ತುಳುವ ಮಹಾಸಭೆ ಇಟಲಿ ಘಟಕ

ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಇಟಲಿ ಘಟಕದ ಅಧ್ಯಕ್ಷೆರಾದ್  ಕೌಡೂರು ನಾರಾಯಣ ಶೆಟ್ಟಿ ನೇಮಕ

ಕಟೀಲ್, ಜುಲೈ 8: 2028ಡ್  ಶತಮಾನೋತ್ಸವನ್ ಆಚರಣೆ ಮಲ್ಪರೆಗುಪ್ಪುನ ಐತಿಹಾಸಿಕ ತುಳುವ ಮಹಾಸಭೆತ ಜಾಗತಿಕ ಸಂಘಟನೆಯಾಯಿನ ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ದ ಇಟಲಿ ಘಟಕದ ಅಧ್ಯಕ್ಷೆರಾದ್ ಹಿರಿಯ ಯಕ್ಷಗಾನ ಕಲಾವಿದ, ಸಾಹಿತ್ಯಾಸಕ್ತ, ಸಮಾಜಸೇವಕ ಬೊಕ್ಕ ಅಂತರರಾಷ್ಟ್ರೀಯ ಮಟ್ಟದ ಔಷಧೋದ್ಯಮ ತಜ್ಞ ಶ್ರೀ ಕೌಡೂರು ನಾರಾಯಣ ಶೆಟ್ಟಿ ಅರೆನ್ ನೇಮಕ ಮಲ್ದುಂಡ್..

ಉಡುಪಿ ಜಿಲ್ಲೆದ  ಕಾರ್ಕಳ ತಾಲೂಕುದ ಕೌಡೂರು ಗ್ರಾಮದ ಕೃಷಿಕ ಕುಟುಂಬಡ್  ಪುಟ್ಟುದ್  ಕೌಡೂರು ನಾರಾಯಣ ಶೆಟ್ಟಿ ಕಾರ್ಕಳದ ಶ್ರೀ ಭುವನೇಂದ್ರ ಕಾಲೇಜಿಡ್ ವಿಜ್ಞಾನ ಪದವಿ ಪಡೆತುದೆರ್.. ವಿದ್ಯಾರ್ಥಿ ಜೀವನಡ್ ಎನ್.ಸಿ.ಸಿ.ಯ ಸಕ್ರಿಯ ಸದಸ್ಯೆರಾದಿತ್ತಿನ  ಆರು, 1978ರ ದೆಹಲಿದ ಗಣರಾಜ್ಯೋತ್ಸವ ಪೆರೇಡ್‌ ಡ್  ಪಾಲ್ ಪಡೆದೆರ್.. ಕಾಲೇಜಿದ ಯಕ್ಷಗಾನ ತರಬೇತಿ ಕೇಂದ್ರದ ಕಾರ್ಯದರ್ಶಿಯಾದ್ , ನಾಟಕಲೆಡ್ ಅಭಿನಯ ಮಲ್ತುದ್ ಅತ್ಯುತ್ತಮ ನಟ ಪ್ರಶಸ್ತಿನ್  ಪಡೆದೆರ್.ನಿರಂತರ ಸಮಾಜಸೇವೆಡ್ ತೊಡಗಿಸಾವೊಂದಿನ ಮೆರೆನ ತುಳುವ ಮಹಾಸಭೆ ಇಟಲಿ ಘಟಕದ ಅಧ್ಯಕ್ಷೆರಾದ್ ಆಯ್ಕೆ ಮಲ್ದೆರ್.