ಸನ್ಮತಿ ಮಾಸಿಕ ಸಂಚಿಕೆ ಬುಡುಗಡೆ, ತಿಂಗೊಲ್ದ ಅಂಗಳ ಸಂವಾದ
ಉಡುಪಿ: ಎಲ್ನಿನೋ ಹಿನ್ನೆಲೆಡ್ ಅರೆಗೊಲೊಡ್ ಕಾಡುನ ಪರ್ಪಿನ ನೀರುದ ಸಮಸ್ಯೆ ಈ ಬಾರಿ ಅರೆಗೊಲಡ್ ದುಂಬೇ ಸಮಸ್ಯೆ ಆಪಿನ ಸಾಧ್ಯತೆ ಉಂಡು ಪಂಡುದು ಬ್ರಹ್ಮಾವರ ಕೃಷಿ ವಿಜ್ಞಾನ ಕೇಂದ್ರದ ಹಿರಿಯ ವಿಜ್ಞಾನಿ ಬೊಕ್ಕ ಮುಖ್ಯಸ್ಥೆ ಭೂಮಿಕಾ ಎಚ್. ಆರ್. ಎಚ್ಚರಿಕೆ ಕೊರ್ತೆರ್.
ಆರು ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್ ಉಡುಪಿ ಪತ್ರಿಕಾ ಭವನ ಸಮಿತಿ ಸಹಯೋಗಡ್ ಸಂಘದ ಸನ್ಮತಿ ಮಾಸಿಕ ಸಂಚಿಕೆ ಬುಡುಗಡೆ ಬೊಕ್ಕ ತಿಂಗಳ ಅಂಗಳ ಸಂವಾದ ಕಾರ್ಯಕ್ರಮಡೊ ಮಂಗಳವಾರ ಪಾತೆರಿಯೆರು.
ವಾತಾವರಣಡಾಪಿನ ಬದಲಾವಣೆ, ಬೆಚ್ಚೊಡಾದ್ ರಸ ಹೀರುನ ಕೀಟೊಲೆನ ಹಾವಳಿ ಹೆಚ್ಚಾತುಂಡ್, ವೃದ್ಧಿಯಾತುಂಡ್.. ಬರ್ಸ ಕಮ್ಮಿ , ಹೆಚ್ಚಾಂಡ ಕೀಟ ಬಾಧೆ-ರೋಗ ಹಾವಳಿಡಾದ್ ಗಿಡ, ಮರಕುಲು ಒತ್ತಡ ಜಾಸ್ತಿ ಆಪುಂಡ್ .ಚುರುಕಾಪಿನ ಹಿನ್ನೆಲೆಡ್ ಕಾಯಿಲು ಬೇಗ ಪರುಂದ್ ಆದ್ ಉದುರುಂಡ್ ಪಂಡುದು ಪಂಡೆರು.
ತೋಟಗಾರಿಕಾ ಇಲಾಖೆ ಜಂಟಿ ನಿರ್ದೇಶಕಿ ಕ್ಷಮಾ ಪಾಟೀಲ್ ಪಾತೆರ್ದ್ , ಜಿಲ್ಲೆಡ್ ಮುಂಗಾರು ಬರ್ಸ ಶೇ. ೨೭ದಾತ್ ಕೊರತೆಯಾದಿತ್ತುದ್ ಕೀಟ-ರೋಗ ಹಾವಳಿ ಹೆಚ್ಚಾತುಂಡ್.. ತೆಂಗು ಕಪ್ಪು ತಲೆ ಹುಳ ಪತ್ತೆಯಾದಿತ್ತುದ್ ನಿಯಂತ್ರಣ ಕ್ರಮ ದೆತೊಂದೆರ್.. ಬುಳೆತ್ತ ನಿರ್ವಹಣೆ, ಉತ್ಪಾದಕತೆ ಮಿತ್ತ್ ದೀರ್ಘಾವಧಿ ಪರಿಣಾಮ ಆಪುಂಡ್..
ರೈತೆರೆಡ ತಿಳುವಳಿಕೆ ಪುಟ್ಟಾಯಿಜಿಡ ಪರಿಣಾಮ ತೀವ್ರ ಆಪುಂಡ್..ಬಜ್ಜಾಯಿ ಬೇಗ ಪರುಂದ್ ಆದ್ , ಉದುರೊಂದುಂಡ್., ಪಂಡಿನ ಕ್ಷಮಾ ಪಾಟೀಲ್, ಬರ್ಸ ಕಡಿಮೆ ಆಯಿನೆಡ್ದಾವರ ಅಂತರ್ಜಲ ಮರುಪೂರಣ ಕಡಿಮೆಯಾತುಂಡ್., ಆವಿ ಹೆಚ್ಚಾವೊಂದುಂಡ್ ಇಂಚಾದ್ ನೀರುದ ಮಿತ ವ್ಯಯ ಅತಿ ಮುಖ್ಯ ಪಂಡೆರು.
ಬ್ರಹ್ಮಾವರ ವಲಯ ಕೃಷಿ ಬೊಕ್ಕ ತೋಟಗಾರಿಕೆ ಸಂಶೋಧನ ಕೇಂದ್ರದ ತಾಂತ್ರಿಕ ಅಧಿಕಾರಿ ಕೆ. ಎಂ. ಪ್ರವೀಣ್ ಪಾತೆರ್ದ್, ೨೦೨೭ರ ಜನವರಿ-ಫೆಬ್ರವರಿ ಮುಟ್ಟ ವಾಡಿಕೆಡ್ದ್ ಕಡಿಮೆ ಬರ್ಸ ಆಪುಂಡ್. ಕಡಲುಧ ಮಿತ್ತ್ ತಾಪಮಾನ ಹೆಚ್ಚಳವಾದುಂಡ್.. ನೀರುದ ಮಿತ ಬಳಕೆ, ಮಲ್ಚಿಂಗ್(ಹೊದಿಕೆ) ಅಂತರ್ ಬೆಳೆ ಮುಖ್ಯವಾದುಂಡ್ ಪಂಡುದು ಪಂಡೆರು.
ಹಿರಿಯ ಸಹಾಯಕ ತೋಟಗಾರಿಕಾ ನಿರ್ದೇಶಕ ಹೇಮಂತ್ ಕುಮಾರ್ ಎಲ್. ಪಾತೆರ್ದ್ , ತುಂತುರು/ಹನಿ ನೀರಾವರಿ ಪದ್ಧತಿ ಅಳವಡಿಕೆಗ್ ಪ್ರಧಾನಿ ಕೃಷಿ ಸಿಂಚಯಿ ಯೋಜನೆಯಡಿ ಶೇ. ೯೦ರಷ್ಟು ಸಹಾಯಧನ ಲಭ್ಯವುಂಡ್.. ಎಲ್ ನಿನೋ ಹಿನ್ನೆಲೆಡ್ ಜನವರಿಡ್ದೇ ನೀರುದ ಅಭಾವದ ಅಪಾಯವುಂಡ್. ಮಣ್ಣ ರಸಸಾರ ನಿರ್ವಹಣೆ ಸವಾಲಾದಿತ್ತುದ್ ಮಣ್ಣು ಪರೀಕ್ಷೆ ಮಲ್ತುದ್, ಪೋಷಕಾಂಶ ಕೊರೊಡ್ ಪಂಡೆರು.
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅ ಕಡ್ಡಾಯಧ್ಯಕ್ಷ ಸುಬ್ರಹ್ಮಣ್ಯ ಭಟ್ ಅಧ್ಯಕ್ಷತೆಡಿತ್ತೆರು. ವಾರ್ತಾಧಿಕಾರಿ ಮಂಜುನಾಥ್, ಉಡುಪಿ ಪತ್ರಿಕಾ ಭವನ ಸಮಿತಿ ಸಹ ಸಂಚಾಲಕ ಗಣೇಶ್ ಕಲ್ಯಾಣಪುರ, ಸಹಾಯಕ ತೋಟಗಾರಿಕಾ ನಿರ್ದೇಶಕ ನೀಶ್ ಹೊಳ್ಳ ಉಪಸ್ಥಿತರಿತ್ತೆರು. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತೆರು. ಪುಂಡಲೀಕ ಮರಾಠೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.


















by