಭಾರತದಾದ್ಯಂತ ನವೆಂಬರ್ 14ಡ್ದ್  20ಮುಟ್ಟ ಆಚರಣೆ ಮಲ್ದುಂಡ್.ಈ ಬಾರಿದ ಸಹಕಾರ ಸಪ್ತಾಹದ ಧೈಯ ವಾಕ್ಯ ಸಹಕಾರ ಸಂಸ್ಥೆಲೆನ ಬೆಳವಣಿಗೆಡ್  ಎಡ್ಡೆ ಪರಿಸರ, ತಂತ್ರಜ್ಞಾನ, ಕೌಶಲ್ಯಾಧಾರಿತ, ವೃತ್ತಿಪರ ಸೇವೆ” ಪನ್ಪಿನವ್.. ಅಂಚಾದ್ ಉಡುಪಿ ಜಿಲ್ಲೆಯಾದ್ಯಂತ ಸಹಕಾರ ಸಪ್ತಾಹನ್, ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ ನಿ., ಬೆಂಗಳೂರು, ಉಡುಪಿ ಜಿಲ್ಲಾ ಸಹಕಾರ ಯೂನಿಯನ್ ನಿ. ಉಡುಪಿ, ಸಹಕಾರ ಇಲಾಖೆ, ಉಡುಪಿ ಜಿಲ್ಲೆ ಬೊಕ್ಕ ಜಿಲ್ಲೆದ ಬೇತೆ ಬೇತೆ ಸಹಕಾರ ಸಂಸ್ಥೆಲೆನ ಸಹಯೋಗದೊಟ್ಟುಗ್  ಆಚರಣೆ ಮಲ್ತೊಂದುಲ್ಲೆರ್.

ಉಡುಪಿ ಜಿಲ್ಲೆಡೇ ನವೆಂಬರ್ 14ಡ್ದ್  20ಮುಟ್ಟ ಏಳು ದಿನತ್ತ ಸಹಕಾರ ಸಪ್ತಾಹದ ಆಚರಣೆಡ್ , ಒಂಜೊಂಜಿ ದಿನಕ್ಕ್ ಒಂಜೊಂಜಿ ಮಹತ್ವ ಕೊರ್ದು ಅವ್ವೆನ್ ಆಯಾಯ ದಿನದ ಪ್ರಮುಖ ವಿಷಯ ಮಲ್ತೊಂದ್ ಕಾರ್ಯಕ್ರಮನ್ ಮಲ್ಪುಂಡ್ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ಮಾರ್ಗದರ್ಶನದಂಚ, ಉಡುಪಿ ಜಿಲ್ಲಾ ಸಹಕಾರ ಯೂನಿಯನ್‌ನ ಗೌರವಾನ್ವಿತ ಅಧ್ಯಕ್ಷೆರು, ಶ್ರೀ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಬೊಕ್ಕ ಉಪಾಧ್ಯಕ್ಷೆರಾಯಿನ ಶ್ರೀ ಅಶೋಕ್ ಕುಮಾರ್ ಬಲ್ಲಾಳ್, ಗೌರವಾನ್ವಿತ ಆಡಳಿತ ಮಂಡಳಿ ನಿರ್ದೇಶಕೆರಾಯಿನ ಶ್ರೀ ಯಶ್ಪಾಲ್ ಎ.ಸುವರ್ಣ, ಡಾ। ದೇವಿ ಪ್ರಸಾದ್ ಶೆಟ್ಟಿ ಬೆಳಪು, ಶ್ರೀ ಹೆಚ್. ಗಂಗಾಧರ ಶೆಟ್ಟಿ, ಶ್ರೀ ಎ. ಹರೀಶ್ ಕಿಣಿ, ಶ್ರೀ ಶ್ರೀಧರ್ ಪಿ.ಎಸ್, ಶ್ರೀ ಸುಧೀರ್ ವೈ. ಶ್ರೀ ಅನಿಲ್ ಎಸ್. ಪೂಜಾರಿ, ಶ್ರೀ ಪ್ರಸಾದ್ ಎಸ್ ಶೆಟ್ಟಿ, ಶ್ರೀ ಎನ್ .ಮಂಜಯ್ಯ ಶೆಟ್ಟಿ, ಶ್ರೀ ಪ್ರದೀಪ್ ಯಡಿಯಾಳ್, ಶ್ರೀ ಬಿ. ಅರುಣ್ ಕುಮಾರ್ ಹೆಗ್ಡೆ, ಶ್ರೀ ಬಿ. ಕರುಣಾಕರ ಶೆಟ್ಟಿ, ಶ್ರೀ ಕೆ. ಸುರೇಶ್ ರಾವ್, ಶ್ರೀ ಎಂ. ಗೋಪಿಕೃಷ್ಣ ರಾವ್ ಬೊಕ್ಕ ಹಿರಿಯ ಸಹಕಾರಿ ಮುಖಂಡೆರು, ನಾಯಕೆರು, ಸದಸ್ಯೆರು, ಗಣ್ಯೆರು ಬೊಕ್ಕ ಸಾರ್ವಜನಿಕೆರೆನ್ ಒಟ್ಟು ಮಲ್ತುದ್ ಸಹಕಾರ ಚಳುವಳಿದ ಅರ್ಥ, ಮಹತ್ವ, ತತ್ವಗಳ ಔಚಿತ್ಯ, ಅನುಕೂಲದ ಬಗ್ಗೆ ಮನವರಿಕೆ ಮಲ್ತ್ ಕೊರ್ಪೆರ್.. ಸಾರ್ವಜನಿಕೆರ್ ಸಹಕಾರ ತತ್ವಲೆನ್  ಅರ್ಥಮಲ್ತೊಂದ್  ಅವ್ವೆನ್  ಜೀವನ ವಿಧಾನ ಆದ್  ಮಲ್ತೊನರೆಗ್. ನೆಮ್ಮದಿದ ಜೀವನ ನಡಪಾವರೆಗ್ ಬೊಕ್ಕ ಎಡ್ಡೆ ಮಾರ್ಗಡ್ ನಡಪರೆಗ್  ಸಾಧ್ಯ ಆಪುಂಡ್. ಸಪ್ತಾಹದ ಆಚರಣೆಡ್ ದೆತೊಂದಿನ ವಿಚಾರೊಉ ಆಯಾಯ ವರ್ಷದ ಅವಶ್ಯಕ ವಿಷಯೊಲು ಬೊಕ್ಕ ಸಹಕಾರ ಕ್ಷೇತ್ರದ ವಿವಿಧ ಚಿಂತನೆಲೆನ್  ಮಲ್ಪರೆಗುಲ್ಲೆರ್.

ಸಹಕಾರ ಸಪ್ತಾಹನ್  ರಾಜ್ಯದ ಮಾತಾ ಜಿಲ್ಲೆ, ತಾಲೂಕು ಬೊಕ್ಕ ಗ್ರಾಮಲೆಡ್ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ನೇತೃತ್ವಡ್ ಜಿಲ್ಲಾ ಸಹಕಾರ ಯೂನಿಯನ್‌ಬೊಕ್ಕ   ಸಹಕಾರ ಸಂಸ್ಥೆದ ಬೆಂಬಲಡ್ ಆಚರಣೆ ಮಲ್ತೊಂದುಲ್ಲೆರ್. ಸಪ್ತಾಹದ ಆಚರಣೆ ಸಹಕಾರ ಚಳುವಳಿಗ್ ಪೂರಕವಾದಿತ್ತುದ್, ಹೆಚ್ಚಿನ ಸಂಖ್ಯೆಡ್ ಸಹಕಾರಿಲು ಪಾಲ್ ಪಡೆದ್ ಸಪ್ತಾಹನ್ ಯಶಸ್ವಿ ಮಲ್ಪರೆಗ್ ಮಾತಾ ಸಹಕಾರಿಲೆನ ಜವಾಬ್ದಾರಿಯಾದುಪ್ಪುಂಡ್.. ಸಪ್ತಾಹದ ಅವಧಿಡ್ ಪ್ರತಿಯೊಂಜಿ ಸಹಕಾರ ಸಂಘದ ಕಛೇರಿದ ಆವರಣಡ್ ಏಳು ಬಣ್ಣದ ಸಹಕಾರ ಧ್ವಜನ್ ರಾಪಾವೆರ್.

ಸಹಕಾರ ಕ್ಷೇತ್ರಡುಪ್ಪುನಕ್ಲೆನ್  ಒಂಜಿ ಕಡೆ ಸೇರ್ಪಾವೊಂದ್ ಸಹಕಾರ ಚಳವಳಿದ ಸಾಧನೆ ಬೊಕ್ಕ ವೈಫಲ್ಯನ್ ವಿಮರ್ಶೆ ಮಲ್ತುದ್, ದುಂಬುದ ವರ್ಷಗ್ ಗುರಿ ದೀದ್ ಅವ್ವೆನ್ ಸಾಧಿಸಾವರೆಗ್  ಕ್ರಮ ದೆತೊಂಬಿನ ಬಗ್ಗೆ ಚಿಂತನೆನ್ ನಡಪಾವುನವ್ವೇ  ಉದ್ದೇಶ ಪಂಡುದ್ ಸಹಕಾರಿ ಯೂನಿಯನ್ ದ ಅಧ್ಯಕ್ಷೆರಾಯಿನ ಬಿ..ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.