ಸ್ಕೌಟ್ಸ್ ಚಟುವಟಿಕೆಲೆಡ್ ಯೋಗ, ಪ್ರಾಣಾಯಾಮ ಬೊಕ್ಕ ಧ್ಯಾನನ್ ಸೇರ್ಪಡೆಮಲ್ಪುನ ಚಿಂತನೆ.~ ಪಿ ಜಿ ಆರ್ ಸಿಂದ್ಯಾ
ಉಡುಪಿ: ಸ್ಕೌಟ್ಸ್ ಚಟುವಟಿಕೆಲೆಡ್ ಯೋಗ, ಪ್ರಾಣಾಯಾಮ ಬೊಕ್ಕ ಧ್ಯಾನನ್ ಸೇರ್ಪಡೆಮಲ್ಪುನ ಚಿಂತನೆ ಉಂಡು.
ಅಯಿಟ್ ಜೋಕ್ಲೆನ ಜ್ಞಾಪನಾ ಸಾಮರ್ಥ್ಯಲಾ ವೃದ್ಧಿ ಆಪುಂಡ್ ಪಂಡುದು ಭಾರತ್ ಸ್ಕೌಟ್ಸ್ ಬೊಕ್ಕ ಗೈಡ್ಸ್ ರಾಜ್ಯ ಮುಖ್ಯ ಆಯುಕ್ತ ಪಿ.ಜಿ.ಆರ್. ಸಿಂಧ್ಯಾ ಪಂಡೆರು.
ಬೋರ್ಡ್ ಹೈಸ್ಕೂಲ್ ಡ್ ಜಿಲ್ಲಾಡಳಿತ, ಶಾಲಾ ಶಿಕ್ಷಣ ಇಲಾಖೆ (ಪದವಿಪೂರ್ವ) ಭಾರತ್ ಸೌಟ್ಸ್ ಬೊಕ್ಕ ಗೈಡ್ಸ್ ಸಂಯುಕ್ತಾಶ್ರಯಡ್ ಉಡುಪಿ ಜಿಲ್ಲೆದ ಸರ್ಕಾರಿ, ಅನುದಾನಿತ, ಅನುದಾನರಹಿತ ಪದವಿಪೂರ್ವ, ಪ್ರಥಮ ದರ್ಜೆ ಕಾಲೇಜುದ ಉಪನ್ಯಾಸಕ- ಬೊಕ್ಕ ಉಪನ್ಯಾಸಕಿಯೆರೆಗ್ ರೋವರಿಂಗ್ ಬೊಕ್ಕ ರೇಂಜರಿಂಗ್ ಪ್ರಾರಂಭಿಕ ಶಿಬಿರ ಉದ್ಘಾಟನೆ ಮಲ್ತ್ ಪಾತೆರಿಯೆರು.
ರೋವರ್ಸ್ ಬೊಕ್ಕ ರೇಂಜರ್ಸ್ಗ ಲೆಗ್ ಶಿಸ್ತು ಬೊಕ್ಕ ಸಮಯಪ್ರಜ್ಞೆ ಬಾರೀ ಮುಖ್ಯ. ಇಜ್ಜಿಡ ದೇಶದ ಪ್ರಗತಿ ಸಾಧ್ಯ ಇಜ್ಜಿ. ಕಮ್ಯುನಿಷ್ಟ್ ರಾಷ್ಟ್ರಲೆಡ್ ಜನಕುಲ್ ಶಿಸ್ತು ಬೊಕ್ಕ ಸಮಯಪ್ರಜ್ಞೆ ಅಳವಡಿಸಾವಂದಿನೆಡ್ದಾವರ ಆರ್ಥಿಕವಾದ್ ಪ್ರಬಲ ಆತೆರ್ ಪಂಡುದು ಪಂಡೆರು.
ಜಿಲ್ಲೆದ ಮಹಾನ್ ಮುತ್ಸದ್ದಿ ಡಾ. ವಿ.ಎಸ್. ಆಚಾರ್ಯ ಮೇರು ಭಾರತ್ ಸ್ಕೌಟ್ಸ್ ಆ್ಯಂಡ್ ಗೈಡ್ಸ್ ಸಂಸ್ಥೆಗ್ ಬಾರೀ ಕೊಡುಗೆ ಕೊರ್ತೆರ್. ಉನ್ನತ ಶಿಕ್ಷಣ ಸಚಿವರಾದಿತ್ತಿನ ಅವಧಿಡ್ ಮಾತಾ ಕಾಲೇಜುಲೆಡ್ ಭಾರತ್ ಸೌಟ್ಸ್ ಬೊಕ್ಕ ಗೈಡ್ಸ್ ಕಡ್ಡಾಯಮಲ್ದೆರು ಪಂಡುದು ಪಂಡೆರು.
ಜಿಲ್ಲಾ ಮುಖ್ಯ ಆಯುಕ್ತ ಜಯಕರ ಶೆಟ್ಟಿ ಇಂದ್ರಾಳಿ, ರಾಜ್ಯ ಸಂಟನಾ ಆಯುಕ್ತ ಎಂ. ಪ್ರಭಾಕರ ಭಟ್, ಡಿಡಿಪಿಯು ಮಾರುತಿ, ಪಪೂ ಪ್ರಾಂಶುಪಾಲರ ಸಂದ ಜಿಲ್ಲಾಧ್ಯಕ್ಷ ವರ್ಗೀಸ್ ಪಿ., ಜಿಲ್ಲಾ ಸ್ಕೌಟ್ಸ್ ಆಯುಕ್ತ ಜನಾರ್ದನ ಕೊಡವೂರು, ಗೈಡ್ಸ್ ಆಯುಕ್ತೆ ಜ್ಯೋತಿ ಪೈ, ಖಜಾಂಚಿ ಹರಿಪ್ರಸಾದ್ ರೈ, ಶಿಬಿರ ನಾಯಕ ಗುರುಮೂರ್ತಿ, ಜಿಲ್ಲಾ ಕಾರ್ಯದರ್ಶಿ ಆನಂದ್ ಅಡಿಗ, ರಾಜ್ಯ ಸಂಘಟನಾ ಸಹ ಕಾರ್ಯದರ್ಶಿ ಸುಮನ್ ಶೇಖರ್, ಕಾಲೇಜು ಪ್ರಾಂಶುಪಾಲೆ ಲೀಲಾವತಿ ಉಪಸ್ಥಿತರಿತ್ತೆರು.
ಉದಯ ಭಾಸ್ಕರ್ ಶೆಟ್ಟಿ ನಿರೂಪಣೆ ಮಲ್ತುದ್ . ಹರೀಶ್ ಧನ್ಯವಾದ ಮಲ್ತೆರು.
by 