“ಮೋಕೆದ ಮದಿಮಾಲ್”.ಈ ವರ್ಷದ ಪೊಸ ನಾಟಕ

ಶ್ರೀ ಜನಾರ್ಧನ ಬೊಕ್ಕ ಮಹಾಕಾಳಿ ದೇವೆರೆನ ಆಶೀರ್ವಾದದೊಟ್ಟುಗ್ ಕಲಾಚಾವಡಿ ಅಂಬಲಪಾಡಿ ಉಡುಪಿ ಮೊಕ್ಲೆನ ಈ ವರ್ಷದ ಪೊಸ ಕಲಾ ಕೊಡುಗೆಯಾದ್ “ಮೋಕೆದ ಮದಿಮಾಲ್” ತುಳು ಹಾಸ್ಯ ನಾಟಕ ಉಂದುವೇ ಬರ್ಪಿನ ಜುಲೈ 11 ತಾರೀಕುದಾನಿ ಸೋಮಾರ ಬೈಯಗ್ 5.30 ಗಂಟೆಗ್ ಶ್ರೀ ಲಕ್ಷ್ಮೀ ಜನಾರ್ಧನ ದೇವಸ್ಥಾನ ಅಂಬಲಪಾಡಿಡ್ ಆತ್ರಾಡಿ ವಿಶ್ವನಾಥ ಹೆಗ್ಡೆ ಮೆರೆನ ಸಾರಥ್ಯೊಡ್,ಕಲಾಚಾವಡಿದ ಗೌರವಾಧ್ಯಕ್ಷೆರಾಯಿನ ಎ.ಡಿ.ಶೆಟ್ಟಿ ಮೆರೆನ ಮುತಾಲಿಕೆಡ್ ಶುಭಮುಹೂರ್ತ ಆವರೆಗುಂಡ್.
ಕಲಾವೈಖರಿ,ಅಭಿನಯ ಸಾಮ್ರಾಟ್ ಪ್ರಭಾಕರ ಆಚಾರ್ಯ ಮೂಡುಬೆಳ್ಳೆ ಮೇರ್ ನಿರ್ದೇಶನ ಮಲ್ದಿನ ಈ
ನಾಟಕೊಗ್ ನವೀನ್ ಸಾಲ್ಯಾನ್ ಪಿತ್ರೋಡಿ ಮೇರ್ ಕಥೆ,ಸಂಭಾಷಣೆ ಬೊಕ್ಕ ಗೀತರಚನೆ ಮಲ್ದೆರ್.ರಂಗದ ಬೊಳ್ಳಿ ಸುನೀಲ್ ಕುಮಾರ್ ಅಂಬಲಪಾಡಿ ಸಂಪೂರ್ಣ ಸಹಕಾರ ಕೊರ್ತೆರ್.ಮಧುಕರ್ ಕಟಪಾಡಿ ಮೇರ್ ಸಂಗೀತ ಕೊರ್ತೆರ್.ಡಿ.ಕೆ.ಸೌಂಡ್ಸ್ ಗರಡಿಮಜಲು ಮೆರೆನ ಧ್ವನಿ ಬೊಲ್ಪು , ರೇವತಿ ಎನ್.ಶೆಟ್ಟಿ ಸಲಹೆ ಸಹಕಾರ ಕೊರ್ತೆರ್.