ರಂಗಚಟುವಟಿಕೆಡ್ದ್ ವಿದ್ಯಾರ್ಥಿಲೆನ ಆತ್ಮಸ್ಥೈರ್ಯ ಜಾಸ್ತಿ ಆಪುಂಡ್.
ಡಾ.ನಿ.ಬಿ.ವಿಜಯ ಬಲ್ಲಾಳ್.
ವಿದ್ಯೆನ್ ಪಂತೊ ,ಸವಾಲುದ. ನಡುಟ್ ಪಡೆಯೊಡಾಂಡ ಇನಿತ ದಿನೊಟ್ ಕಲಿಕೆಗ್ ಬೊಕ್ಕ ಬದುಕುಗ್ ಪೂರಕವಾಯಿನ ಆತ್ಮಸ್ಥೈರ್ಯದಂಚಿನ ಮಸ್ತ್ ಪೂರಕ ಅಂಶೊಲ್ ರಂಗಚಟುವಟಿಕೆಡ್ದ್ ಜಾಸ್ತಿ ಆಪುಂಡ್ ಪಂಡುದ್ ಅಂಬಲಪಾಡಿ ಜನಾರ್ಧನ ಮಹಕಾಳಿ ದೇವಳದ ಧರ್ಮದರ್ಶಿ ಡಾ.ನಿ.ಬಿ.ವಿಜಯ ಬಲ್ಲಾಳ್ ಮೇರ್ ಪಂಡೆರ್. .ಶ್ರೀಯತೆರು ಕರ್ನಾಟಕ ನಾಟಕ ಅಕಾಡೆಮಿ ,ಬೆಂಗಳೂರು, ಸಾರ್ವಜನಿಕ ಶಿಕ್ಷಣ ಇಲಾಖೆ,ಉಡುಪಿ ಜಿಲ್ಲೆ,ಬೊಕ್ಕ ಸುಮನಸಾ ಕೊಡವೂರು-ಉಡುಪಿ ಆಯೋಜನೆ ಮಲ್ದಿನ ಪ್ರೌಢ ಶಾಲಾ ವಿದ್ಯಾರ್ಥಿಲೆಗ್ ಉಡುಪಿ ಜಿಲ್ಲಾ ಮಟ್ಟದ ನಾಟಕ ಪಂತೊದ ಉದಿಪನ ಮಲ್ತುದ್ ತರುಣಾವಸ್ಥೆದ ವಿದ್ಯಾರ್ಥಿಲು ಸಕರಾತ್ಮಕ ಗುಣನ್ ಬುಲೆಪಾವರೆಗ್ ಬೊಕ್ಕ ಆದರ್ಶ ವಿದ್ಯಾರ್ಥಿನ ಅವಕಾಶೊಲೆನ್ ಸದುಪಯೋಗ ಮಲ್ತೊನರೆಗ್ ನಾಟಕೊಲ್ ಮಲ್ಪುಂಡ್..ಎಡ್ಡೆ ಸಂಸ್ಕಾರದೊಟ್ಟುಗ್ ಭೌತಿಕ ,ಮಾನಸಿಕ ಸದೃಢತೆಗುಲಾ ಕಾರಣ ಆಪುಂಡ್.ಈ ನಾಟಕ ಪಂತೊದ ಆಯೋಜನೆಗ್ ನಾಟಕ ಅಕಾಡೆಮಿ ಸದಸ್ಯೆರಾಯಿನ ಪ್ರದೀಪ್‌ಚಂದ್ರ ಕುತ್ಪಾಡಿ ಮೆರೆನ ವಿಶೇಷ ಪಾತ್ರೊಗ್ ಅಭಿನಂದನೆ .ಬೊಕ್ಕ ಸ್ಪರ್ಧಾಕೂಟಗ್ ಸಂಪೂರ್ಣ ಸಹಯೋಗ ಕೊರ್ತಿನ ಪುಗಾರ್ತೆದ ರಂಗತಂಡ ಸುಮನಸಾ ಕೊಡವೂರು ಬಳಗಗ್ ಅಂಬಲಪಾಡಿ ಅಪ್ಪೆನ ಸಾನಿಧ್ಯಡ್ ಸಾಂಸ್ಕೃತಿಕ ಕಾರ್ಯಕ್ರಮಗ್ ಅವಕಾಶ ಕೊರ್ಪುಂಡ್ ಪಂಡುದು ಸ್ಪರ್ಧಾ ಕೂಟಗ್ ಮೆಚ್ಚುಗೆ ಪಂಡೆರ್..
ಕಾರ್ಯಕ್ರಮದ ಅಧ್ಯಕ್ಷತೆನ್ ವಹಿಸಾದಿತ್ತಿನ ಉದ್ಯಮಿ ಶೇಖರ್ ಕೋಟ್ಯಾನ್‌ ಮೇರ್ ಸ್ಪರ್ಧಾ ಚಟುವಟಿಕೆಲು ಕ್ರಿಯಾಶೀಲತೆ ಬೊಕ್ಕ ಪ್ರತಿಭಾ ವಿಕಸನಗ್ ಸಹಕಾರಿಯಾಪುಂಡ್ ಪಂಡೆರ್. .ಮುಖ್ಯ ಅತಿಥಿಲಾದ್ ಉಡುಪಿ ಜಿಲ್ಲೆ ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ ಉಪನಿರ್ದೇಶಕರಾಯಿನ ಶಿವರಾಜ್ ಎನ್‌.ಕೆ,ಉದ್ಯಮಿಲಾಯಿನ ಅನ್ಸರ್ ಮಲ್ಪೆ,ಎಎಪ್‌ಟಿ,ನಾಟಕ ಅಕಾಡೆಮಿ ಸದಸ್ಯೆರಾಯಿನ ಪ್ರದೀಪ್‌ಚಂದ್ರ ಕುತ್ಪಾಡಿ,ಮಲ್ಪೆ ಸರಕಾರಿ ಪ್ರೌಢ ಶಾಲಾ ಮುಖ್ಯ ಶಿಕ್ಷಕೆರಾಯಿನ ಶ್ರೀಮತಿ ಸಂಧ್ಯಾ,ಸುಮನಸಾ ಅಧ್ಯಕ್ಷೆರಾಯಿನ ಪ್ರಕಾಶ್ ಜಿ ಕೊಡವೂರು ಉಪಸ್ಥಿತರಿತ್ತೆರ್..
ಪ್ರಕಾಶ್ ಜಿ ಕೊಡವೂರು ಸ್ವಾಗತ ಮಲ್ತುದ್, ಪ್ರದೀಪ್‌ಚಂದ್ರ ಕುತ್ಪಾಡಿ ಪ್ರಸ್ತಾಪನೆ ಮಲ್ತೆರ್.ಸುಮನಸಾ ಕಾರ್ಯದರ್ಶಿ ಚಂದ್ರಕಾಂತ್ ಕುಂದರ್ ಧನ್ಯವಾದ ಮಲ್ತೆರ್.
ಯೋಗೀಶ್ ಕೊಳಲಗಿರಿ ನಿರೂಪಣೆ ಮಲ್ತೆರ್.
by 