ಅಂದು,ಉಂದು ಒಂಜಿ ಬಡ ವ್ರದ್ಧ ದಂಪತಿಲು ಒವ್ವೇ ಒಂಜಿ ಮೂಲಸೌಕರ್ಯ ಉಪ್ಪಂದೆ ಬದುಕು ಸಾಗಿಸಾವೊಂದುಪ್ಪುನ ಪರಿ..ಉಡುಪಿ ಜಿಲ್ಲೆದ ತೊಟ್ಟಂಡ್ ಕಡಲ್ದ ಬರಿಟ್ ಒಂಜಿ ಕಿನ್ನ ಗುಡಿಸಲುಡ್ ಬದುಕುದ ಕಡೇತ್ತ ದಿನೊನ್ ಗೆಂತೊಂದುಪ್ಪುನ ಪುಟ್ಟಯ್ಯ ದಂಪತಿಲು..75 ವರ್ಷ ಪ್ರಾಯದ ಪುಟ್ಟಯ್ಯ ಪನ್ಪಿನಾರ್ ಮಲ್ಪೆದ ಗ್ಯಾರೇಜ್ ಡ್ ಕೆಲಸ ಮಲ್ತೊಂದಿತ್ತೆರ್..ಅವ್ವೆಡ್ ಬೊಕ್ಕ ಕೈರಂಪಣಿಡ್ ತನ್ನ ಕುಲವ್ರತ್ತಿನ್ ಮಲ್ತೊಂದಿತ್ತೆರ್..ಶಾಂತ ಕೋಟ್ಯಾನ್ ಪನ್ಪಿನರೆನ್ ಮದಿಮೆ ಆಯಿನ ಮೇರು ಕೈರಂಪಣಿಡ್ ಕೆಲಸ ಮಲ್ತೊಂದ್ ಜೀವನ ನಡಪಾವೊಂದಿತ್ತೆರ್…ಮದಿಮೆ ಆದ್ ಕೆಲವು ವರ್ಷ ಆಂಡಲಾ ಈ ಬಡದಂಪತಿಲೆಗ್ ಜೋಕ್ಲೆನ ಭಾಗ್ಯನೇ ಇಜ್ಜಾಂದೆ ಪೋಂಡ್… ಕಾಲಕರಿಯೊಂದಿತ್ತಿಲೆಕ್ಕನೇ ಬದುಕು ಸಾಗಿಸಾವೊಂದಿತ್ತಿನ ಈ ದಂಪತಿಲು ತನ್ನ ಪಾಡುಗ್ ಕೂಲಿಕೆಲಸ ಮಲ್ತೊಂದ್ ಬಾಡಿಗೆದ ಇಲ್ಲಡ್ ವಾಸ ಮಲ್ತೊಂದಿತ್ತೆರ್..ಆಂಡ ವಿಧಿ ಮೊಕ್ಲೆನ ಬದುಕುಡ್ ಗೊಬ್ಬರೆಗ್ ಸುರು ಮಲ್ತುಂಡ್..ಕೂಲಿಕೆಲಸ ಮಲ್ತೊಂದಿತ್ತಿನ ಪುಟ್ಟಯ್ಯ ಮೆರೆಗ್ ಆರೋಗ್ಯದ ಸಮಸ್ಯೆ ಕಾಡರೆಗ್ ಸುರುವಾಂಡ್.ವಿಪರೀತವಾಯಿನ ಸಮಸ್ಯೆಡಾದ್ ಮೇರು ಹಾಸಿಗೆ ಪತ್ತೊಡಾಂಡ್…ಇಂಚ ಉಪ್ಪನಗ ಒಂಜಿ ಕಡೆ ಕೂಲಿ ಮಲ್ತೊಂದ್ ಇಲ್ಲದ ಬಾಡಿಗೆ ಕಟ್ಟೊಂದಿತ್ತಿನ ಮೊಕ್ಲೆಗ್ ಬಾಡಿಗೆ ಕಟ್ಟರೆಗುಲಾ ಬಂಗ ಆಂಡ್.ಅಂಚಾದ್ ಮೊಕುಲು ಬಾಡಿಗೆದ ಇಲ್ಲ್ ಬುಡುದ್ ಮಲ್ಪೆ ತೊಟ್ಟಂ ದ ಕಡಲಬರಿಟ್ ಒಂಜಿ ಕಿನ್ನ ಇಲ್ಲ್ ಮಲ್ತೊಂದ್ ಬದುಕರೆಗ್ ಸುರು ಮಲ್ತೆರ್.ಕರಿನ 8 ವರ್ಷಡಿಂಚಿ ಎಂಚಲಾ ಕೂಲಿ ಮಲ್ತೊಂದ್ ತನ್ನ ಕಂಡನನ್ ಸಾಂಕೊಂದಿತ್ತಿನ ಶಾಂತ ಕೋಟ್ಯಾನ್ ಮೇರುಲಾ ಕರಿನ 4 ವರ್ಷ ಡಿಂಚಿ ತನ್ನ ಅನಾರೋಗ್ಯದ ಕಾರಣಡಾದ್ ಕೆಲಸ ಮಲ್ಪರೆಗಾವಂದೆ ಇಲ್ಲಡೇ ಉಲ್ಲೆರ್..
ಮೊಕ್ಲೆನ ಈ ಕಿನ್ನ ಗುಡಿಸಲುಡ್ ಒವ್ವೇ ಮೂಲಸೌಕರ್ಯ ಇಜ್ಜಿ ..ಪಗೆಲುಡೇ ಇಲ್ಲದ ಉಲಾಯಿ ಕತ್ತಲೆ ಕತ್ತಲೆ ಉಪ್ಪುನ ಈ ಇಲ್ಲಡ್ ಸೂರ್ಯೆ ಕಂತುನಗನೇ ಸಂಪೂರ್ಣ ಕತ್ತಲೆ….
ಸ್ಥಳೀಯ ಜನಪ್ರತಿನಿಧಿಕುಲೆಡ ಪಂಡ ಕಡಲ್ದ ಬರಿಟ್ ಸಿಆರ್ ಜೆಡ್ ಜಾಗೆಡ್ ಇಲ್ಲ್ ಕಟ್ಟರೆಗ್ ಸರಕಾರದ ಪರ್ಮಿಷನ್ ಇಜ್ಜಿ ಪನ್ಪೆರ್..ಕರೆಂಟ್ ಲಾ ಪಾಡರೆಗಾಪುಜಿಗೆ..ನೀರುದ ವ್ಯವಸ್ಥೆಲಾ ಇಜ್ಜಿಗೆ..ಅಪಗಾಂಡ ಸರಕಾರೊಗ್ ತುಳುನಾಡಧ್ವನಿ ವಾಹಿನಿ ಕೇನುನಾ ಒಂಜೇ ಒಂಜಿ ಪ್ರಶ್ನೆ ಕಡಲ್ದ ಬರಿಟ್ ಬದುಕುದ ಕಡೇತ್ತ ದಿನೊಕ್ಲೆನ್ ಗೆಣುತೊಂದುಪ್ಪುನ ಆ ಬಡಜೀವೊಲೆಗ್ ಸರಕಾರ ದಾಲಾ ಮಲ್ಪರೆಗ್ ಸಾಧ್ಯನೇ ಇಜ್ಜಾ…ಅಪಗಾಂಡ ಅಕುಲು ಸೈಯ್ಯಮುಟ್ಟ ಅಂಚೆನೇ ಕತ್ತಲೆಡೇ ಸೈಯೊಡಾ….ಉಂದೆಕ್ ಕೈತಲುದ ಜನಪ್ರತಿನಿಧಿಕುಲು, ಈ ಕ್ಷೇತ್ರದ ಶಾಸಕೆರ್ ಉತ್ತರ ಕೊರೊಡಾಪುಂಡ್….ಒಂಜಿ ವೇಳೆ .ನಮ್ಮ ಪ್ರಶ್ನೆಗ್ ಸರಿಯಾಯಿನ ಉತ್ತರ ಕೊರ್ಜರಡಾ ….?
ಈ ಬಡದಂಪತಿಲೆಗ್ ಏರಾಂಡಲಾ ಸಹಾಯ ಮಲ್ಪರೆಗ್ ಮನಸ್ಸಿತ್ತಿನಕುಲು ದಯದೀದ್ ಈ ತಿರ್ತ್ ಡ್ ಕೊರ್ತಿನ ಅಕೌಂಟ್ ನಂಬರ್ ಗ್ ನಿಕುಲು ಧನಸಹಾಯ ಮಲ್ಪೊಲಿ..
*Shanta kotian
Ac no: 81970100002137
Bank Name: Bank of Baroda
Branch : thottam
Ifsc code : BARB0VJTHOT
by 