ಇಂಟರ್ನ್ಯಾಷನಲ್ ಆರ್ಟ್ ಐಕಾನ್ ಟಾಪ್ 100 ಡ್ ಉಡುಪಿದ ವಿಘ್ನೇಶ್ !

ಉಡುಪಿದ ಯುವ ಕಲಾವಿದೆರಾಯಿನ ವಿಘ್ನೇಶ್. ಆರ್. ಜಿ ಮನೀಪಂದೆ ಸಾಧನೆ ಮಲ್ತುದೆ. ಚಿತ್ರಕಲೆಟ್ ಇರೆಮರೆತ್ತ ಕಾಯಿದಲೆಕ್ಕ ಮೇರು 2022 ಡ್ ನಡತಿನ ಇಂಟರ್ನ್ಯಾಷನಲ್ ಆರ್ಟ್ ಐಕಾನ್ ಸ್ಪರ್ಧೆದ ಟಾಪ್ 100
ವಿಜೇತ ಸ್ಪರ್ಧಿಲೆಡ್ ಆಯ್ಕೆಯಾದ್ ಉಡುಪಿಗ್ ಕೀರ್ತಿ ಕನದೆರ್.

ಉಡುಪಿ ಲಕ್ಷ್ಮೀನಗರದ ಪೂರ್ಣಿಮಾ ಬೊಕ್ಕ ರಾಘವೇಂದ್ರ ದಂಪತಿ ಮೊಕ್ಲೆನ ಮಗೆ. ,ವಿಘ್ನೇಶ್ ಆರ್
ಜಿ.ಉಡುಪಿದ ಪೂರ್ಣಪ್ರಜ್ಞಾ ಕಾಲೇಜಿದ ವಾಣಿಜ್ಯ ವಿಭಾಗಡ್ ದ್ವಿತೀಯ ಪಿಯುಸಿಡ್ ಕಲ್ತೊಂದುಲ್ಲೆರ್. ಬಾಲ್ಯಡೇ ಕಲೆತ್ತ ಬಗ್ಗೆ ಆಸಕ್ತಿ ಬುಲೆಪಾವೊಂದಿನ ಮೇರು ಗುರುದಾಂತಿನ ಕಲಾವಿದೆ. ,ವಿಘ್ನೇಶ್ ಕೇವಲ ಒಂಜಿ ವರ್ಷ ಚಿತ್ರಕಲೆ ತರಬೇತಿ ಪಡೆದಿನ ಬುಡುಂಡ ,ಆರೇ ಯೂಟ್ಯೂಬ್ ತೂದ್ ಕಲ್ತುದೆರು.ಅಕ್ರಿಲಿಕ್ ,ವಾಟರ್ ಕಲರ್ ,ಚಾರ್ಕೊಲ್ ,ಗ್ರಾಫೈಟ್ ಬೊಕ್ಕ ಆವೆ ಮಣ್ಣುದ ಮಾಧ್ಯಮಲೆಡ್ ಕೆಲವು ಚಿತ್ರೊಲೆನ್ ರಚನೆ ಮಲ್ದೆರ್.ರೆಯಾನ್ಶ್ ರಾಹುಲ್ ಆರ್ಟ್ ಯೂನಿವರ್ಸಿಟಿ ಇಂಚಪ್ಪೊಗ್ ಆನ್ ಲೈನ್ ಮುಖೇನ ಚಿತ್ರಕ ಸ್ಪರ್ಧೆನ್ ಆಯೋಜನೆ ಮಲ್ದಿತ್ತುಂಡ್.ಈ ಸ್ಪರ್ಧೆಡ್ ಸುಮಾರು 2 ಸಾವಿರಗುಲಾ ಜಾಸ್ತಿ ಜನ ಪಾಲ್ ಪಡೆದಿತ್ತೆರ್ ಪಂಡುದ್ ಗಮನಾರ್ಹ ಸಂಗತಿ.ಈ ಪೈಕಿ ವಿಘ್ನೇಶ್ ಟಾಪ್ 100 ಕಲಾವಿದೆರೆನ ಪೈಕಿ ಒರಿಯಾದ್ ಆಯ್ಕೆ ಆತೆರ್.ಇಂಟರ್ನ್ಯಾಷನಲ್ ಆರ್ಟ್ ಐಕಾನ್ ಸ್ಪರ್ಧೆದ ಟಾಪ್ 100 ಡದ ಸ್ಥಾನ ಪಡೆತುದೆರ್.

ಪೂರ್ಣಿಮಾ ಬೊಕ್ಕ ರಾಘವೇಂದ್ರ ಅಕ್ಲೆನ ಪ್ರೋತ್ಸಾಹಲಾ ಈ ಸಾಧನೆಗ್ ಕಾರಣ. ಉಂದೆಡ್ ದುಂಬು ರಾಷ್ಟ್ರಮಟ್ಟದ ಕಲೋತ್ಸವಡ್ ರಾಜ್ಯೊಗೇ ಸುರುತ್ತ ಇನಾಮು ಪಡೆಯಿನ ಹೆಗ್ಗಳಿಕೆ ಮೆರೆನ. ಪಿಯುಸಿ ವಾಣಿಜ್ಯ ವಿಭಾಗಡ್ ಕಲ್ತೊಂದುಪ್ಪುನ ಮೇರು ಅನಿಮೇಷನ್ ಡ್ ಮಸ್ತ್ ಆಸಕ್ತಿ ಪಡೆದೆರ್ . ಮಗೆ ಚಿತ್ರಕಲೆಟೇ ಉನ್ನತ ವಿದ್ಯಾಭ್ಯಾಸ ಮಲ್ಪುನಾಂಡ ಅಯಿಕ್ ಸಂಪೂರ್ಣ ಸಹಕಾರ ಕೊರ್ದ್ ಪ್ರೋತ್ಸಾಹ ಮಲ್ಪುವ ಪಂಡುದ್ ತೆರಿಪಾದೆರ್. .ಮಗನ ಈ ಸಾಧನೆದ ಬಗ್ಗೆ ಖುಷಿನ್ ಪಟ್ಟೊಂದೆರ್.