ಪೊರಂಬಾಟಗ್ ನಿರ್ಧಾರ ಮಲ್ತಿನ ಶ್ರೀರಾಮಸೇನೆ..

.

ಉಡುಪಿದ ಖಾಸಗಿ ಕಾಲೇಜ್ ಡ್ ವಿದ್ಯಾರ್ಥಿನಿಲೆನ ಖಾಸಗಿ ವಿಡಿಯೋ ವೈರಲ್ ಮಲ್ತಿನ ವಿದ್ಯಾರ್ಥಿಲೆಗ್ ಕಾನೂನು ರೀತಿಡ್ ತಕ್ಕ ಶಿಕ್ಷೆ ಆವೊಡ್. ಬೊಕ್ಕ ನೆಕ್ಕ್ ಕಾಲೇಜು ಆಡಳಿತ ಮಂಡಳಿ ತನ್ನನೇ ಆಯಿನ ಮುತುವರ್ಜಿ ದೆತೊಂದ್ ತಪ್ಪುಮಲ್ತಿನ ವಿದ್ಯಾರ್ಥಿನಿಯೆರೆನ ವಿರುದ್ಧ ದೂರು ದಾಖಲು ಮಲ್ತುದ್ ಕ್ರಮ ದೆತೊನೊಡ್. ದುಂಬುದ 7 ದಿನತ್ತುಲಾಯಿ ಕಾಲೇಜು ಉಂದೇಕ್ ಸ್ಪಂದಿಸಾಜಿಡ ರಾಜ್ಯದಾದ್ಯoತ ಶ್ರೀರಾಮಸೇನೆ ವತಿಡ್ದ್ ಹೋರಾಟ ಮಲ್ಪುವಾ ಪಂಡುದು ಶ್ರೀ ರಾಮ ಸೇನೆ ಉಡುಪಿ ಜಿಲ್ಲೆ ಸರಕಾರಗ್ ಎಚ್ಚರಿಕೆ ಕೊರ್ತುಂಡ್. ಹಿಂದೂ ಪೊಣ್ಣುಜೋಕುಲೆನ್ ಗುರಿ ದೀಯೋಂದ್ ವ್ಯವಸ್ಥಿತ ಫಿತೂರಿ ನಡಪಾವೊಂದುಪ್ಪುನವ್ ಸಹಿಸೊನರೆಗ್ ಸಾಧ್ಯ ಇಜ್ಜಿ.

ಉಂದೆಡ್ ದುಂಬುಲಾ ಹಿಜಾಬ್ ವಿಷಯೊಡ್ ಅನ್ಯದರ್ಮೀಯ ವಿದ್ಯರ್ಥಿನಿಲು ಕೋಮು ದ್ವೇಷದ ಜ್ವಾಲೆನ್ ಬಿತ್ತುದ್, ಉಡುಪಿ ಜಿಲ್ಲೆಗ್ ಅವಮಾನ ಮಲ್ಪುಲೆಕ್ಕ ಮಲ್ದಿನವ್ ನಗ್ನ ಸತ್ಯ.

ವಿದ್ಯಾರ್ಥಿನಿಯೆರೆನ ಟಾಯ್ಲೆಟ್ ಡ್ ಕ್ಯಾಮೆರಾ ದೀದ್ ವಿಡಿಯೋ ಮಲ್ತುದ್ ಸಾಮಾಜಿಕ ಜಾಲತಾಣಡ್ ವೈರಲ್ ಮಲ್ಪುನವ್ ಜಿಲ್ಲೆಡ್ ಸೌಹಾರ್ದತೆನ್ ಕೆಡಿಸಾವರೆಗ್ ಮಲ್ಪುನ ಹುನ್ನಾರ. ನೆಟ್ಟ್ ಪ್ರತ್ಯಕ್ಷ ಬೊಕ್ಕ ಪರೋಕ್ಷವಾದ್ ಭಾಗಿಯಾಯಿನಕ್ಲೆನ ಮಿಕತ್ತ್ ಕೂಡಲೇ ಸೂಕ್ತ ಕ್ರಮ ದೆತೊನೊಡ್, ಇಜ್ಜಾಂಡ ಶ್ರೀರಾಮಸೇನೆ ರಾಜ್ಯದಾಧ್ಯಂತ ಹೋರಾಟ ಮಲ್ಪುಂಡ್ ಪಂಡುದು ಉಡುಪಿ ಜಿಲ್ಲಾ ಶ್ರೀರಾಮಸೇನೆ ಸರಕಾರೊಗ್ ಎಚ್ಚರ ಮಲ್ದುಂಡ್.