ಪಾವಂಜೆ ಮೇಳದ 5 ನೇ ವರ್ಷದ ತಿರ್ಗಾಟ ಸುರು

ಹಳೆಯಂಗಡಿ: “ಯಕ್ಷಧ್ರುವ” ಪಟ್ಲ ಸತೀಶ್ ಶೆಟ್ಟಿ ಸಾರಥ್ಯದ ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಯಕ್ಷಗಾನ ಮೇಳ ದ ಯಶಸ್ವಿ 5 ನೇ ವರ್ಷದ ತಿರುಗಾಟೊಗು ಬುಧವಾರ ಬಯ್ಯಡ್ ಶ್ರೀ ಕ್ಷೇತ್ರಡ್ ಚಾಲನೆ ತಿಕ್ ದ್ಂಡ್.
ಶ್ರೀ ಸುಬ್ರಹ್ಮಣ್ಯ ದೇವೆರ್ನ ನಡೆಟ್ಟ್ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಶಶೀಂದ್ರ ಕುಮಾರ್,ಧರ್ಮದರ್ಶಿ ಡಾ.ಯಾಜಿ ನಿರಂಜನ ಭಟ್ ಕಲಾವಿದೆರೆಗ್ ಗೆಜ್ಜೆ ಕೊರಿಯೆರ್.ಪ್ರಾರ್ಥನೆ ಮಲ್ತ್ ದ್ ಮಹಾಪೂಜೆ ಆದ್ ಮೇಳ ಚೌಕಿಗ್ ಪೋದು ಅವುಲು ಪೂಜೆ ನಡತ್ಂಡ್.
ಅಯಿರ್ದ್ ಬೊಕ್ಕ ಶ್ರೀ ಕ್ಷೇತ್ರದ ಅಂಗಣೊಡು ಪಾಡ್ದಿನ ರಂಗಸ್ಥಳೊಗು ದೇವೆರ್ ಬತ್ತ್ ದ್ ಪೂರ್ವರಂಗ ಪ್ರಸ್ತುತಿ ಆದ್ ಪಾಂಡವಾಶ್ವಮೇಧ ಯಕ್ಷಗಾನ ಪ್ರದರ್ಶನ ಆಂಡ್.
ಈ ಪೊರ್ತುಡು ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಶಶೀಂದ್ರ ಕುಮಾರ್,ಧರ್ಮದರ್ಶಿ ಡಾ.ಯಾಜಿ ನಿರಂಜನ ಭಟ್, ಭಾಗವತೆರ್ ಪಟ್ಲ ಸತೀಶ್ ಶೆಟ್ಟಿ, ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಪಟ್ಲ ಮಹಾಬಲ ಶೆಟ್ಟಿ, ಅಶ್ವಿತ್ ಶೆಟ್ಟಿ ತುಳುನಾಡ್, ಮೇಳದ ಮ್ಯಾನೇಜರ್ ಮಾಧವ ಬಂಗೇರ ಕೊಳತ್ತಮಜಲು ಬೊಕ್ಕ ಸರ್ವ ಕಲಾವಿದೆರ್,ಸೇವಾರ್ಥಿಲು, ಕಲಾಭಿಮಾನಿಲು ಇತ್ತೆರ್. ಅಯಿರ್ದ್ ಬೊಕ್ಕ ಉತ್ತರಾಭಿಮುಖವಾದ್ ಒಡಿಪುಗು ಮೇಳ ಪಿದಾಡ್ಂಡ್.