ಜ.24 ಗ್ ಸಂಸತ್ ಭಾಷಣ ಕ್ರತಿ ಬುಡುಗಡೆ..

ತುಳು ಬೊಕ್ಕ ಕೊಡವ ಭಾಷೆಲು ಸಂವಿಧಾನದ 8ನೇ ಪರಿಚ್ಛೇದಗ್ ಸೇರ್ಪಡೆ ಆವೊಡ್ ಪನ್ಪಿನ ನಿಟ್ಟುಡ್ ಸಂಸದ ಬಿ.ಕೆ. ಹರಿಪ್ರಸಾದ್ ಸಂಸತ್ ಡ್ ಮಲ್ದಿನ ಭಾಷಣೊಲೆನ ಪುಸ್ತಕ ತುಳು ಕೊಡವ ಭಾಷೆದ ಅಳಿವು ಉಳಿವು ಪುಸ್ತಕ ಜನವರಿ 24ದಾನಿ ಬುಡುಗಡೆ ಆವರೆಗುಂಡ್ ಪಂಡುದ್ ಸಾಮಾಜಿಕ ಸಂಘಟಕೆರಾಯಿನ ಅಮೃತ ಶೆಣೈ ತೆರಿಪಾದೆರ್.
ಸುದ್ದಿಗೋಷ್ಟಿಡ್ ಪಾತೆರಿನ ಆರ್ , ಬಡಗಬೆಟ್ಟು ಕ್ರೆಡಿಟ್ ಕೋ- ಆಪರೇಟಿವ್ ಸೊಸೈಟಿದ ಜಗನ್ನಾಥ ಸಭಾಭವನಡ್ ಜ. 24 ಗ್ ಕಾಂಡೆ 11 ಗಂಟೆಗ್ ನಡಪುನ ಸಮಾರಂಭಡ್ ರಾಜ್ಯೋತ್ಸವ ಪ್ರಶಸ್ತಿಪುರಸ್ಕೃತ ಜಾನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನ್ ಪುಸ್ತಕ ಬುಡುಗಡೆ ಮಲ್ಪರೆಗುಲ್ಲೆರ್. ವಿಧಾನ ಪರಿಷತ್ ಸದಸ್ಯ ಬಿ. ಕೆ. ಹರಿಪ್ರಸಾದ್ ಅಧ್ಯಕ್ಷತೆ ಡಿಪ್ಪುವೆರ್.
ತುಳುಕೂಟ ಉಡುಪಿ ಅಧ್ಯಕ್ಷ ಬಿ. ಜಯಕರ ಶೆಟ್ಟಿ ಇಂದ್ರಾಳಿ, ಕುಂಜಿಬೆಟ್ಟು ಡಾ. ಟಿ.ಎಂ.ಎ. ಪೈ ಶಿಕ್ಷಣ ಕಾಲೇಜಿನ ಸಮನ್ವಯಾಧಿಕಾರಿ ಡಾ| ಮಹಾಬಲೇಶ್ವರ ರಾವ್ ಬೊಕ್ಕ ಮಂಗಳೂರು ಅ. ಭಾ. ತುಳು ಒಕ್ಕೂಟದ ಅಧ್ಯಕ್ಷೆರಾಯಿನ ಧರ್ಮಪಾಲ ದೇವಾಡಿಗ ಅಭ್ಯಾಗತೆರಾದ್ ಉಪ್ಪುವೆರ್.
ಈ ಸಂದರ್ಭಡ್ ತುಳು ಬೊಕ್ಕ ಕೊಡವ ಭಾಷೆಲೆನ್ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರ್ಪಡೆ ಮಲ್ಪರೆಗ್ ಆಗ್ರಹ ಮಲ್ಪುಂಡ್ . ತುಳು ಬೊಕ್ಕ ಕೊಡವ ಭಾಷಾಭಿವೃದ್ಧಿಗ್ ಅನುದಾನ ಬುಡುಗಡೆಗ್ ಆಗ್ರಹ ಮಲ್ಪುಂಡ್ ಪಂಡುದ್ ಅಮೃತ ಶೆಣೈ ತೆರಿಪಾಯೆರ್.
ಸುದ್ದಿಗೋಷ್ಟಿಡ್ ತುಳುಕೂಟ ಉಡುಪಿ ಕಾರ್ಯದರ್ಶಿ ಗಂಗಾಧರ ಕಿದಿಯೂರು, ನಾರಾಯಣ ಶೇರಿಗಾರ್, ಯಜ್ಞೇಶ ಆಚಾರ್ಯ ಇತ್ತೆರ್.