ಉಡುಪಿ ಜಿಲ್ಲಾಧಿಕಾರಿಗ್ ಉತ್ತಮ ಜಿಲ್ಲಾ ಚುನಾವಣಾಧಿಕಾರಿ ಪ್ರಶಸ್ತಿ.

ಉಡುಪಿ ಜಿಲ್ಲಾಧಿಕಾರಿಗ್ ಉತ್ತಮ ಜಿಲ್ಲಾ ಚುನಾವಣಾಧಿಕಾರಿ ಪ್ರಶಸ್ತಿ.

ಭಾರತ ಚುನಾವಣಾ ಆಯೋಗ 13ನೇ ರಾಷ್ಟ್ರೀಯ ಮತದಾರೆರೆನ ದಿನಾಚರಣೆ ಕಾರ್ಯಕ್ರಮನ್, “Nothing like voting, I vote for sure” “ ಮತದಾನಡ್ದ್ ಕುಡೊಂಜಿ ಇಜ್ಜಿ, ಯಾನ್ ಖಚಿತವಾದ್ ಮತದಾನ ಮಲ್ಪುವೆ” ಪನ್ಪಿನ ಧ್ಯೇಯವಾಕ್ಯದೊಟ್ಟುಗ್ ಆಚರಣೆ ಮಲ್ಪರೆಗ್ ನಿರ್ದೇಶನ ಕೊರ್ದಿತ್ತುದ್, ಆ ಪ್ರಕಾರ ರಾಜ್ಯ ಮಟ್ಟೊಡ್ ಇನಿ ಸರ್‌ ಪುಟ್ಟಣ್ಣಚೆಟ್ಟಿ ಪುರಭವನ ಬೆಂಗಳೂರು ಮುಲ್ಪ ರಾಷ್ಟ್ರೀಯ ಮತದಾರೆರೆನ ದಿನಾಚರಣೆ ಕಾರ್ಯಕ್ರಮನ್ ಆಚರಣೆ ಮಲ್ದುಂಡ್.

ಈ ಸಂದರ್ಭಡ್ ರಾಜ್ಯ ಮಟ್ಟೊಡ್ ಬೇತೆ ಬೇತೆ ವಿಭಾಗಡ್ ಎಡ್ಡೆ ಸಾಧನೆ ಮಲ್ದಿನ ಅಧಿಕಾರಿ ಸಿಬ್ಬಂದಿಲೆನ್ ಆಯ್ಕೆ ಮಲ್ದಿತ್ತ್ ದ್ , ಆ ಪ್ರಕಾರ “ಜಿಲ್ಲಾ ಚುನಾವಣಾಧಿಕಾರಿ” ವಿಭಾಗಡ್ ಆಯ್ಕೆ ಆಯಿನ ಉಡುಪಿ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಮೆರೆಗ್ ಕರ್ನಾಟಕ ರಾಜ್ಯದ ಘನತೆವೆತ್ತ ರಾಜ್ಯಪಾಲೆರು ಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ತೆರ್.

.ಈ ಪ್ರಶಸ್ತಿ ಪಡೆಯರೆಗ್ ಜಿಲ್ಲೆದ ಮಾತಾ ಮತಗಟ್ಟೆ ಮಟ್ಟದ ಅಧಿಕಾರಿಲೆನ (ಬಿಎಲ್ಒ), ಮತಗಟ್ಟೆಮಟ್ಟದ ಅಧಿಕಾರಿಲೆನ ಮೇಲ್ವಿಚಾರಕೆರೆನ ಸಹಾಯಕ ಮತದಾರೆರೆನ ನೋಂದಣಾಧಿಕಾರಿಲೆನ ಮತದಾರರ ನೋಂದಣಿ ಅಧಿಕಾರಿಲೆನ, ಸ್ವೀಪ್‌ ತಂಡ, ಕಾಲೇಜು ಪ್ರಾಂಶುಪಾಲೆರ್, ಜಿಲ್ಲೆದ ಚುನಾವನಾ ಶಾಖೆದ ಅಧಿಕಾರಿ, ಸಿಬ್ಬಂದಿಲು ಬೊಕ್ಕ ಜಿಲ್ಲೆಡ್ ಪೊಸತಾದ್ ಮತದಾರೆರೆನ ಪಟ್ಟಿಗ್ ನೋಂದಣಿ ಮಲ್ದಿನ ಯುವ ಮತದಾರೆರ್ ಬೊಕ್ಕ ಮಾತಾ ಜಿಲ್ಲೆದ ಮತದಾರೆರೆನ ಶ್ರಮ ಇತ್ತುದ್, ಮಾತೆರೆನ್ ಅಭಿನಂದಿಸಾದ್, ಬರ್ಪಿನ ಚುನಾವಣಾ ಪ್ರಕ್ರೀಯೆಲೆಡ್ ಮಾತೆರ್ಲಾ ಸಹಕಾರನ್ ಕೊರೊಡ್ ಪಂಡುದ್ ಜಿಲ್ಲಾಧಿಕಾರಿ ತೆರಿಪಾದೆರ್.