ಉಡುಪಿಡ್ ನವೆಂಬರ್ 29ತಾರೀಕುಗ್ 31ನೇ ವರ್ಷದ ತುಳು ಭಾವಗೀತೆ ಸ್ಪರ್ಧೆ – 2026
ಉಡುಪಿ: ತುಳು ಭಾಷೆ, ಕಲೆ ಬೊಕ್ಕ ಸಂಸ್ಕೃತಿದ ಒರಿಪು ಬೊಕ್ಕ ಬುಲೆಚ್ಚಿಲ್ ದ ಉದ್ದೇಶಡಾದ್ ತುಳುಕೂಟ ಉಡುಪಿ (ರಿ.) ವತಿಡ್ದ್ 31ನೇ ವರ್ಷದ ತುಳು ಭಾವಗೀತೆ ಸ್ಪರ್ಧೆ – 2026 ಕಾರ್ಯಕ್ರಮನ್ ನವೆಂಬರ್ 29ತಾರೀಕುಗ್ ಆಯೋಜನೆ ಮಲ್ದುಂಡ್.
ದಿವಂಗತ ನಿಟ್ಟೂರು ಸಂಜೀವ ಭಂಡಾರಿನ ನೆಂಪುಡ್ ನಡಪುನ ಈ ಸ್ಪರ್ಧೆ ಐತಾರ ಕಾಂಡೆ 9.30ಕ್ ಉಡುಪಿದ ಕ್ರಿಶ್ಚಿಯನ್ ಹೈಸ್ಕೂಲ್ ಡ್ ನಡಪರೆಗುಂಡ್..
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಉಡುಪಿ ಜಿಲ್ಲೆ ಸಹಯೋಗಡ್ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.
ಈ ಕಾರ್ಯಕ್ರಮದ ಉದಿಪನನ್ ಶ್ರೀ ಶಾಂತಾರಾಮ ವಿ. ಶೆಟ್ಟಿ ನಡಪಾವರೆಗುಲ್ಲೆರ್.. ಅಧ್ಯಕ್ಷತೆಡ್ ತುಳುಕೂಟದ ಅಧ್ಯಕ್ಷೆರಾಯಿನ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಉಪ್ಪುವೆರ್. ಗಣ್ಯೆರು, ಸಾಹಿತಿಲು ಬೊಕ್ಕ ಕಲಾವಿದೆರು ಕಾರ್ಯಕ್ರಮಡ್ ಪಾಲ್ ಪಡೆಯರೆಗುಲ್ಲೆರ್.
ತುಳು ಭಾಷೆದ ಭಾವನಾತ್ಮಕ ಅಭಿವ್ಯಕ್ತಿಗ್ ವೇದಿಕೆ ಕಲ್ಪಿಸಾವುನ ಈ ಸ್ಪರ್ಧೆ ತುಳು ಸಾಹಿತ್ಯ ಬೊಕ್ಕ ಸಂಗೀತಾಸಕ್ತೆರೆಗ್ ವಿಶೇಷ ಅವಕಾಶವಾದುಂಡ್ ಪಂಡುದ್ ತುಳು ಭಾವಗೀತೆ ಪಂತೊದ ಸಂಚಾಲಕೆರಾಯಿನ ಜಯರಾಂ ಮಣಿಪಾಲ್ ತೆರಿಪಾದೆರ್.
ಜಾಗೆ: ಕ್ರಿಶ್ಚಿಯನ್ ಹೈಸ್ಕೂಲ್, ಉಡುಪಿ
ತೇದಿ: 29-11-2026, ಐತಾರ
ಪೊರ್ತು: ಕಾಂಡೆ 9.30ಡ್ದ್
















by