ತುಳು ಭವನಡ್ ಮ್ಯೂಸಿಯಮ್

ತುಳು ಭವನದಡ್ ಮ್ಯೂಸಿಯಂ : ತಾರಾನಾಥ ಗಟ್ಟಿ

ಕುಡ್ಲ : ಜುಲೈ 24: ‘ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ತುಳು ಭಾಷೆ, ಸಂಸ್ಕೃತಿ ಅಧ್ಯಯನ, ದಾಖಲೀಕರಣ ಮಲ್ಪುನ ಆಸೆ ಉಂಡು. ತುಳುಭವನನ್ ತುಳುನಾಡ್ ದ ಸಾಂಸ್ಕೃತಿಕ ಕೇಂದ್ರ ಆದ್ ರೂಪು ರೇಷೆ ಮಲ್ದೆರ್ . ತುಳುವೆರ್ನ ಬದ್ಕ್ ಕಟ್ಟುನ ಮ್ಯೂಸಿಯಂ ಸುರು ಮಲ್ಪರೆ ಉಲ್ಲಾ ಪಂದ್ ‘ ಅಕಾಡೆಮಿದ ಗುರ್ಕಾರ್ಲಾಯಿನ ತಾರನಾಥ ಗಟ್ಟಿ ಕಾಪಿಕಾಡ್ ಪಂಡೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ 30ನೇ ವರ್ಷದ ಲೇಸ್ ಡ್ ಗುರ್ಕಾರ್ಮೆ ವಹಿಸ್ ದ್ ಆರ್ ಪಾತೆರಿಯೆರ್.

ತುಳುಭವನಡ್ ಅಮೃತ ಸೋಮೇಶ್ವರ ಚಾವಡಿ ಉಧಿಪನ ಮಲ್ತಿನ ಮಾಜಿ ಸಚಿವ ಬಿ.ರಮಾನಾಥ ರೈ, ‘ಸಮಾಜಡ್ ಸಾಮರಸ್ಯ ಕನಪಿನ ಶಕ್ತಿ ತುಳು ಭಾಷೆಗುಂಡು . ಪಂಚದ್ರಾವಿಡ ಭಾಷೆಡ್ ಒಂಜಾಯಿನ ಈ ಭಾಷೆ ದ ಬಗ್ಗೆ ಪೆರ್ಮೆ ಪಡೆಯೋಡು ಪಂದ್ ಪಂಡೆರ್

ಈ ಪೊರ್ತುಡು ವಿಧಾನ ಪರಿಷತ್ ಸದಸ್ಯ ಐವನ್ ಡಿಸೋಜ, ಕರ್ನಾಟಕ ಗೇರು ಅಭಿವೃದ್ಧಿ ನಿಗಮದ ಗುರ್ಕಾರದಿ ಮಮತಾ ಗಟ್ಟಿ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ಜೋಕಿಂ ಸ್ವ್ಯಾನಿ ಅಲ್ವಾರಿಸ್, ಕುಡ್ಲ ನಗರಾಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಸದಾಶಿವ ಉಳ್ಳಾಲ್, ಅಕಾಡೆಮಿದ ಮಾಜಿ ಗುರ್ಕಾರ್ಲಾಯಿನ ಎ.ಸಿ. ಭಂಡಾರಿ, ತುಳು ಸಾಹಿತಿ ಇಂದಿರಾ ಹೆಗ್ಗಡೆ, ಪ್ರಮುಖರಾದ ಎಚ್.ಎಂ. ವಾಟ್ಸನ್, ಎಂ.ದೇವದಾಸ್, ಅಕಾಡೆಮಿಯ ರಿಜಿಸ್ಟ್ರಾರ್ ಪೂರ್ಣಿಮಾ ಪಾಲ್ ಪಡೆದಿತ್ತೆರ್ .