ಅಪ್ಪೆಮ್ಮೆನೊಟ್ಟುಗ್ ಜೋಕ್ಲೆನ ತುಳುಕವಿಗೋಷ್ಠಿ..

ಅಪ್ಪೆಮ್ಮೆ ತುಳು ನಾಟಕದ ಬೂಕು ಬುಡುಗಡೆದ ಪ್ರಯುಕ್ತ ನಡತಿನ ಅಪ್ಪೆಮ್ಮನೊಟ್ಟುಗು ಜೋಕ್ಲೆ ತುಳು ಕವಿಗೋಷ್ಠಿಡ್ ಉಡುಪಿ ಜಿಲ್ಲೆದ ಬೇತೆ ಬೇತೆ ಪ್ರೌಢಶಾಲೆದ 16ವಿದ್ಯಾರ್ಥಿಲು ಪಾಲ್ ಪಡೆಯೆರ್. ಉಡುಪಿ ತಾಲೂಕು ಕಸಾಪ ಗೌರವ ಕಾರ್ಯದರ್ಶಿ ಜನಾರ್ದನ್ ಕೊಡವೂರು , ಬೊಕ್ಕ ಸಾಹಿತಿ ಪೂರ್ಣಿಮ

ಜನಾರ್ದನ್ ಕೊಡವೂರು ಗುರ್ಕಾರ್ಮೆಡ್ ಜೋಕ್ಲೆನ ಕವಿಗೋಷ್ಠಿ ಯಶಸ್ವಿಯಾದ್ ನಡತುಂಡ್.
 
ಜನಾರ್ದನ್ ಕೊಡವೂರು ಪಾತೆರ್ದ್, ಜೋಕ್ಲೆಡ ತುಳು ಭಾಷಾ ಬರವಣಿಗೆದ ಕಲೆಟ್ ಆಸಕ್ತಿ ಪುಟ್ಟಾವುನ ನಿಟ್ಟುಡ್ ಅಪ್ಪಮ್ಮೆನೊಟ್ಟುಗ್ ನಡಪಾಯಿನ ಜೋಕ್ಲೆನ ಕವಿಗೋಷ್ಠಿ ನಿಜಕುಲಾ ಅಪರೂಪದ ಅಭಿವೃಕ್ತಿಯಾತುಂಡ್ ಪಂಡೆರು. 
 
ಪೂರ್ಣಿಮಾ ಜನಾರ್ಧನ್ ಪಾತೆರ್ದ್ , ಪ್ರತಿಯೊಂಜಿ ಜೋಕುಲುಲಾ ಅಪ್ಪೆಮ್ಮೆನ ಬಗೆಟ್ ಶೋಕುಡ್ ಕಬಿತೆಲೆನ್ ರಚನೆ ಮಲ್ತುದ್ ಮನದಾಳಡ್ ವಾಚನ ಮಲ್ತುದ್ ಬೇಷ್ ದೆತೊಂಡೆರ್.ಪಂಡುದ್ ಪಂಡೆರು. ಕವಿಗೋಷ್ಠಿಡ್ ಪ್ರೌಢಶಾಲಾ ವಿದ್ಯಾರ್ಥಿಲಾಯಿನ ಸುಶಾಂತ್ ಎಸ್.ಆಚಾರ್ಯ ಮುದರಂಗಡಿ, ಶಿವಾನಿ ಅಂಬಲಪಾಡಿ, ತೃಷ ಅದಮಾರು, ಸಂದರ್ಶಿನಿ ಕಾರ್ಕಳ, ಸಾನ್ವಿ ಪೆರ್ಡೂರು, ಕಾರ್ತಿಕ ಮುದ್ರಾಡಿ, ಶಾನ್ವಿ ಕಾರ್ಕಳ, ಸುಪ್ರಿಯ ಕಾರ್ಕಳ, ಪ್ರೇಕ್ಷಾ ಆಚಾರ್ಯ ನಕ್ರೆ, ನಂದಿನಿ ಅಲೆವೂರು, ಮಹಾಲಕ್ಷ್ಮೀ  ಬನ್ನಂಜೆ, ಯಶಸ್ ಪಿ.ಸುವರ್ಣ ಕಟಪಾಡಿ, ಪೂರ್ವಿ ಎಸ್.ಕೋಟ್ಯಾನ್ ಉದ್ಯಾವರ, ಮಿಶಾ ಆರ್ ಕೋಟ್ಯಾನ್ ಪಡುಬಿದ್ರಿ, ಅಭಿಷೇಕ್ ಕುಂಜಾರುಗಿರಿ, ವೈಷ್ಣವಿ ವಿ.ದೇವಾಡಿಗ ಉಡುಪಿ ಮೊಕುಲು ಸ್ವರಚಿತ ಕವನವಾಚನ ಮಲ್ತೆರ್. 
 
ನಾಟಕಕಾರೆರಾಯಿನ ಪ್ರಕಾಶ ಸುವರ್ಣ ಕಟಪಾಡಿ ಸ್ವಾಗತ ಮಲ್ತುದ್ . ಕಾರ್ಯಕ್ರಮ ಸಂಯೋಜಕೆರಾಯಿನ ಡಾ.ವಿದ್ಯಾ ಸರಸ್ವತಿ ನಿರೂಪಣೆ ಮಲ್ತೆರು. ಸಾಹಿತಿ ದಯಾನಂದ ಕೆ.ಶೆಟ್ಟಿ ದೆಂದೂರು ಸೊಲ್ಮೆ ಸಂದಾಯ್ತ ಮಲ್ತೆರು.   ಈ ಸಂದರ್ಭಡ್ ಪುತ್ತೂರು ಶ್ರೀ ಭಗವತಿ ಯಕ್ಷಕಲಾ ಬಳಗದ ಪ್ರಣಮ್ಯ ಉಪಾಧ್ಯ ಬೊಕ್ಕ ವೈಷ್ಣವಿ ಮೊಕ್ಲೆಡ್ದ್ ಯಕ್ಷನೃತ್ಯ ಕಾರ್ಯಕ್ರಮ ಬೊಕ್ಕ ಸುದರ್ಶನ್ ಆಚಾರ್ಯ ಬೆಳ್ಮಣ್ ಮೆರೆಡ್ದ್ ಮಿಮಿಕ್ರಿ ಕಾರ್ಯಕ್ರಮ ನಡತುಂಡ್.