ಈರೊಂಜಿ ಮನಸ್ ಮಲ್ಪುಲೇ ಪಂದ್ ಸದನಡ್ ಪಂಡಿನ ರೈಕುಲು
ಕುಡ್ಲ : ಜುಲೈ 24 : ಕರ್ನಾಟಕಡ್ ತುಳು ಭಾಷೆನ್ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪೊಡು ಪಂದ್ ವಿಧಾನಸಭೆಟ್ ಕಾಂಗ್ರೆಸ್‌ದ ಪುತ್ತೂರು ಅಶೋಕ್ ಕುಮಾರ್‌ ರೈ ಸದನೊಡು ಜನಕ್ಲೆನ ಮನ ಗೆಂದಿಯೆರ್.
ಈ ಪೊರ್ತುಡು ಕನ್ನಡ ಬೊಕ್ಕ ತುಳು ಭಾಷೆಡ್ ಪಾತೆರಿನ ಅಶೋಕ್ ರೈ, ಕರಿನ ಸರ್ತಿಲ ಈ ಇಚಾರ ಪಂತೆ. ಈ ಸಲ ವಿಚಾರ ಪಂತೆ . ಬರ್ಪಿನ ವರ್ಷಳ ಉಂದುವೇ ವಿಚಾರ ಪನ್ಪಿಲಕ ಆಯರೇ ಬಲ್ಲಿ ಪಂದ್ ಸಭಾಧ್ಯಕ್ಷೆರ್ ಬೊಕ್ಕ ಶಾಸಕೆರ್ ಆಶೋಕ್ ಮೇರ್ ತುಳುಟೇ ಪಾತೆರಿಯೆರೆ ಸುರು ಮಲ್ತಿಲಕನೇ ಸದನಡ್ ಮಸ್ತ್ ಜನಕ್ ಅರ್ಥ ಆವಂದೇ ಕಕ್ಕಾಬಿಕ್ಕಿ ಆಯೆರ್ .
ಈ ಪೊರ್ತುಡು ವೇದವ್ಯಾಸ ಕಾಮತ್‌ ಲ ತುಳು ಭಾಷೆಡೇ ಪಾತೆರಿಯೆರ್ . ಸ್ಪೀಕರ್ ಅವ್ವೆತೋ ಸಲ ಈ ವಿಚಾರ ಸದನಡ್ ಪಂತೆರ್ . ಸ್ಪೀಕರ್ ಖಾದರ್‌ಲ ತುಳುವೇರಾಯೀನೇರ್ದಾವರ , ಮೆರೆನ ಪೊರ್ತುಡೆ ಈ ಬೇಲೆ ಆವಡ್ ಪಂದ್ ಬಿನ್ನಾಪು ಮಲ್ತೆರ್.
by 