ತುಳುಧ್ವಜೊನ್ ರಾಪಾಯಿನ ಬೋಲ್ತೆರ್ ದ ತುಳುವೆರ್…

ಜೈ ತುಲುನಾಡ್ (ರಿ.) ಬೋಲ್ತೆರ್ ಘಟಕದ ವತಿಡ್ದ್ ಬೆಳ್ತಂಗಡಿ ತಾಲೂಕುದ ಉಜಿರೆಡ್ ತುಲುನಾಡುದ ಬೋಲ್ತೆರ್ ದ‌ ತುಳುವೆರ್ ಒಟ್ಟಾದ್ ತುಳು ಧ್ವಜೊನ್ ರಾಪಾಯೆರ್.

ತುಲುನಾಡುದ ಸಂಕೇತವಾದುಪ್ಪುನ ಸೂರ್ಯ ಚಂದ್ರ ಇಪ್ಪುನ ಕೇಪುಳ ಬಾವುಟೊನ್‌ ಉಜಿರೆದ ಸರ್ಕಲ್ ಕೈತಲ್ ಪಾಡಿಯೆರ್., ತುಳುನಾಡ್ ಒಕ್ಕೂಟ ಬೆಳ್ತಂಗಡಿದ ಅಧ್ಯಕ್ಷರಾಯಿನ ಶೇಖರ್ ತುಳುಧ್ವಜೊನ್ ರಾಪಾಯೆರ್.

ಈ ಸಂದರ್ಭೊಡ್ ಜೈ ತುಲುನಾಡ್ (ರಿ.) ಬೆಳ್ತಂಗಡಿ ಘಟಕದ ಸಂಚಾಲಕರಾಯಿನ ಗೌತಮ್ ಬೋಲ್ತೇರ್ ಬೊಕ್ಕ ಅಶ್ವಿನ್ ತುಲುವೆ, ಜೈ ತುಲುನಾಡ್ (ರಿ.) ಬೊಕ್ಕ ತುಲು ಲಿಪಿ ಸಮಿತಿ ಸದಸ್ಯರಾಯಿನ ರಂಜನ್ ಎಸ್.ವೈ ಬೊಕ್ಕ ಪೃಥ್ವಿ ತುಲುವೆ ಅಂಚೆನೇ ಜೈ ತುಲುನಾಡ್ (ರಿ.) ಸದಸ್ಯರಾಯಿನ ವಿಕ್ರಾಂತ್,ಗಣೇಶ್ ಕುಂದರ್,ರೋಶನ್ ಬೆಲಾಲ್,ಜಯಂತ್ ಉಜಿರೆ,ಸುದೀಶ್ ಕಟ್ಟೆ,ಸುದೇಶ್, ಆಶ್ಲೇಷ್,ಹರ್ಷಿತ್,ವಾಣಿ ಬೊಕ್ಕ ತುಳುನಾಡ್ ಒಕ್ಕೂಟ ಸದಸ್ಯರಾಯಿನ ಸುರೇಂದ್ರ ಉಪಸ್ಥಿತರಿತ್ತೆರ್.