ಕೊಡವೂರು ಬ್ರಹ್ಮ ಕಲಶ ಪೂರ್ವ ಭಾವಿ

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಬ್ರಹ್ಮಕಲಶ ಪೂರ್ವಭಾವಿ ಸಭೆ 26.07.2026 ಐತಾರದಾನಿ ಶ್ರೀ ದೇವಳದ ವಸಂತ ಮಂಟಪಡ್ ದೇವಳದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಪ್ರಕಾಶ್ ಜಿ ಕೊಡವೂರು ನೇತ್ರತ್ವಡ್  ಕೊಡವೂರು ಗ್ರಾಮಸ್ಥೆರೆನ ಸಭೆ ನಡತುಂಡ್.


ಜನವರಿಡ್  ನಡಪುನ ಬ್ರಹ್ಮಕಲಶೋತ್ಸವ,  ರಂಗ ಪೂಜೆ ಉತ್ಸವಾದಿ ಕಾರ್ಯಕ್ರಮದ ಬಗ್ಗೆ ಸಭೆಕ್ ಮಾಹಿತಿ  ಕೊರಿಯೆರ್..

ರಾಘವೇಂದ್ರ ಗುರುಸ್ವಾಮಿಲೆನ ಆರಾಧನಾ ಮಹೋತ್ಸವ,  ನವರಾತ್ರಿ ಉತ್ಸವ,  ಕದಿರು ಕಟ್ಟುನ್  ಇಂಚ ಬೇತೆ ಬೇತೆ ವಿಷಯದ ಬಗ್ಗೆ ಪ್ರಸ್ತಾಪನೆ ನಡತುಂಡ್..

ಬೈದಿನ ಕೆಲವ್  ಭಕ್ತಾದಿಲು ತಮ್ಮ  ಸಲಹೆ, ಸೂಚನೆಲೆನ್ ಕೊರಿಯೆರು.

ದೇವಳದ ತೀರ್ಥಮಂಟಪ ಜೀರ್ಣೋದ್ದಾರದ ಬಗ್ಗೆ ಚರ್ಚೆ ಮಲ್ತುದ್, ತಂತ್ರಿಲೆನ  ಮುಖೇನ ಪ್ರಾರ್ಥನೆ ಮಲ್ತುದ್ ಪ್ರಸಾದ  ದೆತ್ತುದ್  ಕೆಲಸ ಪ್ರಾರಂಭ ಮಲ್ಪುನ್ ಪಂಡುದ್   ನಿರ್ಣಯ ಮಲ್ತೆರ್..

ದೇವಳದ ಸಮುದಾಯ ಭವನದ ಕಾಮಗಾರಿ ಬಗ್ಗೆ ಮಾಹಿತಿ ಕೊರ್ಊ, ಭಕ್ತಾಧಿಲೆಡ  ದೇಣಿಗೆನ್ ನಿರೀಕ್ಷೆ ಮಲ್ತೆರ್..

ಇಲ್ಲ ಇಲ್ಲಗ್  ಲೆಪ್ಪೋಲೆ  ಕೊರ್ಪಿನಿ  ಬೊಕ್ಕ ಸಮಿತಿಲೆನ್ ರಚನೆ ಮಲ್ತುದ್  ಜವಾಬ್ಧಾರಿನ್ ವಹಿಸಾದ್ ಕೊರ್ಪಿನಿ, ಖರ್ಚು ವೆಚ್ಚದ  ಬಜೆಟ್ ನ್  ತಯಾರ್ ಮಲ್ತುದ್  ದುಂಬು ದ  ಸಭೆಟ್ ಮಲ್ಪುನ್ ಪಂಡುದ್ ನಿರ್ಣಯ ಮಲ್ತೆರ್..

ಈ ಸಂದರ್ಭಡ್  ವ್ಯವಸ್ಥಾಪನ ಸಮಿತಿದ ಸದಸ್ಯೆರು, ಗ್ರಾಮಸ್ಥೆರು ಉಪಸ್ಥಿತರಿತ್ತೆರು.

ಸೇವಾ ಸಮಿತಿದ ಕಾರ್ಯದರ್ಶಿ ಜನಾರ್ದನ್ ಕೊಡವೂರು ಸ್ವಾಗತ ಮಲ್ತುದ್, ಕೋಶಾಧಿಕಾರಿ ಬಾಲಕೃಷ್ಣ ಕೊಡವೂರು ವಂದಿಸಾಯೆರು.