ಡೆಲ್ಲಿಡ್ ಮೆನ್ಕರೆಗುಂಡ್ ತುಳುನಾಡ್ದ ಕಂಗೀಲು ಕುಣಿಕೆ..

ರಾಜಧಾನಿದ ರಾಜಪಥೊಟ್ ರಾರಾಜಿಸವರೆಗುಂಡ್ ಕರಾವಳಿದ ಕಂಗೀಲು ಕುಣಿಕೆ.
ಉಂದುವೇ ಬರ್ಪಿನ ಜನವರಿ 26 ತಾರೀಕುದಾನಿ ದೇಶದ ರಾಜಧಾನಿ ದೆಹಲಿಡ್ ನಡಪುನ ಗಣರಾಜ್ಶೋತ್ಸವದ ಸಾಂಸ್ಕೃತಿಕ ಕಾರ್ಯಮಡ್ ತುಳುನಾಡ್ದ್ ಜಾನಪದ ಕುಣಿಕೆ ಕಂಗೀಲು ಪ್ರದರ್ಶನ ಆವರೆಗುಂಡ್.ಉಡುಪಿದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಲಾಯಿನ ಎಂ ಜಿ ಎಂ ಕಾಲೇಜು ಬೊಕ್ಕ ಪೂರ್ಣಪ್ರಜ್ಞ ಕಾಲೇಜಿದ 9 ವಿದ್ಶಾರ್ಥಿನಿಲು ಬೊಕ್ಕ _5 ಮಂದಿ ವಿದ್ಶಾರ್ಥಿಲೆನ ತಂಡ‌ ಗಣರಾಜ್ಶೋತ್ಸವದ ಪಥಸಂಚಲನದ ಸಂದರ್ಭಡ್ ನಡಪರೆಗುಪ್ಪುನ ಸಾಂಸ್ಕೃತಿಕ ಕಾರ್ಯಕ್ರಮಡ್ ಕಂಗೀಲು ನೃತ್ಯ ಪ್ರದರ್ಶನ ಕೊರ್ರೆಗುಲ್ಲೆರ್ ..ಈ ವಿದ್ಶಾರ್ಥಿಲು ‘ಉಡುಪಿ ಫೀಟ್ಸ್ ‘ ಪನ್ಪಿನ ಲಾಂಚನದಡಿಟ್ ಪಾಲ್ ಪಡೆಯರೆಗಿತ್ತುದ್, ತುಳುನಾಡುದ ಜನಪದ ನೃತ್ಶ ಪ್ರಕಾರನ್ ರಾಜಪಥಟ್ ಪ್ರದರ್ಶನ ಮಲ್ಪುನ ಅವಕಾಶ ತಿಕ್ಕುದುಂಡ್.
ಆಯ್ಕೆದ ಝೋನಲ್ ಮಟ್ಟದ ಸುರುತ್ತ ಪ್ರಕ್ರಿಯೆ ಡಿಸೆಂಬರ 11ತಾರೀಕುದಾನಿ ಬೆಂಗಳೂರುಡ್ ನಡತುದಿತ್ತುದ್, ಕಿರಣ್ ಪಡುಬಿದ್ರಿ ಮೆರೆನ ತರಬೇತಿದೊಟ್ಟುಗ್ ಈ ಪಂತೊಡ್ ಪಾಲ್ ಪಡೆದ್ ದೆಹಲಿಡ್ ನಡಪುನ ಕಡೇತ ಸುತ್ತುದ ಪಂತೊಗ್ ಆಯ್ಕೆಯಾದಿತ್ತೆರ್. ,ಡಿಸೆಂಬರ 18 ತಾರೀಕುದಾನಿ ದೆಹಲಿಡ್ ನಡತಿನ ರಡ್ಡನೇ ಹಂತದ ಗ್ರ್ಶಾಂಡ್ ಪೈನಲ್ ಮಟ್ಟದ ಆಯ್ಕೆಡ್ 104 ತಂಡೊಲ್ ಪಾಲ್ ಪಡೆದಿತ್ತುದ್, ಉಡುಪಿ ಬೀಟ್ಸ್ ತಂಡ ಸುರುತ್ತ 4 ನೇತ್ತ ತಂಡವಾದ್ ಆಯ್ಕೆಯಾತುಂಡ್. ಗುರುಚರಣ್ ಪೊಲಿಪು ಮೆರೆನ ಮಾರ್ಗದರ್ಶನದೊಟ್ಟುಗ್ ಈ ತಂಡ ಪಂತೊ ನಡಪಾದಿತ್ತುಂಡ್. ಕಡೇತ ಆಯ್ಕೆಡ್ ಬೊಕ್ಕ ತಂಡದ ಮಾತಾ ಸದಸ್ಶೆರು ಜನವರಿ 7 ತಾರೀಕುದಾನಿ ದೆಹಲಿಗ್ ಪೋದಿತ್ತುದ್ ಅಂತಿಮ ಪ್ರದರ್ಶನದ ತಾಲೀಮುಡ್ ಪ್ರತಿ ನಿತ್ಶ ಪಾಲ್ ಪಡೆಯೊಂದುಲ್ಲೆರ್.
ವಿದ್ಶಾರ್ಥಿಲೆನ ಈ ದೆಹಲಿ ಪಯಣನೇ ಒಂಜಿ ರೋಚಕವಾಯಿನವ್ವ್. ತಂಕುಲೆನ ದೃಢವಾಯಿನ ಇಚ್ಚಾಶಕ್ತಿ ಬೊಕ್ಕ ಮನೋಬಲಡಾದ್ ಬೇತೆ ಬೇತೆ ಎಡರು ತೊಡರುಲೆನ್ ಎದುರಿಸಾದ್ ಒಂಜೊಂಜೇ ಹಂತೊಡ್ ಗೆಂದೊಂದ್ ಬತ್ತುದ್ ಕಡೇತ್ತ ಪ್ರದರ್ಶನಗ್ ಆಯ್ಕೆಯಾತಿನವ್ವ್ ಶ್ಲಾಘನೀಯ. ರಡ್ಡ್ ಕಾಲೇಜಿದ ಪೆರ್ಮೆದ ವಿದ್ಶಾರ್ಥಿಲೆಗ್ ಅಭಿನಂದನೆಲು…. ‌‌‌‌‌‌‌‌‌‌‌