ಮೂಡಬೆದ್ರದ ಪುತ್ತಿಗೆ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಫಾಲ್ಸ್ ಗ್ ಪೋದಿತ್ತಿನ 6 ಜವನೆರ್ ಇನಿ ಬೈಯದ ಪೊರ್ತುಡ್ ಫಾಲ್ಸ್ ಡ್ ಗೊಬ್ಬೊಂದಿತ್ತಿನ ಪೊರ್ತುಡ್ ಒರಾನೆ ತೆಡಿಲ್ ಬತ್ತಿನೆಡ್ದಾವರ 2 ಜನ ಜಾಗೆಡೇ ಖಾಲಿಯಾತೆರ್.ಬಾಕಿದ 3 ಜನಕ್ ಗಾಯ ಆತುಂಡುಂದ್ ಸುದ್ದಿ ಬೈದುಂಡ್.
ಪುತ್ತಿಗೆ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಂಚಿಬೈಲು ಯೆರುಗುಂಡಿಡ್ ಬೈಯಗ್ 5.30 ಗಂಟೆದ ಪೊರ್ತುಡ್ ಜೋರಾದ ಬತ್ತಿನ ಬರ್ಸದೊಟ್ಡುಗ್ ತೆಡಿಲ್ ಡಾದ್ ಯೆರುಗುಂಡಿ ಫಾಲ್ಸ್ ಡ್ ಗೊಬ್ಬೊಂದಿತ್ತಿನ ರತ್ನಾಕರ್ ಪೂಜಾರಿನ ಮಗೆ 22 ವರ್ಷದ ಮಣಿಪ್ರಸಾದ್, ಶ್ರೀನಿವಾಸ ಮುಗೇರನ ಮಗೆ 22 ವರ್ಷದ ಯಶವಂತ್ ಪನ್ಪಿನ 2 ಜನ ಜವನೆರ್ ತೆಡಿಲ್ ಹಾಕುದ್ ಜಾಗೆಡ್ ಕಾಲಿಯಾತೆರ್.
ಒಟ್ಟುಡ್ ಪೋತಿನ ಪ್ರದೀಪ್ ಕುಮಾರ್,ಗಣೇಶ್ ಬೊಕ್ಕ ಸಂದೀಪ್ ಮೊಕುಲು ಮೂಜಿ ಜನ ಮೌಂಟ್ ರೋಸಾರಿ ಆಸ್ಪತ್ರೆಡ್ ದಾಖಲಾತೆರ್.ಬೆದ್ರ ಪೋಲಿಸ್ ದಕುಲು ಈ ಬಗ್ಗೆ ತನಿಖೆ ದುಂಬರಿತೆದೆರ್.
by 