ಮುತಾಲಿಕೆರೆನ್ ಗೆಂದಾವುನವ್ವೇ ನಮ್ಮ ಗುರಿ. ಶ್ರೀರಾಮಸೇನೆ ಉಡುಪಿ.

ಮುತಾಲಿಕೆರೆನ್ ಗೆಂದಾವುನವ್ವೇ ನಮ್ಮ ಗುರಿ. ಶ್ರೀರಾಮಸೇನೆ ಉಡುಪಿ.

ಹಿಂದುತ್ವಕ್ಕಾದ್ ತನ್ನ ಸರ್ವಸ್ವನೇ ತ್ಯಾಗ ಮಲ್ದಿನ ಶ್ರೀ ಪ್ರಮೋದ್ ಮುತಾಲಿಕ್ ಮೇರು ಕಾರ್ಕಳಡ್ ವಿಧಾನಸಭಾ ಚುನಾವಣೆಗ್ ಸ್ಪರ್ಧೆ ಮಲ್ಪುನವ್ವ್ ನಮಕ್ ಮಾತಾ ಬಾರೀ ಸಂತೋಷದ ವಿಷಯ.
ಅಯಿಟುಲಾ ಧರ್ಮೋದ್ಧಾರಕ ಶ್ರೀಕೃಷ್ಣನ ನಾಡಾಯಿನ ಉಡುಪಿಅ ಕೈತಲುದ ಕ್ಷೇತ್ರವಾಯಿನ ಕಾರ್ಕಳಡ್ ಕಲೊಕ್ ಜತ್ತಿನವ್
ಶ್ರೀ ಕೃಷ್ಣನ ಅಭಯನೇ ಅತ್ತಾವಂದೆ ಬೇತೆ ದಾಲಾ ಅತ್ತ್. ಮುತಾಲಿಕೆರ್ ಕಾರ್ಕಳಡ್ ಸ್ಪರ್ಧೆನ್ ಖಚಿತ ಮಲ್ತಿನೇಡ್ ಬೊಕ್ಕ ಉಡುಪಿ ಜಿಲ್ಲಾ ಶ್ರೀರಾಮ ಸೇನೆ ಅರೆನ ಪಿರಾವುಡ್ ಉಂಡು. ನಮಕ್ ವ್ಯಕ್ತಿ, ಪಕ್ಷಡ್ದುಲಾ ಹಿಂದುತ್ವನೇ ಮುಖ್ಯ ಪನ್ಪಿನ ಆಧಾರಡ್ ಹಿಂದುತ್ವದ ಪ್ರಬಲ ನಾಯಕನ್ ವಿಧಾನಸಭೆಗ್ ಕಡಪುನವ್ ಖಚಿತ. ನಮ್ಮ ಕಾರ್ಯಕರ್ತೆರು, ಮುತಾಲಿಕ್ ಜಿ ಅಭಿಮಾನಿಲು, ಸರ್ವ ಹಿಂದೂ ಅಭಿಮಾನಿಲೆಗ್ ಒವ್ವೇ ಸಂಶಯ ಬೊಡ್ಚಿ.
ಕಾರ್ಕಳಡ್ ಮುತಾಲಿಕೆರೆನ ಸಂಘಟನಾ ಕಾರ್ಯಾಲಯ ಪಾಂಚಜನ್ಯ ಉದ್ಘಾಟನೆ ಆತುಂಡ್. ಈ ಕಜ್ಜೊಡ್ 150ಗ್ ಲಾ ಜಾಸ್ತಿ ಉಡುಪಿದ ಶ್ರೀರಾಮ ಸೇನೆದ ಕಾರ್ಯಕರ್ತೆರು ಪಾಲ್ ಪಡೆದಿನವ್ ಉಂದೆಕ್ ಸಾಕ್ಷಿಯಾದುಂಡ್. ಆತೇ ಅತ್ತಾವಂದೆ ರಾಜ್ಯದ 22 ಜಿಲ್ಲೆದ ಶ್ರೀರಾಮಸೇನೆದ ಜಿಲ್ಲಾಪದಾಧಿಕಾರಿಲು ಬೊಕ್ಕ ಕಾರ್ಯಕರ್ತೆರು ಪಾಲ್ ಪಡೆದಿನವ್ ವಿಶೇಷವಾದುಂಡ್. ಅವ್ ಅತ್ತಾವಂದೆ ಸುಮಾರು ನೂದೆಕುಲಾ ಜಾಸ್ತಿ ಕಾರ್ಯಕರ್ತೆರು ರಾಜ್ಯೊಡ್ ಪೂರ್ಣವಾದಿಯಾದ್ ಬೆನರೆಗ್ ಇತ್ತೆನೇ ಬೂಡು ಬುಡ್ತೆರ್. ಉಡುಪಿ ಜಿಲ್ಲಾ ಕಾರ್ಯಕರ್ತೆರು ದುಂಬುದ ಕೆಲವೇ ದಿನೊಡಿಂಚಿ ಬೂತ್ ಮಟ್ಟೊಡ್ ಪ್ರಚಾರೊನ್ ಮಲ್ಪರೆಗುಲ್ಲೆರ್. ಒರಿ ಪ್ರಖರ ಹಿಂದೂ ಸಂಘಟನೆದ ರಾಷ್ಟ್ರೀಯ ಅಧ್ಯಕ್ಷೆರು ನಮ್ಮವೇ ಕೈತಲುದ ಕಾರ್ಕಳ ಕ್ಷೇತ್ರೊಡ್ ಕಲೊಕ್ ಜತ್ತಿನವ್ ಉಡುಪಿ ಜಿಲ್ಲೆಗೇ ಪೆರ್ಮೆದ ವಿಷಯ. ಅಂಚಾದ್ ಕಾರ್ಕಳ ಕ್ಷೇತ್ರದ ಅಪಾರ ಹಿಂದೂ ಅಭಿಮಾನಿಲು, ಬೇತೆ ಬೇತೆ ಸಂಘಟನೆದ/ ಪಕ್ಷೊಲೆನ ಕಾರ್ಯಕರ್ತೆರು ಬೊಕ್ಕ ಪದಾಧಿಕಾರಿಲು ಮುತಾಲಿಕ್ ರೆನ್ ಬೆಂಬಲ ಮಲ್ದಿನವ್ ಬಾರೀ ಸಂತೋಷದ ವಿಷಯ. ಮುತಾಲಿಕೆನ್ ಚುನಾವಣೆಡ್ ಗೆಂದಾದ್ ವಿಧಾನಸಭೆಗ್ ಭಗವಾದ್ವಜ ಮುಖೇನ ಕಡಪುಡುನವ್ ನಿಶ್ಚಿತ. ಕಾರ್ಯಕರ್ತರೆಡ್ ಒವ್ವೇ ಗೊಂದಲ ಬೊಡ್ಚಿ ಮುತಾಲಿಕ್ ಮೆರೆನ ಹಿಂದುತ್ವದ ಗೇಲು ನಿಶ್ಚಿತ ಪಂಡುದು ಶ್ರೀರಾಮಸೇನೆದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಜಯರಾಂ ಅಂಬೆಕಲ್ಲು ಬೊಕ್ಕ ಜಿಲ್ಲಾ ಪದಾಧಿಕಾರಿಲು ಪ್ರಕಟಣೆಡ್ ತೆರಿಪಾದೆರ್.…