ಕಾರ್ಗಿಲ್ ವಿಜಯ್ ದಿವಸ್ ಒಂಜಿ ನೆಂಪು..

ಕಾರ್ಗಿಲ್ ವಿಜಯ್ ದಿವಸ್ ಒಂದು ನೆನಪು.

24 ವರ್ಷದ ಪಿರಾವುಡ್ ಭಯೋತ್ಪಾದಕೆರೆನ ನೆರವು ಪಡೆತುದು ಕಾಶ್ಮೀರನ್ ಕಬಳಿಸಾವರೆಗ್ ಪಿದಾಡಿನ ಪಾಕಿಸ್ತಾನದ ಸಂಚುನ್ ನುಚ್ಚುನೂರು ಮಲ್ತಿನ ಭಾರತದ ಪೆರ್ಮೆದ ವೀರಜೋಕುಲು, ತ್ಯಾಗ, ಬಲಿದಾನ ಮಲ್ತುದ್, ವೀರಾವೇಸೊಡ್ ಪೊರಂಬಾಟ ಮಲ್ತುದ್ ಭಾರತೀಯರೆನ್ ರಕ್ಸಣೆ ಮಲ್ತೆರ್. ಅಂಚಿನ ಯೋಧೆರೆಗ್ ನಮನ ಸಲ್ಲಿಸಾವರೆಗ್ ಜುಲೈ 26 ನ್ “ಕಾರ್ಗಿಲ್ ದಿನ” ಪಂಡುದ್ ಆಚರಣೆ ಮಲ್ಪುವಾ.

ಕಾರ್ಗಿಲ್ ಡ್ ಆನಿ -48° ದಿನಮುಟ್ಟಲಾ , ಒರೊರ ಶೈತ್ಯೊನ್ ತಲುಪುನ ಚಳಿತ್ತ ಪೊರ್ತು.ಗನ್ನುಲು, ಗ್ರೇನೈಡ್ ಲೆನ, ವಿಮಾನನ್ ಪುಡತುದ್ ಉರುಳಿಸಾವುನ ಅತ್ಯಾದುನಿಕ ಆಯುಧದೊಟ್ಟುಗ್ ಪಾಕಿಸ್ತಾನಿ ಸೈನಿಕೆರು ಉಲಾಯಿನುಗ್ಗುನವ್ವೆನ್ ನಮ್ಮ ಸೇನೆದ ಗಮನಗ್ ಬತ್ತಿಕೂಡ್ಲೇ , ವಾಜಪೇಯಿ ಸರಕಾರ “ಆಪರೇಷನ್ ವಿಜಯ್” ಕಾರ್ಯಾಚರಣೆ ಸುರು ಮಲ್ರುಂಡ್. .

ಜೂನ್ 7,1999ದಾನಿ ಪ್ರಧಾನಿ ವಾಜಪೇಯಿ ರಾಷ್ಟೊನ್ ಉದ್ದೇಸಿಸಾದ್ ಪಾತೆರಿನ ಐತಿಹಾಸಿಕ ಭಾಷಣ – “ನಮ್ಮ ಸೇನಾಪಡೆಕುಲೆನ ಮಿತ್ತ್ ಎಂಕ್ ಸಂಪೂರ್ಣ ವಿಶ್ವಾಸ ಉಂಡು. ನಮ್ಮ ಸೈನಿಕೆರ್ ಈ ಕಾರ್ಯಾಚರಣೆಡ್ ಯಶಶ್ವಿಯಾದ್ , ನನ ದುಂಬುಗುಲಾ ಬೇತೆ ಏರ್ಲಾ ಇಂಚಿನ ದುಸ್ಸಾಹಗ್ ಜಪ್ಪಂದಿಲೆಕ್ಕ ಮಲ್ಪುವೆರ್.” ಪಾತೆರೊಗ್ ಪ್ರೇರೇಪಿತವಾಯಿನ ನಮ್ಮ ಸೈನಿಕೆರು, ಪಾಕಿಸ್ತಾನ ಸೈನಿಕೆರೆನ್ ನುಚ್ಚುನೂರು ಮಲ್ತುದ್ , ಪಾಕಿಸ್ತಾನ ಅಮೇರಿಕಾ ಅಧ್ಯಕ್ಷನ ಕಾಲು ಪತ್ತುನಡೆಮುಟ್ಟ ತಲುಪುಂಡ್.

ಅಂದ್, ಈ ಹೋರಾಟ ಪಾಕಿಸ್ತಾನದ ವಿರುದ್ಧ 4ನೇ ನೇರ, ಸಶಸ್ತ್ರ ಸಂಘರ್ಷವಾದಿತ್ತುಂಡ್. ನಮ್ಮ ಯೋಧೆರ್ ಗಡಿಟ್ ಟೊಂಕ ಕಟ್ಟಿಯೆರು. -15° ಕೊರೆಯುನ ಚಳಿಟ್, 16000 ಅಡಿ ಎತ್ತರದ ಯುದ್ಧ ಭೂಮಿಡ್ ಮೆರೆದಾಡಿಯೆರು. ಶತ್ರುಲೆನ ರುಂಡ ಚೆಂಡಾಡಿಯೆರು. ವಾಯುಸೇನೆ ಆಪರೇಷನ್ ಸಫದ್ ಸಾಗರ್ ಮೂಲಕ ಬೆರಿಬಲ ಕೊರೊಂದ್, ಉಗ್ರೆರು ಬೊಕ್ಕ ಪಾಕ್ ಸೈನಿಕೆರೆನ ಮಿತ್ತ್ ಬಾಂಬ್ ಸುರಿಮಳೆ ಮಲ್ತೊಂದಿತ್ತುಂಡ ಸೈನಿಕೆರು ತಿರ್ತ್ ವಿರಾವೇಶಡ್ ಪೊರುಂಬಿಯೆರು.

ಈ ಯುದ್ಧದ ವಿಶೇಷ ಪಂಡ ಭಾರತ ನಮ್ಮ ನೆಲೊಟೇ ಹೋರಾಟ ಮಲ್ದಿತ್ತುಂಡ್, ಬುಡ್ದ್ ಗಡಿ ನಿಯಂತ್ರಣ ರೇಖೆ ದಾಟುದ್ ಪೋತುಜಿ. ಅಂತಾರಾಷ್ಟ್ರೀಯ ಒಪ್ಪಂದೊಗ್ ಮಾನ್ಯತೆ ಕೊರ್ತುಂಡ್. ಅಂಚಾದ್ ರಾಜತಾಂತ್ರಿಕ ಹೋರಾಟಡ್ ಭಾರತ ಮೇಲುಗೈ ಸಾಧಿಸಾದಿತ್ತುಂಡ್. ಅಪಗ ನಮ್ಮ ಯೋಧೆರು ಶೇ 82 ಭಾಗೊನ್ ಪಿರ ಪಡೆದೆರ್.

ಜುಲೈ 26 ಗ್ ಕಾರ್ಗಿಲ್ ದ ಕಡೇತ್ತ ಠಾಣೆನ್ ಭಾರತೀಯ ಸೇನೆ ವಶಪಡಿಸಾವೊಂದ್ ಗೇಲು ಸಾಧಿಸಾದುಂಡ್. ಉಂದುವೇ “ಕಾರ್ಗಿಲ್ ವಿಜಯ್ ದಿವಸ್”.

ಭಾರತ ಯುದ್ಧಕಲೊಟ್ ಗೆಂದುದ್ ಸಾದಿಸಾದ್ ತನ್ನ ಸೇನಾ ತಾಕತ್ತು ಇಡೀ ವಿಶ್ವಗ್ ತೋಜಾದುಂಡ್. ಆಂಡ ಆತು ಪೊರ್ತುಗ್ ನಮ್ಮ 527 ಜನ ವೀರಜೋಕುಲೆನ್ ಕಳೆಯೊಂದುಂಡ್.

ಈ ದಿನ (ಜುಲೈ 26) ಹುತಾತ್ಮ ವೀರರೆನ್ ಸ್ಮರಣೆ ಮಲ್ತೊಂದುಂಡ್. ಅಂಚಿತ್ತಿನ ನಮ್ಮ ಯೋಧೆರೆಗ್ ಸಲಾಂ ಪನ್ಕಾ…